هذه القصيده كاتبها شاعر سوداني بعشق بلده بكل جنون



بريدك إنتى يا بلدى وريدك أصلوا ما بتحاق
بريدك اهة فى قلبى وريدك جوة فى ألأعماق
بريدك
بريدك أحلى كلمة حب وشلالات وداد دفاق
بريدك شان شموع ألحب تنور دارنا بالإشراق
بريدك شان لهيب حبك سكن جوة ألفؤاد حراق
بريدك زى شعاع ألضؤ برق وسط ألظلام رقراق
بريدك شان طريق وجدك ما بشقوا ألصبى ألعولاق
بريدك أغلى كنز ثمين نلملم فيهو كان يتحاق
بريدك درة للعارفين وزيك مافى فى ألأسواق
بريدك يا دهب خالص وبخت ألكانوا ليكى رفاق
بريدك بسمة حنية بريدك أحلى ريد دفاق
بريدك يا حلاوة ألريد بلاك ما شفنا ليهو مذاق
بريدك شان أمل دنيانا فى لمحة عينيك براق
بريدك ومانى خجلان تب أسجل ريدى فى ألأوراق
عشان أنا من هواك مكتول ولى شخصك يمين مشتاق
بريدك ...
بريدك والعيون باكية وإنت ألفينا أحلى نغم
بريدك والقلوب شاكية فى زمن ألمحنة عدم
بريدك إنت يا ألمحبوب وما بقبل حداكى ألم
بريدك ومن هواك مكروب وكايس ألوصفة وألبلسم
بريدك صوت حنين رنان بيملأ مسامع ألأبكم
بريدك بسمة زول فتان وريدك باقى لينا علم
بريدك ضحكة يا سودان وريدنا بلاك نشوفوا سجم
بريدك يبقى لى ريدك زاد فى دنيا كلها هم
بريدك وأبقى فى وريدك معين يسقيك مودة ودم
وبعد ما أكمل ألدورة أخش جوة ألقليب وأسلم
ده قلب كبير ملان ثورة بكلبش فيهو واتلزم
وكان جيت إنت تقلعنى تلاقى ألقبضة جد أحكم
وأسكن فى قليبك تب أسيطر فيهو واتحكم
وأقول للدخيل قبلك يمين كان يدخل أبقى بجم
عشان أنعم براى بيهو سودان إنت زيك كم
يمين ألزيك إنت قليل ذوق ومحنة ريد وفهم
وألماعاشرك والله حياتوا عذاب واخروا ندم
بريدك يا معانى ألريد وبعدك باقى لينا ورم
بريدك وفى ألختام مشتاق وسائل ألمولى يتكرم
يجود باللقيا بيك يا حب نعيش فى رحابوا نتنعم

الغالي العزيز وائل من روعة الوطن ومن جمال
الكلمات إختارت أناملك أجمل المعاني وأرق
العبارات رائع كل ما أفاض به يراعك القيم من
جمال الأحرف ومن رقة الأسطر سلمت يداك
على ما سطرته من روائع الكلمات

الرجاء طرح كل ما هو مقول في منتدى خواطر
أعجبتنا

ودمت بكل محبة ووفاء
الأخطل

ايها الاخطل دوما حروفك هي سلوتي
والامل الذي اترقبه . لله درك يا اخ الحرف
ورفيق القلم بك يزيد سروري وبك تفرح كلماتي
لك احترامي مع امنياتي لك بكل جديد ترسمه لهذا الصفحه

نتالي توم ان لحروفك سحر خاص
واثر تحسه في اعماقك دون ان يجتاز
مركز الاحساس دوما كلماتك بداية
لقصه جميله تحفها روعة الالق وصدق
المشاعر التي تضعينها منهاج لقلمك
الاصيل الذي لايعرف المجامله لانه
قلم صريح واضح . ومعرفتك بكل الثقافه السودانيه
لجعلك تعرفين كلمات الاغاني والفنانين الذي يتغنون بها
ان كنز المعرفه الذي تحمليه ابدا لن ينضب طالما تحملي روح
وهاجه دوما تبحث عن المعرفه فكوني كما اعرفك ودمتي

الله الله ما اروع حب الوطن

وما اجمل هذه الكلمات

نقل رائع من شخص اروع

ابداعه رفعه وانامله رسمت شخصيته

مبدع كعادتك دمت متالق

اخي ملك الانسانيه انك يا عزيزي
تستحق هذا الاسم الذي انت اهل له
فدوما حروفك تاتي بردا وسلامي
لحروفي وهي تشتاق لحروفك
التي اتشرف بمطالعتها في صفحتي
شكرا اخي