اخر قصيدة لي ..( وداعيه)

هاوي مو شاعر · 21-10-2006, 06:30 PM

السلام عليكم ورحمة الله وبركاتة

هذي راح تكون اخر قصيدة لي ان شاالله لاني نويت اعيش لانصح نفسي واعيش لصلاتي وعبادة ربي بس واذا اكرم علي العالي القدير رب العرش العظيم بالهدايه وتطوعت ارجعلكم ان شاالله ( شاعر مو هاوي ) وكلكم راح تشهدون بهذا الشي ان شالله لاني ذيك اللحظه قوي الايمان وحب الشعر لن يثر فيني لحظتها طوالي راح اوزن القصيدة واما اللحين اقدر اوزنها بس اتعمد الكسر ماهو غرور او تكبر بس لاني اشوف شي ماتشوفونه ربي رحمني و نورني عليه عساكم مثلي تشوفونه واللي شايل علي تكفى سامحني وحللني ..انا نويت ارحل نويت اجاهد بس الجهاد اللي بجاهده هو جهاد النفس ابغي اجاهد نفسي عن كسب الخطايا والسيئات واحارب شيطاني اللي يسكن بكل بشر وذالك بالصلاة وعبادة ربي الصحيحه ..هذا اهم جهاد جهاد النفس واصعب من اي جهاد لانه تحارب فيه شهواتك وملذاتك ومعاصيك بحب الدنيا وتجاهد نفسك على فعل الطاعات والخير والصلاة والصيام هذي اخر نصايحي قبل ما ارحل وهذي اخر قصيدة لي ماراح اكتب بعدها قصيدة الا وانا مطوع وراح اذكركم بهذا اليوم ان شالله والله يهديكم ويهديني باذنه ومشيئته جلت قدره ..واسف على الاطاله واسم القصيدة وداعيه ادعولي بالهدايه بعد قصيدتي ( وداعيه )

رابط تشغيل قصيدتي

http://www.alweehdatclub.net/ffh/do...fc801522cae131d

وداعيه نويت ارحل نويت اصحى وداعيه
لبست ثوب الوداع ودمعي حرق عيوني

اذكروني ياهل الخير اذكروني بمحبتكم الابديه
خلاص نويت ارحل لدين ربي اصوني

والنيه تايب لربي وكلكم تشهدون عليه
ماعاد اكتب قصايد ولو الشياطين يقطعوني

ابغى ازهد بالدنيا واعيش بس لرب البشريه
واللي شايلين علي تكفون حللوني

سامحوني يمكن اخطيت وعيوني ماهي داريه
قبل مرحل لربي اوعدوني بس تسامحوني

ابغى اجاهد نفسي احارب الشياطين الغازيه
اللي دعتني للفساد اللي خلتني بالدنيا مجنوني

جاهد نفسك اول بصواريخ ايمان حربيه
اطلقها على كل شيطان كائن مايكوني

هذا الوسواس الخناس سلمني الدنيا بهديه
وابعدنا عن عبادة ربي بكذب مدفوني

وصورلنا الحياة الدنيا هي العيشه الهنيه
والصورة تبروزت بقلوبنا وبعيونكم وعيوني

ارجوك لاتسئلني انا اسئل عيشتك الابديه
راح ترد عليك ظلمت نفسك يامحزوني

يوم عشقت الدنيا عشقت دنيتك الفانيه
وتركت ونسيت الصلاة وعذاب رب الكوني

ونسيت ان فيه اخرة وتصفيات لله حسابيه
اعمل خير تحصدهُ حقك مايضيع ربي يصوني

انا الهاوي انا المهموم همي ابكاني يابنيه
احاول ارضي ربي لاكن الشياطين يغزوني

والمشكلة اسلمهم نفسي بسهوله غير اراديه
لاني كنت عاشق الدنيا وماصدقو جو حاصروني

وعطف علي ربي نورني رب البشريه
وشفت طريق جيوش الهدايه ارجع ينادوني

لاكن حب الدنيا يوقفني اجلس مكانك هنيه
ماني فاسد بس جيوش حب الدنيا وقفوني

واعمل خير وشر واستغفر من الخطيه
لان في شي بداخلي يوعيني وعلى ربي يدلوني

لاكن اللحين عزمت والنيه توبه النيه
ازهد بالدنيا الفانيه خلوني اعبد ربي خلوني

ياشياطين الانس والجن ابتعدو مالكم جيه
ماراح استسلم لكم دام معي رب الكوني

هذي اخر نصايح هاوي في زمنا زمان الجاهليه
وارجعلكم ذيك اللحظه ان شالله تشوفوني

اذا صرت مطوع ومالك دين ربي النفسيه
ارجعلكم شاعر مو هاوي والقصيد موزوني

وان شالله كلنا حيين يومها تشهدون عليه
صدقوني غصب طيب شاعر تسموني

وداعيه نويت ارحل نويت اصحى وداعيه
هذي اخر رساله من هاوي ياللي تحبوني

وسلامتكم

هاوي مو شاعر

ملاحظه هذا البيت (صدقوني غصب طيب شاعر تسموني)
اقصد فيه ناس يمكن ماهو في منتداكم لاني مشارك في اكثر من 20 منتدى يمكن وكلهم انزل قصايدي عندهم وبعض المنتديات اكثر منكم بكثير بعدد القصايد وتصيرلي سوالف مع كل منتدى ياريت محد يزعل مني ويحللني وهذي اخر قصيدة لي في كل المنتديات ان شالله
انا دايم انصح الناس وما انصح نفسي جى الوقت اللي انصح والتفت لنفسي والوداع

**النجديه** · 22-10-2006, 01:34 AM

حياك الله

اسأل الله لي ولك الهدايه والصلاح والثبات

بارك الله فيك وثبتك ونصرك على شياطين الانس والجن

صح لسانك على هذه القصيده الرائعه

بسومه الاموره · 22-10-2006, 03:30 AM

صح لسانك ..

قصيده طيبه ورائعه ..

اقدر اسميك امير حرفك ..

والله يثبتك وينور دربك ..

ويهدي المسلمين اجمعين ..

**الاخطل** · 23-10-2006, 02:43 AM

زادك الله إيمانا وتقوى وبارك لك وفيك
سلمت أناملك التي نثرت عبير الكلمات
وجميل المعاني والعبارات رائع كل ما
أفاض به يراعك القيم من جمال الأحرف
ومن رقة الأسطر
ودمت بكل محبة ووفاء
الأخطل

عماد راديو · 23-10-2006, 05:54 AM

سلمت أناملك التي نثرت جميل الكلمات
وروائع المعاني والعبارات رائع كل ما أفاض
به يراعك القيم من جمال الأحرف ومن رقة
الأسطر

ودمت بكل محبة ووفاء
عماد راديو

**اسير بلا قيود** · 24-10-2006, 05:04 AM

واما اللحين اقدر اوزنها بس اتعمد الكسر ماهو غرور او تكبر بس لاني اشوف شي ماتشوفونه ربي رحمني و نورني عليه عساكم مثلي تشوفونه واللي شايل علي تكفى سامحني وحللني

-----------------------------------

الله يحللك ويبيحك

وعلى الرحب والسعه

قصيده رائعه

تحياتي لك

**آهات متناثرة** · 25-10-2006, 09:18 AM

أخي هاوي

ثبتك الله على الطريق السويّ وأنار بصيرتك
وسدد للصدع بالحق في الغضب والرضى
وفي النعماء والضراء
,
,
,
أسأل الله لك التوفيق
وأن نراك في القريب العاجل وقد إرتديت لباس التقوى والصلاح

وصح لسانك يالغالي

**حيدر محمد** · 30-10-2006, 12:16 AM

مشكور الاخ الكريم
اخوك حيدر محمد

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع	تقييم هذا الموضوع
العرض العادي الانتقال إلى العرض المتطور الانتقال إلى العرض الشجري	تقييم هذا الموضوع:



	دردشة شات الحب - شات كتابي - شات صوتي واكبر تجمع خليجي عربي على شبكة الحب