[poem font="Simplified Arabic,5,darkred,bold,normal" bkcolor="transparent" bkimage="" border="none,medium,gray" type=2 line=1 align=center use=ex num="0,black"]

يقول من عـدا علـى راس عالـي=رجم طويـل يدهلـه كـل قرنـاس
في راس مرجـوم عسيـر المنالـي=تلعب به الارياح مع كـل نسنـاس
في مهمة قفر مـن النـاس خاليـي=شتاق له من حس بالقلب هوجـاس
قعدت فـي راسـه وحيـد لحالـي=براس الطويل ملابقه تقـل حـراس
متذكـر فـي مرقبـي وش غدالـي=وصفقت بالكفين ياس علـى يـاس
اخـذت اعـد ايامـهـا والليـالـي=دنيا تقلب مـا عرفنـا لهـا قيـاس
كم فرقت ما بيـن غالـي وغالـي=لوشفت منها ربح ترجـع للافـلاس
يقطعك دنيـا مـا لهـا اول وتالـي=لو اضحكت للغبن تقرع بالاجـراس
المستريح اللي مـن العقـل خالـي=ما هو بلجات الهواجيـس عطـاس
ماهـوب مثلـي مشكلاتـه جلالـي=ازريت اسجلهن بحبـر وقرطـاس
حملـي ثقيـل وشايلـة باحتمالـي=واصبر على مر الليالي والاتعـاس
وارسي كما ترسي رواس الجبالـي=ولا يشتكي ضلع عليـه القـدم داس
يابجاد شـب النـار وادن الدلالـي=واحمس لنا يابجاد ما يقعد الـراس
ودقـه بنجـر ياظريـف العيـالـي=يجذب لنا ربع على اكـوار جـلاس
وزله الى منـه رقـد كـل سالـي=وخله يفوح وقنـن الهيـل بقيـاس
وصبـه ومـده ياكريـم السبـالـي=يبعد همومي يوم اشمـه بالانفـاس
فنجال يغـدي مـا تصـور ببالـي=وروابع تضرب بها اخماس واسداس
لاخـاب ظنـي بالرفيـق الموالـي=مالي مشاريه علـى نايـد النـاس
لعـل قصـر مـا يجيلـه ظـلالـي=ينهد مـن عـال مبانيـه للسـاس
لاصار مـا هـو مدهـل للرجالـي=وملجا لمن هو يشكي الضيم والباس
بحسناك يامنشي حقـوق الخيالـي=ياخالق اجنـاس ويامغنـي اجنـاس
تجعـل مقـره دارس العهـد بالـي=صحصاح دوِّ دارس مابـه اونـاس
اليـوم فـي تالـي هدامـه يلالـي=جزاك ياقصر الخنا وكـر الادنـاس
متـى تربـع دارنــا والمغـالـي=وتخضر فياض عقب ما هيب يباس
نشـوف فيهـا الديدحـان متوالـي=مثل الرعاف بخصر مدقوق الالعاس
ونثير على البيدا سـوات الزوالـي=يشرق حماره شرقة الصبغ بالكـاس
وتكبر دفوف معبسـات الشمارلـي=ويبني عليهن الشحم مثل الاطعـاس

[/poem]

صح لساااااااااااااانك وسلمت يداك

صح الله لسانك .....قصيدة قديمة ولكن تعيش في الذاكرة الى الابد......... اختيار جميل ........مجهود تشكر علية فعلا ..........وانت دايم مبدع يا بركان الشعر ..................تحياتي .

الغالي بركان الشعر نقل جميل

وشاعر مخضرم وقصيدة رائعة

تدل على احساسك المرهف

وذوقك الجميل الرائع

تقبلي مروري ودمت بود

محبك ملك الانسانية