مختارات من قصائد الشاعر/ بندر بن سرور (رحمه الله)

**بدويه** · 11-10-2006, 08:28 AM

قصائد أعجبتني للشاعر بندر بن سرور (رحمه الله)..

أتمنى أن تحوز على استحسانكم....

عجل على المسجد

ياكثر يافيحان صبر صبرناه ... امس الشهر عديت باقي اسبوعه
لاتغبط اللي صار زوده بدنياه ... يتبع هوى نفسه وغير طبوعه
مخطي طريق الحق غاد بعمياه ... يجمع وصخ مال زوال نفوعه
اغبط تقي صار زوده بتقواه ... عبد لصوت العبد يرخي سموعه
يفرح بصوت منادي الحق ناداه ... عجل على المسجد بطيْ ركوعه
والا ترى الدنيا حدود مسماه ... لابد مايقفي وتقفي زروعه

*******

انحاس بالي

انحاس بالي يامحمد وصديت ... من كثر الصدات قلت شطونه
ماني وانا بندر بهيت ولد هيت ... هيت يجامل خمة يكرهونه
من كثر ماجربت واقبلت واقفيت ... قولة هلا لمن لايودك مهونه
سلط على النصراني اللي لقا الزيت ... لعل نبع الزيت يعمي عيونه
لاشك تحتاج المراجل شفاليت ... تحتاج شي يقصر النذل دونه
عزم على الفرجه وقطع الخلا الميت ... حتى عيال البوم مايقطعونه
ثلاث*من كل المعاني تنقيت ... واللي بقى كل الملا يقدرونه
مابغى جزاهن غير من خالق البيت ... عمالهن للناس ماينفعونه

*********

حكم نجد بالسيف

الله من عين طرقها صواديف ... عميت ويبسن بالعروق الصخافي
شفت الوزا بالعين من عرض ماشيف ... شفته وغيري من فطن له وشافي
وقت تغير فيه حتى العواصيف ... جا في عواصيف الرياح أختلافي
شره قناطير وخيره مقاطيف ... يفطن له اللي يرضع الديد غافي
كم واحد جاله زمانه على الكيف ... واغترته نفسه يبا الجود وافي
يطلع مطاليع العلا بالسواليف ... بين العذارى عد روحه سنافي
يفرح بهرج بالقفى يكره الضيف ... قتات والقتات بالنار هافي
يعلق قصيره علقة النار بالليف ... عي ولد عي زنوده ضعافي
ان رخصت الحذوه توفي عن الحيف ... وان غليت الحذوه مشى اللاش حافي
يرقد ويلحق والدينه تخاليف ... دايم ومرقد ميت النار دافي
هو مادرى ان الجود يبغى تكاليف ... سهر الليالي مقبلات مقافي
يبغى يدين للعطايا مغاريف ... ويبغى رجول ماتمل الوقافي
والصبر بنحور السنين الشواحيف ... اللي قساها مثل حد الرهافي
مايقدرون الجود سود الأطاريف ... مشاركة بيض النسا باللحافي
يقدر عليه اللي حكم نجد بالسيف ... واودع مباغيض القبايل ولافي
عبد العزيز اللي يبث المصاريف ... يجدع قناطير الذهب بالفيافي
يمشي على دربه جموع مراديف ... نو تحدر ماه والجو صافي
يشدي لواقيط الزبيدي بعد ريف ... ومما كسى البيدا تفيد الضعافي

**********

سر ياقلم

سر ياقلم مالي على الصبر طاقه ... صبري تعدى الحد ماعاد ينطاق
أكتب لمثلي قصته واشتياقه ... في خطك الواضح على بيض الأوراق
قصة حزين صافي الحر ذاقه ... انا بذكره ماصله خاطري ضاق
باقو به الأصحاب والوقت باقه ... وصار الضحيه بين باير وبواق
يمشي وهو ماحس في كسر ساقه ... امسى على ساقين واصبح على ساق
مهذي سواة الوقت شين اصطفاقه ... الوقت لو يصفى لك ايام دراق
لاشك يامن معك عقل ولباقه ... بنصحك كان انك للأمثال تشتاق
صادق رجال يعرفون الصداقه ... يقفون صفك يوم يبسات الأرياق
ومن يرغب فراقك فعجل فراقه ... جاز الذي يجزيك أفراق بفراق
يقوله اللي جاير الوقت عاقه ... ولازال في غيبوبة الهم مافاق
حظه على اقشر شي للنفس ساقه ... بقبور الاحياء ينتظر يوم الأطلاق

مع التحية

معاند الجرح · 11-10-2006, 02:16 PM

اختي الكريمه / بدويه

سلمت يمينك ولا هنتي ولا هان راسك

اجدت الاختيار والنقل مع انه من الصعوبه وخاصة اذا كانت لشاعر كبندربن سرور العتيبي

رحمه الله حيث ان شعره من السهل الممتنع ولا تستطيع المفاضله بين قصائده لجزالتها.

وياليت تتفضلين علينا وتجودين اذا كان لديك من نوادره ولو مجرد ابيات.

تقبلي خالص التحايا واصدقها

اخوك / معاند الجرح

**النجديه** · 12-10-2006, 06:07 AM

صاحبة ذوق رائع

تميزتي عن الجميع بحسن الاختيار

لا شلت يمينك غاليتي

**بدويه** · 12-10-2006, 08:26 AM

اقتباس

المشاركة الأصلية كتبت بواسطة معاند الجرح


	اختي الكريمه / بدويه سلمت يمينك ولا هنتي ولا هان راسك اجدت الاختيار والنقل مع انه من الصعوبه وخاصة اذا كانت لشاعر كبندربن سرور العتيبي رحمه الله حيث ان شعره من السهل الممتنع ولا تستطيع المفاضله بين قصائده لجزالتها. وياليت تتفضلين علينا وتجودين اذا كان لديك من نوادره ولو مجرد ابيات. تقبلي خالص التحايا واصدقها اخوك / معاند الجرح

حياك الله أخوي.. معاند الجرح

شهادتي مجروحة في شعر بندر بن سرور .. من أصدق الشعراء شعراً.. أحس وأنا أقرأه بإحساسه ويوصل للقلب بسرعة.. ومفرداته رااااائعة.... (رحمة الله عليه)

وطلبك موجود .. وراح أطرح له الموجود عندي....

ودمت بكل ود

**بدويه** · 12-10-2006, 08:29 AM

اقتباس

المشاركة الأصلية كتبت بواسطة النجديه


	صاحبة ذوق رائع تميزتي عن الجميع بحسن الاختيار لا شلت يمينك غاليتي

ياهلا وغلا يانصفي الثاني...

وجودك في مشاركتي.. شرف لي...

لاحرمني الله حضورك الكريم...

مع التحية

**بدويه** · 12-10-2006, 08:40 AM

إضافة لقصائد / بندر بن سرور (رحمة الله)

(الشاور غشاني)

من بلاد الشام جينا بالمكينه ... فوق فرت ماتخثع بالطماني
يحتدي مثل الجمل تسمع رطينه ... مع طمان القاع مثل الثعلباني
والشفير من المدارس مطلعينه ... عيدهي يجدعه جدع الحصاني
قذلة الطربوش ناطلها يمينه ... عن ظلام الليل شب الكهرباني
ماتجيه يسار رجله شوف عينه ... غير يسر الطاركي باليماني
يوم قال له الخوي عاشت يمينه ... شد رجله للكمك واحد وثاني
يالله انك تنصره من نصر دينه ... ان عطى له مع غبا والا بياني
قلت يالمطنوخ انا عيني حزينه ... عن شراب اللف ابيه وعنك كاني
قد رمى بالكيس قدمي قال وينه ... دوك مابالجيب عن شي لهاني
يقصد الكبريت معي منه عينه ... قد منا تلت غراميل متاني
قلت ثالث قال يالله لاتهينه ... قلت خامس قال قير يطلب نقل ثاني
قالت واحد والكمك ظام المكينه ... قال لي من يرحم القاسي لياني
قلت والله يرحمونه صانعينه ... قد زعلت من اللهيب اللي غشاني
قال ماتاثق بذمه مقننينه ... عن مشاور غير عرفي قد كفاني
قاطع عرقين مدري وين وينه ... قد وصلت الأرض واسمع صوت ثاني
يوم يرفع موخره قو المكينه ... يرتخي صدره وانا الشاور غشاني
قلت دوك اللف خابو شاربينه ... غطني عن شوف شي قد غشاني
قال عن وقلت بأيا لحينه ... قال قل ناسي خوي مانساني
قلت عاش الشيخ واللي ناجبينه ... عادة الطيب اليا جا الجد عاني

********

(صدر وردوف)

يابنت ياللي عمرها صدر وردوف ... بيض محاجرها وحلو نباها
ودي بشوفك مير يوم اقصر الشوف ... عيني بعد هاك الرمد قل ماها
سويت لي يابنت بالعين معروف ... بأسباب رجل بعدتها خطاها
والا ترى قلبي ليا اصطك بالجوف ... اومى بحالي لين تابس عصاها

********

(لاتسقط شرفها)

الله من شي بحالي نحفها ... من مالجى بالقلب حالي نحيفه
من كثر ماتكتم تزايد تلفها ... بين كداها بالعروق الصخافي
كم واحد له حاجة ماصرفها ... يصد عن صرافها لايضيقه
يخاف لايقضب نديم طرفها ... قلبه صدى واطراف جسمه نظيفه
والله خلق بيد الذلول وعسفها ... للي يبي المنهاج مثل القطيفه
والفضل للي مدها ماقصفها ... وانهج من الدار المحل للمريفه
وانصحك ياللي غرته ماعرفها ... شيب تشيب مايحول رديفه
رديفها يركض ويركز هدفها ... وقت يقص العظم من حد سيفه
وان جتبك الدنيا وجابك صدفها ... لاتعتزي بأهل النفوس الضعيفه
وأنصحك نفسك لاتسقط شرفها ... ترى بعض بيض المجالس مجيفه

ًًٌٌٌٌٌٌٌٌٌٌٌٌٌٌٌَُُ*********

(خبيث التجاره)

لاوالله الا طولن بالوقوفي ... عيا يحملهن خبيث التجاره
بفلوسنا ياعبيد ماش معروفي ... متى نجي ياعبيد مع خشم صاره
ياركب من فوق صاف البلوفي ... مقعد امبير الزيت نيم الحراره
فراق مابين القلوب الولوفي ... فرت كما وبل السحايب غباره

************

(شيب الفلاحي)

بديت ذكر اللي بسط سبع بوتاد ... واللي رفع سبع بليا عمدها
والكار للي صار غيث للأجواد ... لاقبلها صارت ولا من بعدها
زايد على كل العرب بالوفاء زاد ... ساق المراجل لين وقف عددها
حلحيل حلو مر زراع حصاد ... كبد يداويها وكبد لهدها
ولي عجوز من ورى شط بغداد ... سمت على شيب الفلاحي ولدها
تبغاه يطلع مثل زايد ولا فاد ... ماكل من هاز الطويله صعدها
ياشيخ انا جيتك على غير ميعاد ... من خوف روحي لايجيها وعدها

وسلامتكم

معاند الجرح · 12-10-2006, 03:47 PM

اختي الكريمه/ بدويه

ياسلاااااااام ياسلاااااااام

تسلمين على الجوده بالاختيار والنقل الرااااائع

كم من الوقت ازف وانا اتأمل في هذه الابيات الجزله

لي عودة مرة اخرى ليست واحده بل العديد والعديد

تقبل خالص التحايا واصدقها

اخوك / معاند الجرح

**حيدر محمد** · 31-10-2006, 02:07 AM

مشكورين على البوح الرائع
دمت بكل ود
لى عوده
اخوك حيدر محمد

**بدويه** · 31-10-2006, 11:07 PM

الله لايهينكم ... مشكورين على المرور الكريم

مع التحية

**بركان الشعر** · 15-08-2007, 08:11 PM

بدويه يعطيك العافيه على المجهود السخى

**الليــ عطر ــل** · 09-10-2007, 08:51 PM

×?°هلا ومليون غلا×?°

الله يرحم شاعرنا العذب

ومشكورة على إختيارك