[poem font="Simplified Arabic,5,darkred,bold,normal" bkcolor="transparent" bkimage="" border="none,medium,gray" type=2 line=1 align=center use=ex num="0,black"]


انا رجل.. كله بلاده.. وممرور =لا طاع هو وقته ولا الوقت طاعه

احيان يومه من عذاباته دهور =واحيان يمرق.. مرقة الربع ساعه

مطحون حزن بريح الأحرام منثور =حاضر.. ولكن غايبٍ.. مثل إشاعه

متواضع حد: الـ (..)بلاها!! ومغرور =وأحن.. وأبسط واحدٍ بالجماعه

ماكن عاش بهالمسارح ولا دور =به شيطنه من يوم خلق وصياعه

مرّه رقا.. رقا.. رقا مالقا سور =لين إشترى نجم الثريا.. وباعه

هالآدمي بحدور.. بطلوع.. بحدور =دايم مسفط.. وش مسفط؟!.. كراعه!!

لا هو تشمل يم عرعر وأب القور =ولا هو مدّور بعد مكه شفاعه

مكتوم بأطراف نجدٍ..على(..) =الخبز عنده.. جّلْ وقته.. طماعه

لا هو ليا فكّرْ من اللوم معذور =ولا هو أنطلق وأكمل مسيرة ضياعه

يا حسبي الله.. يا أبعد الناس مشكور =يا حسبي الله.. يقطعك.. يا قناعه

ماني على اللي(كل ما صار) مقهور =اللي قهرني غن التطفل بشاعه[/poem]