 |
 |  |
| | |
| | |
19-12-2005, 09:55 PM
| #1 (permalink) |
| محب برونزي   |  ليتها الأحلام تتحقق ليتها الاحلام تتحقق I lived all my life believing in love but right now, I am sure that love is part of dreamland the land that we will never step on/ we just go there in our dreams that never becomes true… I hate the fact that everyone can lie, betray and be unfaithful. Why people cannot be honest and good. I didn’t want you as good as Angels and as clean as glass I just wanted you for myself without anyone sharing you with me and you proved to me by your actions that its a lot for me and I don’t deserve it after everything we went through together. Do you remember our days together we were all what the other got ,, do you remember when we both promised to be for each other forever ,,,, do you remember how we were in love or should I say how I were in love …. How could you possibly leave all that behind you and betray me how could you do something like that to me…. Did you forget your words to me did you forget u saying that you will be MINE forever what happened to that nights that we were thinking of our life together …I can’t imagine my life without you but I can’t either share you with anyone I can’t accept the idea that someone can come to me and say that you belong to them and that you think of them and they do spend time with you >>>>>>>>>>>>>>> this is the begging of my story now lets look what really happened.: عشت حياتي كلها و أنا مصدقة إن الحب موجود بس اليوم ضاعت كل آمالي و أحلامي اليوم تأكدت إن الحب ماهو إلا جزء من أرض الاحلام.. أكره الواقع اللي فيه الناس تجذب، تخون و ما تخلص ليه هالناس ما تخلص و الله إني ما بغيتك بلا أغلاط شرا الملايكة و لا بغيتك شفاف شرا الزجاج أنا بغيتك لي>>> بغيت قلبك يكون ملكي بدون ما يشاركني حبك مخلوق.. بس إنت اثبتلي إني ما استاهل بافعالك تركتني و لا سالت عني و خليت الناس تتكلم و تقول عنك اللي تبي .. تذكر يوم إن انحب بعض و لا لازم أقول تذكر يوم إني أنا كنت أحبك.. كيف تتركك كل هذا وراك و تخليني كيف بس كيف .. نسيت كلماتك لي نسيت الليالي اليي جمعتنا نسيت أحلامنا و آمالنا نسيت كل اللي كان .. نسيت كلامك لي أنا مقدر على بعدك بس ما أقدر أتخيل إن حد يشاركني قلبك .. هذة بدايه قصتي و قصة الزمن ؟؟؟ قصة بدايتها جفا و النهاية ما من جديد الفصل الأول الام: بدور(أم مايد) الأب: خالد (بو مايد) الأخ الأكبر: مايد25 سنة(مسؤول في شركة أدنوك البترولية) سلطان 22 سنة ملازم في الجيش.. خريج مشروع بريطانيا الهنوف 19 سنة في كلية التقنية بدبي شهد12 سنة ( توفت في العين قبل 4 سنوات بمرض القلب) سيف آخر العنقود 6 سنوات كانت عايلة بو مايد عايشة في العين و انتقلوا دبي من 4 سنوات يعني بعد وفاة شهد تبدأ القصة بمشهد عادي يصير في كل بيت ، الهنوف قاعدة في غرفتها و الملل بيجتلها ، الهنوف ثاني سنة في كلية التقنية في دبي دقت على كل ربيعاتها بس بعدها ملانه نزلت تحت و شافت أخوها الهنوف وهي تلوي على أخوها: فديت سلطون و الله علني فدا هالعيون السود و الوساع يا ويلي أنا شو هالجمال سلطان: هلا و غلا .... يالله هاتي من الآخر هب فاضي الهنوف:لييييييييييييش شو عندك سلطان : بطلع ويا الربع بنسير نخيم فالبر الهنوف:سلطون و الله بموت من الملل الله يخليك خلنا نسير السينما بليييييييييييييييييييييييييز سلطان: لا فديتج ما يصير أنا طالع بعد ساعة... كلمي مايد الهموف: مايد؟؟ هب فاضي و بعدين أنا أبا أطلع وياك (دهان سير) سلطان: فديتني ما في حد شراتي الهنوف: شو الحين؟؟؟؟؟ سلطان: سيري بيعي طماط هههههههههههه الهنوف: ضحكت بليا ضروس يا سلطون و تنش الهنوف و تصعد غرفتها و الملل بيذبحها ...يرن تيلفونها (مشكلني حبك يا روح الروح مشكلني... أغنية راشد الماشد) ردت عالتيلفون و مزاجها زفت الهنوف: هاي على الخط: هلا و الله مرحبا مليون و زود و ماظنتي الملايين تسدن الهنوف: مرحبتين عليا: بلاج ... ليش جية المزاج متعكر الهنوف: بموت من الملل عليا: عيل وين الاستاذ سلطان ليش ما تطلعون الهنوف: طالع البر ويا ربعة عليا: متى ما خبرتيني؟؟ الهنوف: بعده ما طلع ربعه بيمرونه بعد ساعة علبا: يروح و يرد لكم بالسلامة الهنوف: ....................... عليا: بلاج.. انزين ادخلي النت الهنوف: و الله فكرة بس شو أسوي عليا: إدخلي المسن أو الشات الهنوف : تدرين إني ما أدخل مواقع الشات و المسن محد قاعد الحين عليا: خلاص بخليج.. لان أمي تزقرني الهنوف: وداعة الله عليا: وداعة الرحمن تحط الهنوف تيلفونها من إيديها و تتذكر المرة الوحيدة اللي دخلت فيها الشات بعد ما كان الفضول بيذبحها .. الهنوف دخلت الشات قبل سنة وأول ما دخلت الموقع ما كان فيه إلا شخص واحد سلمت و بو الشباب ما قصر كل هالاحداث اللي بقولها صارت من سنة تقريبا و الهنوف تتذكر الحين.... الشاب: هلا و غلا بالمزيونة..(هذا كان النك اللي دخلت فيه ) الهنوف: هلا الوحيـــــــــــــــــــــــــــــ:ــــــــــــــ ـد الوحيد: مرحبابج الغالية الهنوف: مرحبابك زود الشيخ الوحيد: شكلج من الإمارات لو ما كنت غلطان الهنوف بريئة و ما تحب الجذب : هيه نعم من الامارات .. و إنت؟ الوحيد: من الإمارات بس أدرس في بريطانيا الهنوف: الله وناسة أكيد مستانس هناك الوحيد: بلاج صدقتي؟ الهنوف: شو تقصد؟ الوحيد: إنتي عبالج الناس تقول الصدق في مواقع الشات الهنوف : ليش لا الوحيد: شكلك أول مرة تدخلين الشات الهنوف: الصراحة هيه الوحيد:.................... الهنوف: شو رايك نسولف بدون جذب و الله أحلى الوحيد:مستغرب من كلامها: أوكي الهنوف: إنت من وين؟ الوحيد: أنا من أرض زايد و أدرس في بريطانيا الهنوف ردينا....... في ذمتك الوحيد: هيه و الله الهنوف:.................... الوحيد: صدقتيني الهنوف و هي محتارة: يعني الوحيد: إنتي تدرسين؟ الهنوف ترد بحماس لإنها حست إنها تخلصت من الملل: هيه أول سنة في التقنية الوحيد: إنتي بلاج جيه تخورين بالرمسة.. ما باقي إلا تقولين إسمج ووين ساكنة الهنوف: نسيت سوري.. إسمي الهنوف و ساكنة بدار الحي الوحيد: يالهبلة ههههه الهنوف: هبلة حرمتك ههههههه الوحيد: انا هب معرس الهنوف: الهبلة اللي بتاخذك هههههههههه الوحيد: يضحك على براءة الهنوف و خفة دمها الهنوف: أمممممممممممممم شو إسمك؟ الوحيد: الوحيــــــــــــــــــــــــــــــــــــــــــــ ـــــــــد الهنوف : ما بتخبرني الوحيد: لا أخاف تيين تخطبيني هههههههههههههههه الهنوف: ههههههههههههههههههههههههه الوحيد: إسمي سعود و عمري 23 سنة شاب وسيم يقدر الحياة الزوجية يبحث عن فتاة جميلة هههههههههه الهنوف : هههههههههههههههههههه يالنكتة الوحيد: نكتة ريلج هههه أم الهنوف تدخل عليها و تقطع حبل أفكارها أم مايد: الهنوف بلاج يامي ما تردين عليا الهنوف: السموحة منج الغالية ما سمعتج ام مايد: يالله حبيبتي ارقدي وراج نشه من وقت باجر الهنوف: إن شا الله امي و تطلع ام مايد و تصك الباب وراها ترجع الهنوف تتذكر سعود و الأيام الحلوة اللي قضتها معاه عالنت و حست إنه صار جزء من حياتها وردت تتذكر لما دخلت النت ( المسنجر)كالعادة و كان خامس شهر يمر عليهم ويا بعض الساعة 10 و شافت سعود اون لاين الهنوف: مرحبا بالمزايين سعود: مرحبابج زود غناتي الهنوف مستحية: هلا سعود سعود و حس إنها إستحت: شحالج يالهبلة أونه يلطف الجو الهنوف حست إنه يلطف الجو: ربي يعافيك العبيط إنت شحالك سعود: بخير دامج بخير الهنوف: شو الجو عندكم سعودو سعود و هو مستغرب لأنها أول مرة تناديه جذه بس ما حب يقول شي لإنه أستانس عالكلمة: و الله الجو ثلج هنوفي و الله اشتقت للإمارات و ناسها الهنوف و الابتسامة شاقحة ويها: منو الناس اللي إنت مشتاقلهم؟ سعود: هلي و ربعي و ناس علني فداهم هههه بخبث بس خبث سوالف الهنوف:......................... سعود: بلاج هنوفي الهنوف: سعود إنت تحب وحدة في الإمارات؟ و بتموت من الخوف سعود:اممممممممممممممممممممم تبين الصدق و لا ولد عمه الهنوف: سعود هب وقت مزح سعود: هيه نعم أحب و هب أي حب إلا حب من الخاطر يبتسم الهنوف:...................................و الدمعة فعينها سعود: أحبج إنتي ..... الههنوف: هاااااااااااااااااااااااااااااا شو منو ليش كيف أقصد متى؟؟؟؟ سعود: بلاج/ ليش ما حسيتي؟ الهنوف:.......................... سعود:ماباج تستحين مني و هم ماباج إتجامليني ردي علي بصراحة شو شعورج صوبي؟؟ صدقيني ما بزعل الهنوف: أناا أنا ............. سعود إنتي شو لا تذبحيني ردي علي الهنوف : أنا ما أ حبك سعود: يغنيلها ( و الله ما يسوا أعيش بدنيا دونك لا و لا تسوى حياتي بهالوجود) الهنوف: (أحبك لو بعيد الدار عنك ) سعود بحيرة و حزن و ضيق: شو تقصدين؟ الهنوف: أنا ما أحبك أنا أموت فيك سعود: فديت روحج .. و الله أحبج موووووووووووووووووووووت الهنوف و هي مستحية: ................... سعود: خلاص عيل بخليج حبيبي الهنوف: ها شو قلت؟؟ أونه ما ترضى يقولها حبيبي سعود: قلت حبيبي.. شو ما يحقلي إنتي حبيبتي و عمري و حياتي بعد الهنوف و هي مستحيه أو قافطة بالأحرى:.................باي سعود: باي .. بس جية الهنوف: عيل شو تباني أقول سعود يسوي عمره زعلان: سلامتج الشيخة... وداعة الله الهنوف:wait سعود:what الهنوف: مع السلامة قلبي سعود: الله يحفظج حبيبي تنام الهنوف على كرفايتها و تتلحف بلحافها اللي مرسوم عليه صورة (Winnie the Pooh) و تفكر بسعود و الأيام الحلوة اللي تترياها.. و تروح في سابع نومة و تنش الصبح شرات كل يوم الساعة 4و نص عشان تصلي .. الهنوف و هي داخلة الحمام سمعت صوت باب حجرتها ينفتح.. تيددت و طلعت و لا أخوها العود مايد قاعد عشبريتها .. مايد: صباح الخير الهنوف الهنوف: صباح النور مايد مايد:.................. الهنوف: خير مايد ربك ما شر شكلك متضايج مايد و يحس بتردد: لا ماشي ييت أوعيج حق الصلاة و يطلع من غرفتها قبل ما تقول الهنوف أي كلمة (يا ترى شو كان في خاطر مايد أو شو اللي كان مضايجنه بس إتردد يقوله) بعد ما صلت الهنوف طلعت من غرفتها و شافت أمها كالعادة توعي سيفو الصغير عشان يصلي حبت راسها و ردت حجرتها ... حست الهنوف بشوق غريب لسعود بس قالت مستحيل يدخل المسنجر هالوقت بس شوقها كان بيذبحها فقررت تدخل عل و عسى سعود يكون اون لاين أول ما دخلت المسن سعود كان اوف لاين و قبل ما تطلع سعود دخل سعود: هلا و والله بالذي خطف قلبي و إحساس قلبي الهنوف: الحمد لله إنك دخلت سعود بقلق: ليش هنوفي شي فيج الهنوف: هيه سعود: بلاج حبيبي ربج ما شر الهنوف: نشيت من الرقاد وإنت فبالي و تمنيت أشوفك أون لاين سعود: خوفتيني الهنوف: سعــــــــــــــــــــــــــــــود سعود: لبيه الهنوف: لبيت حايه.. والله مشتاقتلك سعود: فديتج والله الهنوف مستحية و ما تعرف كيف قالت كل هالرمسة سعود:...................... الهنوف: تعال إنت شو موعنك هالوقت و ليش داخل المسن؟؟ معصبة سعود: تغارين و الابتسامة شاقحة الويه الهنوف:........................ سعود: خلاص انزين أونها تستحي.. حبيبي عندي إمتحان و نشيت أرجاع و المسن دايما مفتوح عندي الهنوف: بالتوفيق سعود سعود: بس جية بالتوفيق سعود ؟؟ يتغلى الهنوف: بالتوفيق حياتي.. و حطت ويه مستحي سعود: فديت اللي تستحي.. مشكورة حبي يالله سيري كملي رقادج و انا بسير أدرس الهنوف: أوكي حبيبي سعود: شو قلتي؟ الهنوف: ماشي قلت أوكي سعود: و غلاتي تردين تكتبينها الهنوف: قلت حبيبي سعود: وداعه الله الهنوف: وداعة الرحمن و ترد الهنوف ترقد لين الساعة 7 و تنش على صوت امها وهي توعيها <<<< أبـــ] رايكـــــــم فـي الجـزء الأول :::: وإذا عجبتكم بنزل الأجزاء البااقية |
| غير موجود |
| وصلات دعم الموقع | |
|
|
20-12-2005, 07:51 PM
| #4 (permalink) |
| محب برونزي | رد : ليتها الأحلام تتحقق الفصل الثاني الهنوف تتلبس بسرعة لانها متأخرة و تنزل تحت تشوف الكل يتريق إلا سلطان لإنه طلع البر ويا ربعه (سلطان إجازة) الهنوف: صباح الخير يا أحلى بابا و ماما بهالدنيا و تحب راسهم / صباح الخير ميود و تقعد عند اخوها بو مايد: الهنوف شكلج هب راقدة عدل الهنوف: لا أبوي أنا راقدة الساعة 12 الهنوف و هي تشوف الساعة : أويه تأخرت يالله باااااااااااااااااااااااااااااااااااااي بو مايد و ام مايد : مع السلامة مايد : سي يو الهنوف تركب و يا الدريول و تسير صوب الكلية في الكلية البنات كلهن في الصف و الهنوف متأخرة 10 دقايق .... تدخل الصف و تشوف ساعتها الاستاذ يتحرطم عليها بالانجليزي: you are late 10 min الهنوف سوري و تدور ربيعتها نوف و تقعد حذالها نوف: صباح الورد يا ورد ليش تأخرتي غناتي الهنوف تبتسم و هي تتذكر كلامها مع سعود الصبح: ما شي يالله انتبهي قبل ما يهزبنا هالهرم يخلص الكلاس و يطلعون البنات عالكافتيريا ( ملتقى الربع) الهنوف: ليش اليوم جية حلو أه ه ه ه ه ه نوف: عله دوم حلو الهنوف: يالله يالملقوفة نظرتج ما تريح خلينا نشوف البنات في الكافتيريا أول ما تدخل الهنوف الكافتيريا تييها وحدة و تعطيها رسالة أونها معجبة فيها تقوم الهنوف و تشقق الرسالة و تفرها فويها ,,,,الهنوف: شو هالسخافة صدق إنكن بنات فارطات و مضيعات مذهب نوف: حرااااااااام عليج الهنوف الهنوف: حرمت عليها عيشتها شو هالحركات نوف: خلاص هدي الهنوف: لا ما عليج اليوم مزاجي مرتب و مستحيل يتكدر و تقول فخاطرها فديت سعود و يمشون لين طاولة ربيعاتهن... البنات: هلا و غلا بالحلويين نوف: منو تقصدن الهنوف: نحن الأثنين طبعا أحلى بنات الكلية هههههههه البنات: ههههههههه عليا: ها بتتريقون و لا نقعد عالنت الهنوف: أنا متريقة نوف: خلاص نقعد عالنت و يفتحون البنات اللابتوبس الهنوف على طول عالمسن تبى تتخبر سعود و امتحانه بس سعود كان اوف لاين جان تتضايق و تبند اللابتوب عليا: بلاج الهنوف وحدة من البنات: خليها أكيد تفكر في حبيبتها الهنوف: حبها يني هاللي كان ناقصني عليا و تاخذ الهنوف عصوب: بلاج ؟؟ الهنوف: ما شي بس ما عندي شي أسويه عليا: الربع في جامعة زايد كلهن اون لاين الهنوف: مالي بارض عليا: تعالي ما خبرتيني متى بيرد أخوج من البر الهنوف بخبث: ما أدري بس ليش تسألين عليا و هي مرتبكة ماشي بس جيه أسال الهنوف علينا عليا شافت سلطان كم مرة لما كانت تزور الهنوف و معجبة فيه و سلطان كان ملاحظ هالشي الهنوف تدخل المسنجر مرة ثانية و هالمرة سعود اون لاين الهنوف و تبعد اللابتوب عن ربيعتها عشان ما تشوفها شو تكتب الهنوف: إنت وين ... استهميت عليك سعود: صدق الهنوف: هيه و الله طمني شو صار عالامتحان سعود: ألحين عندج سعود و تسألين عن الأمتحان الهنوف مستحية: يالله عاد قلبي طمني سعود: بس عشان هالكلمة بقولج... اممم حليت زين لاني راجعت الصبح الهنوف: الحمد لله انزين ليش ما دخلت بسرعه سعود يسولف: كنت قاعد ويا ماريا زميلتي البريطانية نتريق الهنوف: نــــــــــــــــــــــعم؟؟ سعود يضحك و ما رد عليها الهنوف تبند اللابتوب و تطلع من الكافتيريا و الدموع في عيونها ( الهنوف بنت حساسة وتتضايق من أدنات شي) ... نوف شلت اللابتوب مالها و سارت تدورها بس ما لقتها في هالوقت سعود كان متلوم و ما عرف إن الهنوف بتاخذ رمسته جد و ترياها تدخل بس بدون فايدة و طلع من النت في العين و في بيت عم الهنوف بالتحديد ... كان عم الهنوف سالم و حرمته مريم قاعدين يسولفون العم سالم: شو رايج يا أم سعيد نزور بيت أخوي بو مايد صار لنا فترة من سرنالهم مريم(أم سعيد): و الله خوش راي خليني أدق على بدور (أم مايد) مريم تشل موبايلها و تدق رقم بدور و ترد عليها بدور أم سعيد: السلام عليج الغالية أم مايد: و عليج السلام يا وخيتي أم سعيد: وينج يالقاطعة ما تسألين؟ أم مايد: اسمحيلي يالغالية العيال بدت مدارسهم و انشغلت فيهم بس اييج الراي نحن لازم نتلاقى اليوم ام سعيد: فالج طيب أم مايد: فالج ما يخيب خلاص غداكم عدنا اليوم أم سعيد : تم أمره أم مايد : نترياكم ام سعيد: خير ان شا الله في دبي في بيت بو مايد بالتحديد البيت كان فوق تحت و الشغالات يراكضن في البيت الي تعدل و اللي تدخن و اللي تعطر حق الضيوف أما في الكلية نوف كانت تدور الهنوف و شافتها تتمشى بروحها في البراحة اللي ورا الصفوف نوف: الهنوف بلاج الهنوف بعد ما هدت : ماشي بس حسيت بعوار و حبيت أتمشى نوف: سلامتج تبيني أدق على أمج عشان تردين البيت الهنوف : لا خلاص أحس بعمري أحسن و في خاطرها تقول ليش يا سعود ليش.... نوف: يالله يا الدلوعة انسير الكلاس و بعد ما خلص الدوام كل وحدة فيهن ردت البيت.... الهنوف في السيارة مع الدريول تفكر في سعود .... معقولة يكون جيه معقولة يكون متعود يقعد مع البنات الانجليزيات ... ليش يا سعود ليش يرن تيلفونها الهنوف: ألو سلطان: مرحب الهنوف: هلا سلطان سلطان: بلاج جيه ..شي مضايجنج؟ الهنوف: لا بس رادة من الكلية تعبانة .. إنت متى بترد عرب يسألون عنك سلطان و هو مستانس: منو هالعرب علني فداهم الهنوف: يالله قولي متى بترد سلطان: انا وصلت البيت / عيوزج عازمة عيال العم عالغدا و الشيبة قالي لازم أرد الهنوف: وليه شو هالوهقة .. يعني ما شي رقاد سلطان: يالله باي الهنوف: باااااااااااااااااي أول ما وصلت الهنوف تيلفونها رن الهنوف: مرحب عليا: مرحبتين الهنوف: هلا علايا عليا: شو أحسن أحين الهنوف: هيه الحمد لله... هاه ما تبين تسأليني عن ناس عليا و هي تتحرقص تبا تعرف متى بيرد سلطان: أي ناس الهنوف: برايج.. يالله باي سلطان يدخل الصالة و يشوف الهنوف ترمس في التيلفون و يلزق فيها الهنوف: سلطانو قوم عني عنلاتك بتذبحني عليا: سلطان رد من البر خير ,,,, ان شا الله ما فيه شي الهنوف: أصحى منج تبيني أسلم عليه الهنوف: سلطان عرب يسلمون عليك و يتحمدولك بالسلامة سلطان عرف إنها تقصد عليا لانه كان يلاحظ كيف تناظره لما تكون عندهم : الله يسلمهم و قام عن اخته عليا: يالخبلة هنوفي فضحتينا الهنوف: يالله ماماتي يت و بتحشرني لازم أبدل ترى بيت عمي عدنا اليوم عليا: اوكي فمان الله الهنوف : فمان الكريم الهنوف تمر المطبخ قبل ما تصعد غرفتها الهنوف: الله الله شو هالزين يا ام مايد ام مايد: يالله بسرعة بدلي قوم عمج بيوصلون الهنوف: اوكي مامي و تصعد غرفتها و تحط اللابتوب و الكتب عالطاولة.. أدخل النت ولا ما أدخل الهنوف تفكر تبدل ثيابها و تتدخن و تفتح النت ما دخلت المسن.... أول شي دخلت موقع أغاني و بعدها بثواني دخلت المسنجر و سعود طبعا كان اون لاين سعود: هنوفي حبيبي والله كنت اسولف ما عرفت انج بتاخذينها جد الهنوف:.........................: سعود: ردي علي حبيبي / و الله ما أقدر على زعلج/ الله لا يخليني لاني زعلتج الهنوف: لا تقول جيه سعود سعود: ليش الهنوف:.................. سعود: هنوفي تحبيني الهنوف: إنت شو رايك سعود: أبا أسمعها منج الهنوف: نعم؟؟ تسمعها؟؟ سعود: ليش ما أستاهل الهنوف: لا بس .... سعود: بس شو الهنوف: سعود ممكن أسالك سؤال؟ سعود: إسالي يا بعد قلب سعود الهنوف: إنت عندك ربيعات في لندن سعود: افا تشكين فيني الهنوق: لا بس مجرد سؤال سعود: أنا صح سوالف بس عمري ما رابعت بنية لا اماراتية و لا اجنبية انا حدي المسن و الشات و ما قمت ادخل الشات تدرين ليش الهنوف: ليش سعود: لان عندي وحدة و هي تكفيني لانها صارت أغلى من روحي الهنوف: سعوووووووووووووووووود سعود: عيون سعود .. قلب سعود الهنوف: الله يخليك لي و في هالساعة يدخل سلطان عليها الحجرة و تقوم الهنوف تبند اللابتوب سلطان: شو تسوين الهنوف: هاه سلطان: حوووووووه..... بلاج يالله نزلي قوم عمج وصلو الهنوف: أوكي بلبس شيلتي و بنزل و ترد تفتح اللابتوب الهنوف: سوري سعود بس اخوي دخل الحجرة سعود: ما صار شي الهنوف: خلاص بخليك لأن عيال عمي يايينا من العين سعود: نــــــــــــعم؟ الهنوف: بلاك سعود: عندهم شباب؟ الهنوف: هيه بس ليش سعود: انزين اتي تلبسين شيلة يدامهم صح؟ الهنوف: انت شو رايك يا الذكي سعود: انزين حاطة شي عويهج؟ الهنوف: لا بس مجحلة سعود: اغسلي ويهج عن هالجحال و بعدين انزلي و اياني وياج تتعطرين الهنوف: سعود انت تغار علي سعود: حرمتي و لازم أغار عليج بكل جدية الهنوف: هاه شو قلت؟ سعود: يالله انزلي لا تتأخرين بترياج الهنوف: خلاص ببدل و بنزل لان هالمخورة اللي لابستنها مدخنة و معطرة سعود: فديــــــــــــــــــــــــــــــتج احم احم فديت حرمتي اللي تسمع الكلام الهنوف وويها يايب ألوان أحمر و أزرق : مع السلامة سعود: مع السلامة الله يحفظج غناتي تبدل الهنوف ثيابها بسرعة و تنزل تحت و تتلاقى ويا مايد عالدري و تسلم عليه و تسأله عن دوامه و يبتسملها بهدوء و يقولها كل شي تمام الحمد لله وتييهم ام مايد و تقولهم يالله يا الهنوف سلمي على عيال عمج وعمج و حرمته و انت يا مايد دق على سعيد و شوفه ليش تأخر عائلة العم سالم( بو سعيد) الزوجة: مريم (أم سعيد) سعيد25 سنة طيار أحمد 21 سنة موظف في مدينة دبي للإعلام(مهندس كمبيوتر) و يشتغل في الاسهم نورة 18سنة ثانوية عامة عبد الله 9 سنوات الهنوف تدخل الصالةو تشوف عمها وولد عمها و تسلم عليهم العم سالم: مرحبا بالغالية بنت الغالي و الله و مرت الايام بسرعة و صرتي عروس يالهنوف أذكر يوم إنج صغيرة و ألعب وياج و أحمدو يغار منج أحمد : ابوي ؟؟ ريال طول و عرض بلحيتيه و شنبيه تقولي أحمدو... و تنحرج الهنوف و تسلم على أحمد : مرحبا أحمد شحالك عساك بخير أحمد : بخير دامج بخير يا بنت عمي الهنوف: عمي وينها نورة ما يات معاكم أحمد: شو تبين فيها المهم أنا ييت بو سعيد: حشم ( الرمسة حق أحمد) أحمد: نورو في الكلية الهنوف : لين ألحين؟؟ بو سعيد : ما ادري شو يدرسونكم بهالكليات ( أحمد و الهنوف ربع من و هم صغار و كانو متعودين يلعبون ويا بعض و يدرسون ويا بعض يعني باختصار كانوا وايد قراب من بعض) تطلع الهنوف عن عمها و ولد عمها وتسير الصالة الثانية و تشوف سلطان قاعد و يا حرمت عمه( ترا سلطان ولدها بالرضاعة) أم سعيد: هلا بالعروس هلا بالهنوف .... الهنوف : هلا خالو (بحكم إنها مرت عمها تناديها خالو) الهنوف: وين عبادي عيل ام سعيد: سار حجرة سيفان يلعب أم سعيد: عيل وين مايد ماشفته؟ سلطان: راح يدق على سعيد و يشوفه ليش تأخر دقايق و مايد و سعيد يدخلون الصالة مايد و سعيد: السلام عليكم سلطام و ام سعيد و الهنوف: و عليكم السلام يقوم سلطان يسلم على سعيد و يتوايه وياه مايد: يسلم على ام سعيد و يطلع عنهم أم سعيد: سعيد سلم على بنت عمك و ينتبه سعيد إن في حد قاعد ورا أمه بس ما عرف منو إلا لما أمه نبهته( العائلتين هب متقابلين من فترة فسعيد ما يذكر الهنوف عدل) سعيد: شحالج الهنوف الهنوف تنش من مكانها لانها ما كانت تبين ورا خالتها الهنوف: الحمد لله ربي يعافيك.. إنت شحالك؟؟.... سعيد و هو منصدم: بخير يسرج الحال سعيد في خاطره: هاي هي نفسها الهنوف الهبلة اللي كانت تلعب ويا أحمدو ما شا الله عليها جمالها يجتل سلطان/ حو سعيد بلاك؟ سعيد:ها... سلطان: من قال ها سمع سعيد: لا بس تعبان يا خوك من الدوام و الدرب خلني أتغسل سلطان و سعيد: من رخصتكم و يسيرون صوب الميلس و في هالوقت و في لندن بالتحديد سعود كان قاعد في غرفته( سعود شاب عمره 23 سنة يدرس في بريطانيا من 5 سنوات و يدرس في كلية الطب و ساكن مع عائلة انجليزية, سعود ما عنده أخوان و عنده بس أخت وحدة أسمها أسرار ) سعود يفكر في الهنوف و يحس إنه ما راح يقدر يستغنى عنها فقرر يكلمها اليوم بخصوص مستقبلهم ويا بعض و الجدير بالذكر إن سعود من بوظبي من قوم الخيلي و هاذيل ناس ما يحتاي اخبركم عنهم.. سعود يدق الامارات و على تيلفون إختة بالتحديد سعود: السلام عليكم.. شحالج أسرار أسرار: هلا و الله عاش من سمع صوتك يا سعود سعود: عاشت أيامج...........شخبار جامعة زايد و شو الدراسة اسرار: خبرك عتيج عقولة الكويتيين سعود: كيف يعني؟؟ أسرار: نقلت أوراقي سعود: وين ان شا الله الامريكية( أسرار كانت تبا تدخل الجامعة الامريكية و الكل كان راضي إلا سعود فدخلت زايد) أسرار: لا لا .. لا تخاف .. نقلت أوراقي التقنية سعود: حلفي . أسرار: هيه سعود: في ذمتج؟؟ أسرار: هيه و الله بس ليش جيه متحمس سعود: فديت أختي و الله أنا قتلج شكثر احبج و انج احلى اخت بهالدنيا أسرار: ؟؟؟؟؟؟؟؟؟؟؟؟ علامات استفهام و قطرة ماي مشخطة و را راسها (جنها ماروكو مال الرسوم ) سعود: بلاج ما تردين؟ أسرار: شو عندك سعودو؟؟ سعود: أبيج تفهميني و تسمعيني للآخر ( أم سعود توفت قبل سنتين و سعود ما عنده غير اخته و ابوه مشغول عنهم بشغله) أسرار: قووووووووووووووووووووووووول شكلك مسوي شي يا دكتور سعود: الله حلوه الكلمة دكتور ادعيلي يا أسرار أخلص امتحاناتي على خير و ارد البلاد دكتور و ارفع راسكم أسرار: الله يعلم انا شكثر ادعيلك الله يوفقك يا اخويا سعود: خلاص بخليج الحين أسرار: و الموضوع اللي بتكلمني فيه سعود: مرة ثانية ان شا الله( سعود بند عن اخته لان الهنوف كانت اون لاي أسرار: عراحتك .. تيك كير اوكي سعود سعود: اوكي يو تو وللقصـــــــــــــــة بقيـة ....... انتظـروهـا |
| غير موجود |
|
25-12-2005, 10:57 PM
| #6 (permalink) |
| محب برونزي | رد : ليتها الأحلام تتحقق الفصل الثالث الهنوف على المسنجر: و اخيرا روحو؟ سعود: هلا و الله الهنوف: اشتقتلي سعود: واااااااااااااااااااااااايد الهنوف: حتى انا سعود: هنوفي تعرفين وحدة في الكلية من قوم الخيلي؟؟ الهنوف: شو ليش يعني؟ سعود:أسال؟ الهنوف: ................... سعود: ردي علي و انا بقلج ليش اسال الهنوف: لا بس ربيعتيه قالتلي مرة انة في وحدة يديدة في كلاسهم منتقلة من زايد و هيه من قوم الخيلي سعود: هاي الوحدة يمكن تكون اختي الهنوف: كيف اختك و انت قايلي انكم من بوظبي سعود: اختي قاعدة في السكن لان الوالد مسافر و انا محد الهنوف بدلع: و ماماتك وين؟ سعود:...................... اتضايق و تذكر امه اللي كان وايد متعلق ابها و متلوم لانه ماكان موجود لما توفت الهنوف: ويييييييييييييييييييييييييينك سعود: الوالدة توفت من سنة .. قال هالجملة و العبرة تخنقه الهنوف: سعوووووووووووووووووود سوري و الله ما بغيت اذكرك ( الله يرحمها و ينور قبرها عليها ) سعود قرا كلمة القبر و ما قدر ايود عمره خانته العبرة و نزلت دمعته بحرقة سعود: اللي مضى من حياتي ما راح يرجع لو شو ما صار .. ظلمت علي دنياي بعدج يا يما و صرت بدنيتي وحيد كني يتيم بدنيا فيها ابوي تخلى عني .. صارت الدنيا تنافس الناس على جرحي و ما ظنتي جرحي راح في يوم يبرى.... الهنوف: اذكر الله يا سعود سعود:................................ الهنوف: سعود سعود.... سعود هب قادر يكتب الهنوف: سعود حبيبي رد عليا و الله تذبحني بسكوتك سعود بحزن : شو اقولج يا الهنوف و الله اني وحيد و ما عندي حد بالدنيا الهنوف: إنت تصيح يا سعود سعود: ......أنا محتاج اكلم حد .. اطلع اللي في خاطري... يمكن أرتاح الهنوف : سعود و انا وين رحت سعود: ........ انتي كلمة احبك ما رضيتي تسمعيني اياها و الحين تقولين انج بترمسيني و بتخليني اطلع اللي فخاطري ...خليها على الله يا بنت الناس الهنوف:7500075 و اكيد تعرف خط الامارات سعود: انتي متاكدة الهنوف: اذا هالشي بيريحك دق سعود: و هذا رقمي و اكيد تعرفين خط لندن 7277777 الهنوف: سعود.......... سعود: خليني الهنوف دخيلج هب قادر اتنفس.. الله يحفظج.. الهنوف: سعود و سعود يطلع من النت و تشوفة الهنوف اوف لاين .. يتمدد على شبريته و يتذكر أمه و الايام الحلوة لما كانو ويا بعض( بو سعود من توفت حرمته وهو ذابح عمره بالشغل بس عشان ينسى ) يرن تيلفون سعود بس ما يرد عليه شوي و رد تيلفونه يرن ( فقدت يا أعز الناس فقدت الحب و الطيبة .. إغنية الجسمي) الهنوف وايد اترددت قبل لا تتصل بسعود بس تلومت لانها هي اللي طرت السالفة و ووايد خايفه عليه فقررت اتدق بس ما ترمس سعود يشوف الرقم و ينصدم .. كود الامارات .. سعود: مرحب على الخط الثاني: حد يتنصخ و متوتر سعود: كم ذبحني الشوق الغالي و كم دمع العين هليته يوم غبت عني .(سعود صوته عذاب) هالاغنية يهديها لامه سعود عرف ان الهنوف متوترة و ما حب يحسسها بتوتر و بنفس الوقت يعرف ان المكالمات غالية وهو ما يعرف شو ظروفها فبكل فن و جنتله قال : بسير اشرب و برد ادق عشان ما يحسسها بشي الهنوف سمعت كلامه و ما حست بشي لانها وايد كانت مستهمة عليه بند سعود و طرشلها مسج : قلبي إنتي ريحي ألحين و أنا بدقلج بالليل الهنوف قاعدة تتريا سعود يدق و ياها مسج .. قرته و ردت طرشتله: لو بغيت الروح ما تغلى عليك .. كل عمري لك و لو تاخذ عليه ..لو بغيت القلب في مدت ايديك كيف انا بعطيك قلبن انت فيه.. الساعة 7 في الامارات والكل قاعد في الصالة إلا الهنوف مايد: أمي عيل وين الهنوف أم مايد: تريح في غرفتها ......و تنزل الهنوف وشكلها متضايقة سلطان: بلاج جنه الا شاحنة داعمتنج الهنوف تميل على أمها و ما ترد على سلطان مايد: سلطان../ بلاج الهنوف شي مضايقنج؟ الهنوف: لا بس ملانة و أبا أطلع مايد: ما طلبتي.. أبوي بعد أذنك بنطلع سلطان: شو رايكم تييون ويانا ( أمه و أبوه) بو مايد: لا خلونا نحن و انتوا اطلعوا بس لا تتأخرون وراكم دوامات باجر سلطان : أنا إجازة .. : ها ها ها ها مايد: و امنو قال إنك بتيي معانا .. تراك وايد واثق من عمرك سلطان: لا ميود في ذمتك .. بتطلعون بروحكم انت و هالهبلة أقصد الشيخة ( سلطان دمه خفيف ووايد يحب يغلس) مايد: هيه نعم و تحمل اللي اييك بعد هالكلمة اللي عقيتها على هنوفي .. و الرنج سر ارقد و احلم انك تسوقها سلطان: و الله كنت اتغشمر ميود عن الحركات إنت وعدتني انك بتعطيني موترك باجر.. ابوي رمسه بو مايد: يالله يا ام مايد على حجرتنا ترى عيالج حشرة و يقومون عنهم و هم يضحكون على مايد لانه يقهر سلطان الهنوف و هي مستانسة على حركة مايد: أسير ألبس مايد: هيه نعم و خلي الناس اللي عندها اجازة تموت قهر سلطان كان عنده استيشن بس دعم فيها و اتكنسلت من 3 شهور و هو اجازة الحين...... و ابوه وعده يطلعله بورش كيين لان راتب سلطان 12000 درهم و كلها تروح عالبيت اللي يبنيه .. يعني باختصار سلطان شاب مفلس حاليا هههههههه سلطان: ما عليه يا مايد باجر لما آخذ البورش بذكرك مايد: اونك زعلت الحين خذ هاي بطاقتي اسحب اللي تباه و خذ المرسدس ترى الدريول محد يباه .. سلطان: اوكيك .. فديت خشمك مايد: حق المصلحة يا البطالي الهنوف : يالله أنا لبست مايد : يالله مشينا الهنوف و هي طالعة تسوي حركات حق سلطان عشان تقهره و مايد يضحك عليهم في السيارة مايد مشغل أغنية الجسمي و الله ما يسوى أعيش بدنيا دونك لا و لا تسوى حياتي بهالوجود دامك إنت الي رحلت و كيف أبصبر على البعاد و كيف أبنثر هالورود و مايد بدون ما يحس بعمره كان يغني ويا الجسمي بس بحزن و هالشي كان مبين عليه.. الهنوف: مايد مايد: لبيه .... الهنوف : لبيت حايه.. تذكر يوم ييتني الحجرة الفجر أنا حسيت إن في فخاطرك رمسة تبا تقولها بس كنت متردد و اليوم لما ما رضيت سلطون إيي ويانا حسيت إنك تبا ترمس مايد: ......... ما أعرف شو أقلج الهنوف : قبل ما تقول أي شي طلعة السينما خلها عصوب وخلنا نسير الممزز و نتكلم لانك متغير صارلك فترة و انا ما صدقت انك تبى ترمس مايد ما صدق و لف لفة الممزر لانه كان محتاج يكلم حد بس في نفس الوقت الموضوع اللي مضايجنه حساس و ما كان يعرف يرمس إمنو فيه مايد و الهنوف يتمشون في الممزر و مرت عليهم قريب الساعة و لا حد فيهم رمس .. مايد بعد ما تمشوا حس براحة ( الهنوف من الناس اللي الواحد يرتاحلهم و تعرف كيف تتصرف) مايد: الهنوف أنا أدري إني أكبر منج بس العقل هب بالعمر و أنا محتار الصراحة الهنوف: لا تحط فبالك إنك ترمسني أنا .. تكلمك جنك تكتب خاطرة و طلع كل اللي في خاطرك مايد: أنا أحس بضيق فصدري و في نفس الوقت محتار وودي يكون في اسثناءات في قانون الحياة الهنوف ما فهمت شي بس خلته يكمل مايد: وش بيكون حالي بدونك يا خلي .. وش هي حالتي بلياك يا أغلى من روحي كيف تخيرني بين أبعد ........ و يسكت الهنوف: مايد إنت تحب؟؟ مايد: ما أعرف الهنوف: اييك الراي........ مايد : شو ؟ الهنوف: قولي السالفة و انا بقولك رايي يمكن ترتاح /مايد: أمري لله مايد: تدرين إني أدخل المسن صح؟ في وحدة أرمسها عالمسن سوالف عادية .. و أشهد إنها بنت عرب و رمستها محترمة و دايما تنصحني الهنوف: شو المشكلة مايد: أنا أرمسها من 5 شهور و أحس إني متعلق ابها و مرة كنت قاعد عالمسن وياها و سألتها عن أسمها و ما رضت تخبرني ... طوفتها و بعد ساعة قلتلها .. إنتي تحبيني؟؟ الهنوف بسرعة: شو قالت؟؟ مايد: ما ردت علي و بعدين طلبت رقمها ما وحالي أقولها ليش إلا و طلعت من النت و ما رديت رمستها من هذاك الوقت الهنوف مستغربة من كلام أخوها لانها عمرها ما توقعت هالرمسة من مايد مايد:الحين صارلي كم من يوم .. و الصراحة أحس إنه في شي ناقص بحياتي مع إني عندي وايد ناس عالمسن بس هي كانت غير.. ليش جيه أحس معقولة أكون أحبها....أو يمكن تعودت عليها أو أو أو محتار يالهنوف و ما لقيت حد أرمسه غيرج الهنوف: تحب يا مايد؟؟ تأكد لمايد شكه مايد: شو أسو؟؟؟ الهنوف تحاول: إنساها مايد: شو ما أقدر....... الهنوف: إخطبها// مايد : نعم؟؟ الهنوف كان أسلوبها وايد حلو و عطت مايد الحليين اللي مالهم ثالث مايد : كيف أخطبها .. انتي شو تقولين و شو أقول حق الاهل و امي و ابوي الهنوف: خذلك يومين فكر فيهن وإذا اقتنعت و تاكدت انك تحبها أنا بساعدك مايد: كيف؟// الهنوف: ما عليك إنت بس فكر و رد علي مايد حس براحة مع إن الموضوع ما انحل بس حس بقلبه ارتاح من التفكير الساعة كانت 10 و بو مايد استهم عليهم و دق على مايد بو مايد: السلام عليك مايد: و عليك السلام أبويا بو مايد: وينكم تأخرتوا يالله دق على سلطون وشوفه وين وردو البيت رباعة مايد: تم أمره... يالله الهنوف الشيبة محرج// الهنوف: هههه يالله مايد يدق على تيلفون سلطان بس سلطان ما يرد.. دق مرة و مرتين و ثلاث بس سلطان ما يرد مايد رد البيت و خبر أبوه و دقوا على معظم ربع سلطان بس ما لقوه و سلطان في هالحظة كان في مركز الشرطة يدق على تيلفون مايد يرن تيلفون مايد و الرقم من بوظبي(02) اسغرب و لما رد سمع صوت سلطان سلطان: ميود لو الوالد عندك لا تخبره إني على الخط و أطلع برع برمسك مايد: من رخصتكم شوي و يطلع برع :.. إنت وين ؟؟ ووين تيلفونك سلطان: مايد أنا في المركز في بوظبي تعال بسرعة و ترى ما عطيتهم ليسني و لا البطاقة الشخصية عشان ما يعرفون اني عسكري مايد: خلاص ألحين بييك يدخل مايد البيت و يسو عمره يكلم سلطان هلا بو الشباب وينك .. خلاص لا تتأخر الوالد يحاتيك بو مايد: عطني أرمسه ... مايد يبند التيلفون: ما شي ارسال يقول في الممزر ويا الشباب و ما بيتأخر مايد: أبوي أنا طالع يبوني في الدوام بو مايد: بس إنت إجازة اليوم مايد: طواري ...... يالله حياكم بو مايد: هالله هالله بعمرك الله يحفظك و يطلع مايد بسرعة على شارع الامارات و يسوق على 220 يحاتي اخوه و بعد 50 دقيقه كان في المركز مايد دخل عند الضابط المناوب:السلام عليكم الشيخ الضابط و عليكم السلام خير مايد: أخوي موقف عندكم الضابط: إن شا الله بس هب الخيلي اللي من دبي اللي ما عنده لا ليسن و لا بطاقة مايد: هيه نعم أخوي و دامك تعرف إنه خيلي شو عندكم عالريال الضابط: و خير إن شا الله خيلي يعني فوق القانون مايد هادي بس في هالمواقف عصبي و ما يتفاهم: وين أخوي أبا أشوفه الضابط: إنت تعرف أخوك شو مسوي؟ مايد:..... شو بيكون مسوي يعني الضابط: أخوك كان يترايس و يشاوح بالسيارة ويا الشباب في الشارع العام مايد: و خير ان شا الله هذا هب سبب توقفونه .. إنت منو المسؤول عنك الضابط يعطي مايد إسم المسؤول و يطلع مايد برع و يدق على واحد من ربعه و يخبره السالفة.. دقايق و لا التيلفون اللي على مكتب الضابط يرن الضابط: الو .. نعم سيدي .. هيه نعم سيدي .. بس سيدي.. الموضوع ... إن شا الله سيدي مايد: وين أخوي؟ الضابط: ثواني شيخي دقايق و يدخل سلطان مكتب الضابط و مايد شكله ما يطمن لدرجة إن سلطان خايف يشوفه فعينه مايد يكلم سلطان : وين ليسنك.... سلطان : فجيبي .... الضابط: تحمل عليه حتى لو قدرت اتطلعه من المركز اليوم انت ما تعرف وين بتلاقيه مرة ثانية مايد:.................../ الضابط: واحد من الشباب موتره انجلب و هو في العناية الحين و كان ممكن اخوك يكون مكانه مايد: خير ان شا الله تسلم الشيخ.. و يطلع من المركز و ما يكلم سلطان و يركبون السيارة بدون ما حد فيهم يتكلم يرد مايد و يدخل المركز: الشيخ من وين استلم السيارة / الضابط: من المركز اللي في دبي باجر ان شا الله و تحمل على اخوك / مايد: ان شا الله. و في هالوقت في دبي و تحديدا في الجميرا الساعة 12 تيلفون الهنوف يرن على الطاولة .. الهنوف تشوف الرقم/ رقم سعود و ترد بس بدون ما تقول شي ..... الهنوف: ......... سعود: مرحبا مليون في ذمتيه و ما ظنتي الملايين تسدن الهنوف: ..................... سعود : أيوا السالفة جيه عيل أنا برمس عمري شرات الخبلة الهنوف مستانسة و متخبلة على صوته اللي يعذب بس بعد ما ردت سعود: تدرين حتى لو ما بتتكلمين .. مجرد إنج عالخط يريحني الهنوف في خاطرها عيل انا شو اقول و انا اسمع صوتك و الله اني احبك سعود: شخبارج.. اكيد بتقولين بخير سعود: اممممم انزين انا بسألج لو هيه دقي على أي رقم مرة وحدة و لو لا دقي مرتين سعود: تحبيني؟ الهنوف: اتطرشله مسج لو كان الكون مقياس فانا احبك بقياس الكون سعود: يا ويلي انا .. شو يرقدني اليوم الهنوف تضحك شوي شوي بس سعود سمعها سعود: فديت هالضحكة أنا .. دخيلج ارمسي ابا احس انج وياي و الله ما عندي غيرج الهنوف بصوت واطي: شو أقول؟ سعود: و أخيرا تكلمتي يالسبالة ( يغلس عشان ترد عليه بدون ما تستحي يعني يكسر الحواجز امبينهم) الهنوف: سباله حرمتك انزين سعود: لا تغلطين قبل ما كنت أعرفها بس احين اعرفها الهنوف:.........................؟؟ سعود: و الله أحبها لا لا ما أحبها أموت فيها أعشق التراب اللي تمشي عليه الهنوف : الله يهنيك إبها سعود: انزين بس انا بعدني ما اعرف اذا بتوافق علي و لا لا .. شو اسوي الهنوف : تباني أسالها سعود: تسوين فيني خير خذي رقمها و اساليها يالله بطرشلج رقمها مسج فترة صمت و المسج يوصل الهنوف و مكتوب فيه: هذا رقم حبيبتي اللي ما اقدر اعيش بدونها اساليها(هذا رقم الهنوف) 7500075 الهنوف: مستحية مستانسة محتارة مشاعرها اختلطت عليها سعود: هاه الهنوف: شو سعود: إسإليها و ردي علي خبر الهنوف: إنت وين و هيه وين سعود: كلها شهر و أكون عندها الهنوف: صدق يعني خلاص بتتخرج سعود: تبيني؟ الهنوف: تغير السالفة .. سعود إنت شو تدرس سعود: طب/ احم احم يعني ما تقوليلي سعود لما نعرس / بتناديني دكتور حبيبي سعود الهنوف: الله كشخة بتستوي دكتور وناسة الهنوف : بس انا ما بقولك دكتور سعود: لا و الله انا دارس 5 سنوات عشان تناديني سعود الهنوف : لا بناديك حبيبي ..(و ما تعرف كيف قالتها) سعود: العن ابو ال5 سنوات هاي الكلمة تسوى الدنيا عندي سعود: هنوفي إنتي مالي صح الهنوف مستحية : كيف يعني سعود: يعني إنتي حقي أنا بس صح ؟ الهنوف: ............... سعود: صح؟ الهنوف ويها ازرق و احمر و إخضر : هيه سعود: ما سمعت الهنوف: سعوووووووووووووود سعود: قلب سعود عيون سعود الهنوف: سعود قلبك حقي صح سعود: أنا كلي فداج و تسمع الهنوف صوت في الصالة الهنوف: خلاص بخليك أوكي سعود: انزين ما خبرتيني موافقة ولا الهنوف: انت ما تقول اني حقك .. سعود: هيه نعم الهنوف: خلاص عيل يالله تصبح على خير سعود: و إنتي من أهله حرمتيه تطلع الهنوف من غرفتها و تشوف اخوانها داخلين غرفه سلطان الهنوه : مايد بلاكم مايد : تعالي الهنوف أخوج ميودينه في مركز بوظبي تعالي خلنه نسمع قصته يا ترى شو بيصير وياهم ؟؟ وشو نتيجة اللي سواه سلطان؟؟ تتوقعون مايد يخبر أبوه ؟؟ انتوا رايكم يخبي على أبوه و لا يخبره عشان يأدب سلطان؟؟ شوفو شو صار ... |
| غير موجود |
|
25-12-2005, 10:59 PM
| #7 (permalink) |
| محب برونزي | رد : ليتها الأحلام تتحقق الفصل الرابع سلطان: و الهنوف شلها تدخلها في السالفة مايد: صح هي أصغر منك بس أعقل منك و مني ...... الهنوف و سلطان علامات استفهام و مستغربين من رمسة مايد دخلوا الغرفة عشان محد يسمعهم و الجو مكهرب ألحين سلطان بينهزب و الهنوف موجودة ..... شوفوا شو صار مايد: سلطان انا اعرف انه ماشي فايدة اقولك ليش جيه سويت/ و لازم ما كنت تسوي جذه/ لان اللي صار صار و انا ما اقدر اغير شي/ بس في نفس الوقت انت لازم تفكر باللي سويته الهنوف: جيه شو صار مايد: أخوج العاقل كان يشاوح و يترايس ويا الشباب في الشارع العام و في بوظبي الهنوف: أبييه .. سلطان إنت ما فكرت بامي و ابوي لو صارلك شي. سلطان حس بضيق و حس بغلطته : بس انا ..... و مايد يقاطعه..: انت شو . انت هب ياهل عشان شله شباب يقصون عليك سلطان: ممكن تسمعوني.. مايد و الهنوف: تفضل سلطان: انا دقيت عالربع على اساس اننا نطلع و بعدين واحد من الشباب قال منو هذا اللي داق رد عليه محمد ربيعي و قال له : الهاملي واحد من الشباب: لا لا تخبره ترى الهاملي هب قد هالسوالف... سألت محمد أي سوالف... رد علي : لا تفهم غلط بو الشباب يطري سوالف الريس و هم يعرفونك هب راعي هالسوالف..... عصبت و قلتله خبره اني اتحداه شو ما كان يسوق من سيايير و في أي وقت يباه و ما عرفت انه بيوافق... و بو الشباب على طول وافق و حدد المكان في بوظبي بعد ساعة و نص و بعد ساعة و نص كانو كل الشباب من الجميرا و الممزر و زعبيل متيمعين و حميد اللي بيترايس ويايه .... المهم بدينا نشاوح فالشارع و بعدين بدينا الريس و انا حاط في بالي ان كرامتي و هبيتي جدام الشباب معتمدة على هالسباق و فعلا بدينا السباق و كان شرطه نتسابق في شارع عام عشان نشوف منو الدريول فينا يعني نتجاوز السيايير و نسرع بنفس الوقت المهم صرت انا اللي متجدم و انتبهت انه في سيايير غيرنا تترايس في الشارع هنيه الدوريات وصلت 8 دوريات اربع على كل دوار و حجزو سياييرنا بين الدوارين. و واحد من الشباب موتره انجلب هاي هي السالفة من البداية لي النهاية مايد و الهنوف : اممممممممممممممم سلطان متلوم: راح تخبر الوالد .......... مايد : لو كنت بخبره كنت سويتها لما دقيت لي مايد: الهنوف تفكرين باللي قاعد افكر فيه الهنوف : و الله ما اعرف بس ما اظن بيرضى ... سلطان متوتر الهنوف:بس قبل أي شي متى بترد السيارة مايد......... مايد : باجر الصبح بدخلها الوكالة و بقول حق الوالد اني ببدل المخفي مايد و الهنوف يتصاصرون و يشوفون سلطان بنظرة خبث عشان يحسسونه بغلطته و بعدها بثواني يخلصون كلامهم ويناظرون سلطان بدون ما حد فيهم يرمس اللي ما تعرفونه ان الاحترام متبادل بين افراد هالعائلة و الصغير فيهم عمره ما يرادد الكبير اذا رمس ( شي نادر ) المهم مايد: سلطان انت تعرف ان تصليح السيارة بيكلف وايد خاصة ان المكينة كانت تدخن مثل ما قالي الضابط و التواير يبالها تبديل و السفايف اكيد منتهية ............. سلطان يقاطع مايد: انا بدفع بيزات الوكالة.............. مايد: ما تقدر انت تعرف ان معاشك كله يسير حق المقاول عشان يخلص بيتك اما انا فنص معاشي يسير حق بيتي( مايد مسؤول في ادنوك فراتبه 22000 و يتمله 12000 و الباقي مثل ما قلت حق بيته) سلطان: اول مرة بحياته يحس انه متورط مايد: انا ما اقولك هالشي عشان احسسك انك ما تقدر تسوي شي لا بالعكس بس اباك تحس بغلطتك وما تعديها مرة ثانية سلطان: ان شا الله يا اخوي الهنوف تنغز مايد: يالله قول..... مايد: الرنج ما بعطيك اياها و المرسيدس ما بتسوقها بروحك و البورش كايين انا سمعت الوالد يقول انه بياخذلك اياها بعد اسبوعين بس الحين بيصيرون شهر سلطان : حرام عليك مايد شو جاتل واحد انا الا هو ريس مايد: عشان تحس بقيمة الفلوس و النعمة اللي انت فيها يالبطران سلطان: و كيف اطلع مايد: الدريول بيوديك ويين ما تبا بس اكيد بعد ما تطلع السيارة من الوكالة سلطان: ...................... متضايج لانه يحس ان السالفة ما تسوى و بعدين هو هب ياهل عشان يتعاقب بس في نفس الوقت سلطان هب متعود يرادد اخوه العود مايد و الهنوف: يالله .. تصبح على خير و يرد كل واحد فيهم حجرته و بعد دقيقة الهنوف توايج من غرفتها و تتاكد ان مايد في غرفته و ركض على غرفة سلطان سلطان: بسم الله من وين طلعتي يالدبة الهنوف: حرمتك دبة و تضحك سلطان: انزين شو عندج الهنوف: اسألك منو فاز في السباق سلطان: يهمج تعرفين ..... الهنوف: هيه .... سلطان: أخوج سبع و ما ينخاف عليه فزت و طلعت من المركز قبل أي واحد من الشباب ... الهنوف : عاش بو مايد عاش سلطون يالله باي قبل ما ميوود يحس ..سلطان: ههه باي الهنوف و هي طالعة من غرفة سلطان شافت مايد فويها مايد: يا السوسة شو تسوين هنيه الهنوف : هاه ... مايد: خلصيني منو اللي فاز في الريس.... الهنوف بحماس سلطون مايد: فديت الهاملي انا ...ريال / يالله انزين باي في نفس الوقت في بريطانيا و في غرفة سعود بالتحديد سعود كان يفكر كيف يخبر اخته عن الهنوف و قرر يدقلها الصبح و يخبرها و راح في سابع نومه من التعب اشرقت شمس يومن جديد على كل من بأرض زايد (الله يرحمه) و في بيت بو مايد بالذات الكل متأخر في النشة لانهم راقدين الساعة 2 الصبح و بعد ما نزل الكل و تيمعو عالطاولة ما عدا سلطان لانه اجازة يدخل الدريول عليهم بعد ما دق الباب الدريول كومار: بابا سيارة مال انا داخل كاراج مافي سيف:انت ليس تقول بابا حق باباتي سبالو واحد ... الكل يضحك عرمسة سيف مايد: عنلاتك يالهرم من متى المرسدس سيارتك الدريول: شينو يعني عيلات هرم .... و الكل يضحك مايد: خلاص كومار روح إنت...............كومار: زين بو مايد: ليش..... سلطان ما رد البيت؟ مايد : بلى رد البيت بس انا وديت السيارة ابدل المخفي و السفايف يبالها تبديل بو مايد: يابوك السيارة بعدها ما كملت سنة مايد بارتباك: احسن ابويا عشان السيارة ما تقرقع بو مايد: والله انتوا ادرى بس منو بيوصل الهنوف انا مشغول وايد مايد و هو يطالع الهنوف : انا بوصلها . بو مايد: خير ان شا الله يالله عيل اظهروا ترى الهنوف متاخرة الهنوف: ما عليه كلاساتي تبدا اليوم 9 مايد: انزين احين 9 الا ربع.............. الهنوف : اويه يالله يالله ميود و يطلعون هم الاثنين بسرعة و في السيارة مايد: أباها الهنوف: شو هي اللي تباها مايد: البنت اللي قلتلج عليها أبا آخذها شو الحل اللي عندج الهنوف: البنت في مدرسة و لا جامعة مايد: اكيد في جامعة شو ابا بوحدة ياهل في المدرسة الهنوف: حلو هي من دبي ؟ مايد: هيه بس مااعرف في أي جامعة الهنوف : انت حاول اتطرشلها ايميل و رد كلمها عادي و بعدين لما تعرف هي في أي جامعة انا بتصرف من هناك مايد: سوسة بس يالله ما عندي غيرج الهنوف : مييييييييود انا سوسة .... مايد : اسولف يالله نزلي الهنوف: سي يو............ مايد: سي يو و في هالوقت سعود كان اجازة هاليوم لانها فترة امتحانات و سعود يوم يمتحن و يوم لا ... المهم كان يتصل باخته بس ما كانت ترد عليه و رد يدرس في كلية التقنية البنات كانو متيمعات في الكافتيريا كالعادة بس نوف ما كانت موجودة.. الهنوف تسأل البنات وين نوف عنكم وحدة من البنات : سارت تساعد البنت اليديدة من جامعة زايد و تراويها من وين تاخذ الكتب الهنوف على طول تتذكر انها يمكن تكون اخت سعود الهنوف اتدق على نوف: مرحبا نوف : مرحبا مليون الهنوف: ويينج نترياج نوف : امممم مشغولة ويا وحده من بنات كلاسي و المشكلة اني لازم اسير البيت الحين لان بابا تعبان شوي و انا وعدت البنية اساعدها الهنوف: سلامة ابوج الغالية انت وين الحين بييج نوف: انا في في المكتبة الهنوف : ثواني و بييج ... بنات انا بسير عنكم تغدوا لا تتريوني و تطلع من الكافيتريا بدون ما يردون عليها خاطرها تشوف شي من صوب حبيبها سعود و تقول في خاطرها يمكن اذا طلعت اخته تشبهه المهم وصلت الهنوف المكتبة و شافت نوف صوب الكتب و يا بنية الهنوف : السلام عليكن أسرار و نوف: و عليج السلام نوف: أسرار هاي الهنوف ربيعتيه من العام و تسلم الهنوف على أسرار نوف: الهنوف هاي بنت كلاسي أسرار توه منتقلة من جامعة زايد الهنوف: مرحبابج الغالية أسرار: مرحبابج زود الشيخة نوف: أسرار أنا لازم أرد البيت و الهنوف بتساعدج تدورين الكتب اللي تبينهن اوكي و اسمحيلي عاده أسرار: بالحل الشيخة و اذا ربيعتج مشغولة انا بدورهن بروحي هب مشكلة الهنوف: لا فديتج انا بريك و ما عندي شي و بعدين بالمرة آخذ الكتب اللي اباهن... أسرار: إنتي تقرين حق الدراسة بس و لا تحبين القرايا الهنوف: لا أنا عموما أحب أقرا كتب أسرار: حتى أنا....... نوف: طالع لبسوني و الله يالله برايكن أسرار و الهنوف: وداعة الله الغالية........... نوف: وداعة الرحمن أسرار: انتي اول سنة الهنوف: لا أنا ثاني سنة في الكلية أسرار: عبالي أول سنة لانج هب ويا ربيعتج الهنوف: لا نحن شلة و لو حطونا في نفس الكلاس مصيبة تضحك أسرار: أيوا جيه السالفة عيل الهنوف: تعالي ليش انتقلتي من زايد؟ أسرار: أنا ما كنت أباها أصلا كنت أبا أسير الامريكية بس اخوي ما رضى و تميت فيها سنة و طفرت فحولت هنيه الهنوف في خاطرها أكيد مش أخت سعود كيف ما بيرضى و هو في بريطانيا من 5 سنوات أسرار: شي بلاج الهنوف ....... الهنوف: لا ما شي يالله أراويج وين تلاقين الكتب مال هالسنة و بعد ما خلصوا أسرار كان عندها كلاس الهنوف بعدها بريك.. فوصلتها كلاسها و ردت الكافتريا عليا: وينج ...... الهنوف بخيبة أمل : سرت أساعد البنية اليديدة في المكتبة لان نوفي بغت تطلع و حطت اللابتوب عالطاولة و شغلت المسن و سعود كان اوف لاين فطرشتله مسج انا دخلت المسن يالله ادخل و عالمسن الهنوف: هاي.......... سعود: هلا والله الهنوف:............... سعود : بلاج شي فيج ليش هادية الهنوف: لا بس ما طلعت اختك .......... سعود: تطرين الخيليه .......... الهنوف: هيه سعود: كيف عرفتي شو سرتيلها و سألتيها إنتي إخت ريلي ههههههه الهنوف : سعود: ههههه انزين كيف عرفتي الهنوف: المهم انها مش اختك سعود : ردي عليا و لا بدق الهنوف: جان زين .. ثواني و يرن تيلفونها الهنوف تكتبله : يالمينون سعود: انزين خلاص ما بدق بس قولي كيف هب هي انتي تقولين انها من قوم الخيلي و منتقلة من زايد كيف عرفتي انها هب اختي الهنوف: قالتلي انها العام بغت تدخل الجامعة الامريكية و اخوها ما رضا كيف بتكون اختك و انت في لندن و ما عندها اخوان غيرك عيل منو اخوها اللي ما رضا سعود: yeeeeeeeeeeeeeeeeeeeeeeeeeeeeesss الهنوف: ؟؟؟؟؟؟ بلاك سعود: حتى لو في لندن اكيد ابوي و خوالي و عمامي بيشاوريني على اساس اني اخوها العود يالذكية الهنوف: يعني إختك سعود: هيه نعم ختيه أسرار الخيلي .. هذا هو أسمها صح؟ الهنوف: هيه و بتطير من الوناسة الهنوف: إنت تشبه إختك سعود: بس شعري شوي أطول الهنوف: أييييييييييييييييييييووو شعرك طويل سعود: شدراني عنج و لا كيف بشبه بينة حتى لو ختيه الهنوف: يالغبي يعني ملامحك سعود: لا وايد غير الهنوف: أفا.... سعود بخبث: ليش تبين تشوفين شكل ريلج الهنوف و هي قافطة: بس أسأل سعود يحط صورته في المسن الهنوف يا ويل حالي اسميه حليييييييييييييييييييييو ما شا الله عليه .. سعود: احم احم شو رايج الهنوف: في شو ؟ تستهبل سعود: الصورة ما شفتيها الهنوف: توني انتبه سعود بخبث ^_^ : توني انتبه و لا كل هذا تتأملين الصورة أنا متأكد لولا البنات جان حبيتي الصورة الهنوف: سعووووووووووووووووود سعود مستانس: انزين صدق شو رايج توقعتي جيه يكون شكلي الهنوف: يا بوي ضاع العقل مني في شوف خلي ... سعود: احين مابا كلام أغاني أبا رايج الهنوف: فديت هالأبتسامة علني لا خليت منها و من راعيها سعود: احم احم انزين يالله دورج ...يمزح طبعا لانه شاب محترم الهنوف: تباني احط صورتي (منصدمة) سعود: قصورج يالسبالة أمزح وياج أنا .... أنا أبا أشوف حرمتي أول مرة في بيت أهلها الهنوف و هي مرتاحة لان سعود شاب محترم: الله يخليك لي يا سعود سعود : و يخليج لي يا قلب سعود الهنوف:........................... سعود: شي فخاطرج الهنوف: الصراحة هي بس ما أعرف كيف أييبها سعود : أفا يا الهنوف أنا أقرب لج من روحج و ما تعرفين كيف تييبين الرمسة اللي فخاطرج الهنوف: سعود بريكي خلص برد البيت و بنكمل رمستنا اوكي سعود: خير ان شا الله الهنوف: الله يحفظك يا الحليو هههههه هه ه ه سعود: صدقت عمري هههه الله يحفظج حبيبي و تبند المسن و اللابتوب و تقول : يالله علايا تأخرنا علبا: ثواني بس أرد على بنت السويدي عليا: يالله خلصت .... و يسيرون الكلاس .... في دبي و في مدرسة سيف .... سيف قاعد على كراسي الانتظار و محد ياه و يروح حق المس و يقولها مس مس دليويلنا مايا ..انا شينو اسوي بلوحي انا و حمود المس: خلاص سيفان انا بدق على هلك و اهل حمود المدرسة تتصل على ام مايد : السلام عليكم ......... ام مايد: و عليج السلام منو ويايه المدرسة: وياج مدرسة سيف الشيخة الدريول تاخر على سيف ام مايد تذكرت ان السيارة في الوكالة .. مشكوره خلاص الحين بييه اخوه ام مايد ادق على مايد: السلام عليك مايد يا وليدي سيف في المدرسة سير خذه أبوك في بر دبي ووايد مشغول سيف: خلاص خير ان شا الله بستأذن من الدوام و بسيرله ام مايد: بس لا تتأخر عليه المدرسة اللي دقتلي تقول انها بتروح عنهم مايد: غصبن عنها اتم وياه .. عيل ليش ندفعلهم هالكثر بيزات و الله حالة خلاص امي انا بتصرف وداعة الله ام مايد: لا تتاخر عليه .. وداعة الرحمن مايد يستأذن من الدوام و يطلع...... في المدرسة..... المس تخبر سيف ان اخوه بييه سيف2 KG...........سيف. هي هيه و يقول حق ربيعه حمود: أحين أخويا بييني بالونج شو لايك حمود: شو يعني ونج سيف: ما اعلف و علامات استفهام على روسهم يوصل مايد المدرسة .... المدرسة : إنت أخو سيف ...... مايد: هيه نعم.... المدرسة : بليز لا تتأخر عليه مرة ثانية مايد: هب جنة نحن ندفع حق المدرسة حق الحاضنة اللي تهتم في الطالب و تترياه يوصل و تدخله الصف و تترياه لين ما هله يمرونه و لا انا غلطان.......... المدرسه قفطتك : صحيح مع السلامة ... ( هاهاي تستاهل المهم خليني أكمل ) مايد: سيفان منو هذا اللي قاعد عالكرسي سيف: هذا اللي هناك و لابس مثلي مايد: هيه .... سيف: هذا ربيعي حمود حميد بني ياس بس دليولهم كل يوم يتأخل و هو يتلياه الحين مايد: ناده خلنا نوصله و دريولهم انا بأدبه سيف: زين و ينزل من السيالة أقصد السيارة هههههه و يقول حق ربيعه: حمود مايد اخويا يقولك تعال الكب الونج و بنوديك بيتنكم و قال بيضلب دليويلكم حمود :أخوك شاطر أحين بعطيه حلاوة و يركبون السيارة مايد: مرحبابك حمود ،،،،،،،،، حمود: مرحبا خذ هذا حقك عشان انت شاطر مايد : هههه استويت شاطر حمد: مايد شو يعني ونج مايد و هو ميت من الضحك ونج يعني هذا اللي يشل السيايير لما يختربن سيف: لالا سياوتك ونج مايد : ايوا اسميك ترمس شرات الهنود ههههه مايد: حبيبي حمد سيف يبا يقول رنج سيف انجين شو يعني رنج مايد حتى انت ترمس شرات الهنود هههه : رنج اسم سيارتي سيف و حمد: ايوااااااااااااااا........... مايد وايد يحب اليهال و يستانس عليهم مايد مر بيت حمد أول شي و دق الباب و طلعله أخو حمد (محمد) ربيع سلطان لو تذكرونه و ما كان من ضمن اللي يترايسون لانه ما يحب هو بس يطالع مايد: السلام عليكم الشيخ محمد: وعليكم السلام .. منو الريال؟ و يشوف اخوه حمد وياهم مايد: اسمحلي بس اخوك في المدرسة ويا اخوي و الدريول اتاخر عليه فوصلته محمد: بس الدريول طالع من فترة .. عالعموم مشكور أخوي و تسلم مايد: طلبتك الشيخ ..... محمد: تم أمره مايد: اهزب الدريول عسب ما يتأخر على حمد محمد: هذه ما يبالها رمسه بس اول مرة يسويها حمد: محمد مش اول ملة كل يوم انا اتأخل و سيفان بسلعة يلوح محمد: أنا براويه هالهرم و ما له قعده فالبلاد دامه يتأخر كل يوم أكيد يحاوط بالسيارة محمد: مشكور و تسلم الشيخ مايد: العفو بس ما عرفت شو اسمك؟ مايد اجتماعي و يحب يتعرف عالشباب محمد: محمد و إنت مايد: أنا إسمي مايد محمد: انتو وين ساكنين؟...... مايد : هنيه في الجميرا , ورا بيتكم بالضبط محمد: خلاص عيل ربع ان شا الله.....مايد: ما يبالها رمسه مايد: يالله فمان الله............... محمد: فمان الكريم و يسير صوب بيتهم يوصل أخوه البيت و يرن تيلفونه: مرحب وينك ميود مايد و هو مستانس: توني وصلت عبادي شو خلصتي أييج ...الهنوف: هي استاذنا طلع مايد: خلاص 20 دقيقة و أكون عندج....( على فكرة نسيت أقولكم إن مايد وصى واحد من الشباب يطلع السيارة من المركز و يوديها الوكالة) في الدرب مايد يسمع: تزعل و أنا اللي منك زعلان تقسى و تجرح قلب مغليك غالي معي لو كان اللي كان ..أغنية العامري و يذكر البنت اللي يسولف وياها عالمسن و يحبها و صارلهم فترة ويا بعض أول ما وصل الكلية عيون البنات عليه وحدة من البنات اللي يتريون أهلهن: الله فديته قمر وحدة ثانية : يا ويلي عالرنج مايد في خاطره: شو هالمنكر طالع كيف يطالعن والله انكن مضيعات مذهب أخ أخ الواحد يستحي يقول أنهن بنات البلاد يرد يدق هلى تيلفون الهنوف: انتي ويينج الهنوف: خلاص وصلت دقايق و تدخل السيارة الهنوف: يا ريال سويتلهم جو اللي تتفداك و اللي تتفدى السيارة مايد: حلفي .. انزلي وعطيهم رقمي احم احم الهنوف: يالله حرك عن الحركات الفارطة هاي.... مايد: هههه مشاكل البنات هههههه الهنوف مايد شو سويت عسالفة البنت مايد: طرشتلها ايميل من الدوام و ما اعرف اذا شافته و لا....... شكلها مسوتلي بلوك لان كله اوف لاين الهنوف: إن شا الله خير. |
| غير موجود |
|
25-12-2005, 11:00 PM
| #8 (permalink) |
| محب برونزي | رد : ليتها الأحلام تتحقق الفصل الخامس و في مدينة العين و بالتحديد في بيت بو سعيد أحمد قاعد ويا سعيد و في خاطره رمسة بس هب عارف كيف يقولها أحمد: سعيد متى بتعرس ؟ سعيد: ليش قاعد عجبدك و لا تصرف علي هههههههههههه أحمد: لا و الله صدق هب ناوي تعرس؟ سعيد: شكلك تبا تعرس أحمدو هههه أحمد: لا بس أسألك ( و ينسدح على شبريته و يفكر) و في الصالة: ام سعيد و الله و كبر سعيد و يباله حرمه شو رايك يا بوسعيد بو سعيد: و العروس موجودة.......... ام سعيد: منو تقصد............... بو سعيد: منو غير الهنوف بنت أخوي ام سعيد: هيه و الله خوش بنية... خلاص اليوم بنرمس سعيد عالعشا و بنسمع رايه و في لندن سعود يتصل باخته و أخيرا ترد عليه: انتي وينج من الصبح ما تردين عليا أسرار: هلا سعود سوري تيلفوني كان سايلنت و الصبح نسيته في البيت و توني أنتبه على اتصالاتك سعود: شو الكلية... إن شا الله حصلتي ربع أسرار: عادي انت شخبارك سعود: يعني البنات طيبات أسرار: هيه حتى وحدة من برا الكلاس اليوم ساعدتني شو كان اسمها....... العنود مدري ما اذكر سعود : ايوا المهم انج بخير ... ان شا الله مرتاحة في السكن أسرار: الحمد الله سعود: خلاص عيل بخليج.. أسرار: اوكي باي سعود: باي و في دبي الهنوف كانت قاعدة تتغدى ويا أهلها و يسمعون شو صار ويا سيفان في المدرسة و بعدين سلطان يقول أي محمد تطري مايد... ليكون محمد بني ياس مايد: مدري بس بيتهم ورا بيتنا سلطان: هيه نعم هذا من قوم بني ياس ...... ربيعي بو مايد: هيه نعم و أنا أعرف أبوه حميد بني ياس يوم انتقلنا من بوظبي هم توهم كانوا منتقلين من بوظبي بعد بو مايد: شو إنتي ما تعرفين أمهم............ أم مايد : لا و الله سيف يتفلسف: ماما سيري سويلها سلام عليكم أنا أعلف حمود و بابا يعرف حميد و سلتان و مايد يعلفون محمد يعني انتي لازم تعلفين هاي امهم و الكل ينقع من الضحك على سيفان و الهنوف تفكر في سعود و تنش من مكانها ........ ام مايد:وين بعدج ما كلتي شي الهنوف: الحمد لله كلت بسير اريح لان عندي وايد شغل و تصعد غرفتها ركض و تشغل المسن و تشوف سعود اون لاين سعود: انتي وينج ليش تاخرتي الهنوف: كنت أتغدا سوري سعود: بالعافية و مشكورة حبيبي الهنوف: على شو فديتك سعود: فديت اللي تتفداني أنا و الله ... أختي قالتلي إن اليوم وحدة ساعدتها أكيد إنتي صح؟ الهنوف: لا هب أنا ^_^ سعود: هي قالتلي أسمها العنود بس ما كانت متأكده أنا قلت يمكن مغلطة بإسمج الهنوف: : أنا اللي ساعدتها يالذكي و لا كيف كنت بعرف ان اخوها مارضى تدرس في الامريكية سعود: أحبج و الله أحبج .... الهنوف تحس بإحساس غريب: سعود إنت شي فيك ؟ سعود: ليش حبيبي لاني قلت أحبج؟؟!! الهنوف: لا حبيبي بس حسيت بنغزة بقلبي... سعود: هيه الصراحة مزجم و فيني حمه من الصبح تشل تيلفونها و تدق رقم سعود سعود يترياها ترد عالمسنجر و مرة وحدة تيلفونه رن و كان رقم الهنوف ... سعود ما رضى يرد عشان ما يخسرها لانه مثل ما قتلكم ما يعرف شو ظروفها و أول ما بندت رد يدقلها و على طول ردت سعود : السلام عليج الهنوف: و عليك السلام سعود بتعب : خلاص خفيت الهنوف: سلامتك إن شا الله فيني و لافيك سعود: لا ان شا الله لا تقولين جيه .. و الله يسلمج حبيبي الهنوف :,,,,,,,,,,,,,,,,,,, سعود: تحبيني؟؟؟ الهنوف: ........................ سعود: ردي عليا حبيبي الهنوف: هيه.............. سعود: هيه شو ............. الهنوف: سعوووووود سعود: الله اسمي حلو الهنوف: توك تعرف.......... سعود: حلو لانه من شفايفج.. و بروحه قـفـط من رمسته اللي ما عرف كيف قالها الهنوف: سعود سرت المستشفى سعود: إنتي الدوا و الراحة و العلاج.. إنتي يا نور دربي و ملاك ابحياتي يا حلمي الاول و الأخير الهنوف: سعود لو تحبني خذ الدوا سعود: حبيبي نسيتي إني دكتور و نحن عدنا ادوية فالبيت و بسير آخذ الحين عشانج سعود يطلع من غرفته و يشوف سارا بنت العايلة الانجليزية اللي سعود ساكن وياهم سعود: (Hi Sarah) هاي سارا سارة بالإنجليزي: (Hi Saood are you talking with your sister) هاي سعود تكلم إختك؟ سعود: No I am talking with my fiancee (لا أرمس خطيبتي ) الهنوف بعصبية :منو هاي ؟ سعود: بنت العايلة الإنجليزية اللي أنا عايش وياهم الهنوف: شو لابسة الحين و كم عمرها .. حلوة؟ حلوة كيف ؟ سعود: هدي حبيبي.. البنية تعتبرني أخوها و هي أكبر مني ... لهالدرجة تغارين؟ الهنوف: هيه أغار إنزين ترى هالبنات الإنجليزيات كلهن بدون مذهب و كل شي يسوون .. خذ دواك و رد الغرفة بسرعة سعود: إن شا الله حبيبي. سعود خذ الدوا : تصبحين على خير سارا (Good night Sarah ) الهنوف: لازم يعني و شو يرقدكم الحين سعود: نسيتي حبيبي فرق الوقت نحن متجديم 4 ساعات عنكم يعني الحين 7 وانا قلتلها تصبحين على خير لاني ما برد اطلع بس الهنوف:........................... سعود بعد ما دخل غرفته انسدح عالسرير: حبيبي إنتي من شو خايفة أنا مالج و بتم حقج طول عمري و كلمة أحبج حرام تنقال لغيرج من البشر. الهنوف: سعود إنت ..... سعود: أنا شو...؟ الهنوف: إنت دنيتي و حياتي و عمري سعود: فديت روحج الهنوف: إنزين يالله سير ريح شوي و برد أرمسك بالليل سعود: عالمسن و لا عالتيلفون. الهنوف: امممممممممممممممممممم مدري سعود: أوكي باي الهنوف: باي الهنوف تقعد تحل واجباتها و مرة وحدة أخوها مايد يدخل الغرفة بدون حتى ما يدق الباب و يشدها من ايدها و يوديها غرفته.. مايد: أنا الصراحة أخاف أقول أي شي و ترد تسويلي بلوك ترى أنتوا البنات محد يعرفلكم الهنوف: أي بنات و شو سالفة البلوك و من شو خايف ؟؟؟؟ مايد: البنية اون لاين شكلها شلت البلوك عني بعد الإيميل الهنوف: متأكد إنك تباها وواسمحلي بس إنت واثق منها مايد: هيه هيه و الله أحس إبها محترمة و ما عندها سوالف شباب و المسن الكل يدخل عليه و ما فيها شي دام الرمسة محترمة و ضمن حدود الأدب الهنوف تشوف أخوها بنظره إعجاب و أول تحس إنه إنسان فاهم و يفكر الهنوف: سلم عليها و جيه و شوي سولف و قبل ما تخلص اسالها وين تدرس اوكي و رد علي خبر ..بالتوفيق روميو مايد: الله يهدي جولييت الهنوف: هههههههههههههه مشاكل .. الريال يحب أكيد تنصحك و تخاف عليك و لا ما كنت بتتعلق فيها مايد: هيه و الله المهم يالله اجلبي الحين الهنوف: اوكي باي و ترد غرفتها و يرن تيلفونها الهنوف: مرحب ......... : مرحبتين فديت هالصوت أنا الهنوف: منو ويايا ؟؟؟؟؟؟؟ ........... : وياج الانسان اللي سلبتيه قلبه و تفكيره يا كل الزين ........... : إنت ما عندك خوات تخاف عليهن .. الله يهديك.. و تبند الخط قبل ما يرد الهنوف على طول إتدق على سعود.... سعود كان راقد بس نش من الرقاد : هلا حبيبي خير شي فيج الهنوف: ها ... لا بس حبيت أطمن عليك سعود: بلاه صوتج ... جنج إلا خايفة من شي و ينش من الرقاد و يركز ويا الهنوف الهنوف: ماشي .. يالله باي سعود(بعصبية) : ألحين أنا أرمسج تقوليلي باي.... شو هالحركات الهنوف: بلاك سعود سعود: الهنوف بليز ارمسي و الله تعبان و مابا أحاتيج أكثر يالله حبيبي إرمسي الهنوف: في واحد دق على رقمي و قعد يغلس سعود:متى و إنتي أصلن ليش تردين على رقم غريب الهنوف: أنا لما عرفت إنه هب مغلط و انه بس يستهبل بندت فويها سعود: هذا بايع عمره شو// يطفر حرمة الخيلي سعود: عطيني الرقم و هو معصب الهنوف: خلاص سعود ما صار شي و لو رد دق ما برد سعود: عطيني الرقم أقولج..و أنا بترياه لين ما يدق مرة ثانية الهنوف تعطي سعود الرقم و يبند عنها بدون ما يقول أي شي غير باي و ما ترياها حتى ترد و على طول اتصل بولد عمه الخيلي سعود: مرحب نواف: مرحب مليون عاش من سمع صوتك يا ريال سعود: عاشت أيامك حبيبي سعود: طلبك نواف نواف: تم لو طلبت روحي تجيك بثواني (نواف و سعود وايد قراب من بعض بس ابتعدوا في السنوات الاخيره بسبة سفر سعود) سعود: بعطيك رقم واحد و اباك تعرفلي تقريبا كل شي عنه نواف بدون ما يسال ليش و كيف: تم امره ساعة و بردلك خبر شي ثاني حبيبي سعود: لا الغالي بس رد عليا بسرعة نواف: ساعة وكل شي عن راعي الرقم يكون عندك و لما أعطيك اللي عرفته بسولف وياك .... وداعة الله سعود: وداعة الرحمن سعود في غرفته و حالته حالة و الهنوف في غرفتها و خايفة من اللي بيسويه سعود و بنفس الوقت مستانسة لانه يغار عليها و يحبها بهالطريقة ( هذا شي أي بنت تتمناه واحد يحبها لحد الجنون و يعد الايام عشان تصير حلاله(حرمته) شي نادر طبعا لان معظم الشباب ما يعرفون يحبون و لا يعرفون معنى الحب..) تطوف ساعتين بدون أي خبر عن راعي الرقم...... و تحاول الهنوف تدرس و شوي شوي اندمجت في المذاكرة و عالساعة 7 أخوها دخل غرفتها و الإبتسامة شاقحه الويه مايد: هلا بالزين كله الهنوف: هاي مايد: و اخيرا ردينا الهنوف: زين مايد: بلاه المود متعكر ليكون سلطون مغلس عليج الهنوف: لا بس طفرانة من الواجبات مايد: هيه و الله انا بعد طفران.. تعرفين شو انا عازمنكم عالعشا بس اكيد الشيبة بيدفع الهنوف: مالي بارض................... مايد: يالله عن الحركات انا بسير ارمس العيوز و الشيبة و انتي سيري رمسي سلطان الهنوف: اوكي و تسير الهنوف حجرت سلطان ... الهنوف تدق الباب: ممكن أدخل سلطان: حياج الهنوف: إحتفالا بمناسبة انتهاء اجازتك سوف يعزمنا الاخ مايد على حساب الوالد نتعشا في الخارج سلطان: أقول معلمة لماذا الهنوف: و الله بس جيه ميود قال نغير جو و نتعشى بره سلطان:اوكي ببند اللابتوب و بلبس يبالي ربع ساعة.. تعرفين لزوم الاناقة الهنوف: عيال الهاملي غير شكل ههههه سلطان: طبعا هههههههههه و تطلع و تشوف مايد : و انت شكثر يبالك لين ما تتلبس مايد: ربع ساعه .. عشان اكشخ الهنوف: انت و اخوك حركات لما تتطلعون جنكم معاريس مايد: فديتني و فديت أخوي الهنوف: يالله أنا بعد بسير أكشخ هههههه و ترد الحجرة عشان تتلبس و يرن تيلفونها .... نفس الرقم الغريب و تبند بويهه و تسير على طول حجرة اخوها و تقوله عن الرقم الغريب مايد: شو مشكلته هذا بايع عمره شو... خلاص انا بتصرف مايد يدق على رقم بو الشباب مايد: من انت الريال: خير ان شا الله و ليش جيه ترمس بنفس خايسه مايد: رد عدل الريال: أرد شرات ما أبا كيفي مايد: إنت داق على هالرقم 7500075 الريال: و انت منو تكون إن شا الله؟؟ مايد: رد على قد السؤال الريال : لو ما رديت شو بتسوي مايد: استحمل اللي بييك يالهرم و يبند التيلفون بويهه و يصدف إن نواف ولد عم سعود الخيلي ربيع مايد من سنين و يداوم مسؤول في اتصالات مايد: مرحبا بالشيوخ نواف: مرحبا بك زود الهاملي مايد: جيف حالك حبيبي نواف: ربي يعافيك بس انت وين ما شفتك من كم من يوم مايد: مشاغل ياخوك مايد: ما بطول عليك بس بغيتك تسالي على رقم ممكن نواف: من عيوني كم هاملي عدنا نحن مايد: تسلم الشيخ و يعطيه الرقم نواف مستغرب لانه نفس الرقم اللي سال عنه ولد عمه سعود و كان كل شي عن الريال يدامه في الورقة بس ما حب يقول شي نواف: خلاص نص ساعة و برد عليك مايد: تسلم حبيبي .... حياك نواف: مع السلامة و يرد يدق على سعود: مرحب سعود: طولت علي نواف نواف: اسمحلي سعود : مسموح حبيبي ... شو عرفت عن الريال نواف: بالاول قولي من وين يبت الرقم لان توه ربيعي داق علي و يسالني عن نفس الرقم سعود: منو هذا ربيعك نواف: الهاملي لو تعرفه سعود: وايد هوامل نعرف.............. نواف: مايد الهاملي سعود: هيه ذكرته سعود : ما اعرف هو ليش يسال عن الرقم بس انا ابا الرقم و ما اقدر اقولك ليش نواف: عراحتك انا طرشتلك كل شي اعرفه عن الريال على الفاكس .. المهم قولي انت شحالك و شو الدراسة وياك سعود: و الله انا الحمد لله بخير وباقيلي شهر و اردلكم البلاد دكتور نواف: توصل بالسلامة و الله بتنور البلاد سعود: الله يخليك نواف: حبيبي عزيمة ردتك علي... حلفتك الله أكون اول واحد بعد الوالد سعود: تم حبيبي نواف: خلاص عيل ما بطول عليك سعود: مشكور حبيبي نواف: يا ريال ما مبينا شي و يبند عن سعود و يرد يقرا الورقة اللي وصلته بالفاكس من نواف الاسم: سالم محمد المزروعي .... العمر: 25 ..... المهنه: موظف في التنمية الاقتصادية .... رقم السيارة : 78543 عجمان ملفات الشرطة: لا يوجد .... و معلومات ثانية أهمها أرقام أهله كلهم و يدق سعود عالريال بعد ما عرف عنه وايد اشيا سعود: الو سالم سالم هو الشاب اللي دق على تيلفون الهنوف ... سالم مستغرب الرقم هب من الامارات سالم: هيه نعم سالم .. منو الريال؟؟ سعود: عمك ... تاج راسك سعود الخيلي سالم: قصورك .... و قبل ما يكمل .... سعود: رمستك لا تكملها و اسمع سعود: انت اسمك سالم محمد المزروعي 25 سنة تشتغل في التنمية سيارتك مكسيما رقمها 78543 ساكن في عجمان ملفات شرطة ماشي بس بسولك واحد لو تبا ارقام هلك و يقوله كم رقم .... شو تباني اكمل سالم قلبه وقف من الزيغة و غير اسلوبه: منو الريال و كيف تعرف عني كل هالاشيا سعود: قلتلك سعود الخيلي و كيف اعرف هالاشيا لا تسال المهم شو ابا سالم من الزيغة: آمر الشيخ سعود: هذا الرقم 7500075 تنساه و لو سمعت انك رديت دقيت عليها بكسرك و بسويلك ملف في الشرطة هذا لو تميت حي فهمت و لا سالم: اسمحلي الشيخ سعود: من وين لك الرقم سالم: خلاص مو لازم المهم اني ما برد ادق عليه سعود: ما بعيد رمستيه جاوب سالم : وحدة عطتني اياه سعود: اسمها؟؟ سالم: عنود من تقنية دبي سعود: بس خلاص رمستي ما بعيدها و لو دقيت هالرقم مرة ثانيه و الله ما بخلي فيك ضلع صاحي و يبند فويهه و في هالوقت نواف كان يرمس مايد و يقوله الاشيا اللي عرفها عن الريال بس مايد كان في السيارة فماكان يقدر يدق على الريال ... أول ما وصلوا غراند حياة و دخلوا المطعم مايد استاذن مايد: ابوي انا بسير شويه واحد من ربعي هنيه بسلم عليه و انتو اطلبو سلطان: منو هنيه ........... مايد: واحد من الدوام اطلبوا و انا بييكم الحين و هنيه تيلفون الهنوف يرن .... تشوف الرقم رقم سعود و أبوها يقولها اغلقي تيلفونج يا بوي و تغلقه نرد حق مايد اللي كان يدق عالريال مايد: اسمع يا ولد المزروعي رمستي ما بعيدها ... الرقم لا ترد تدق عليه سالم فخاطره وليه رقم منو هذا الله يقصج يا عنود: اسمحلي الشيخ و الله ما راح ادق عالرقم مرة ثانية مايد: من وين لك الرقم رد سالم فخاطره و الله ما يخصني تتصرفين يالعنز عنودو و هقتيني اللي ياخذج : وحده اسمها عنود و هذا رقمها و تداوم في تقنية دبي و يبند مايد فويهه سالم: بل شكلها الا بنت شيوخ او كباريا ... لا رقمي لازم اغيره و هالعنز عنود ما با اعرف عنها شي بنسجن و بندفن و السبه هي و يرد مايد المطعم و يقعد عند الهنوف الجماعة يسولفون و يشربون عصير مايد يصاصر الهنوف: انتي تعرفين وحدة اسمها عنود في الكلية و يقولها الرقم الهنوف: تريا و ترد تفتح التيلفون و تجيك على الرقم الهنوف: هيه ليكون هاي اللي تحبها مايد: أخ لا أنا أحب هاللوث بنكمل رمستنا في البيت الهنوف: اوكي بو مايد: مايد شو عندك انت و الهنوف تتصاصرون مايد: نعلق على سلطون سلطان: لا والله ... ليش ان شا الله مايد: خشمك معواي يا ريال شكلك فضائي و الكل يضحك ... ام مايد: فديت ولدي و الله سلطان شيخ الهوامل الله يحفظه بو مايد: و أنا شو لو سلطانو شيخنا او مايد: انت اميرهم فديتتك الهنوف و سلطان: أووووووووووووووووو جنكم الا طايحين مغازل مايد: جدامنا عاد و يضحكون ( سلطان و مايد و الهنوف) بو مايد: حرمتي و كيفها مايد و سلطان يطالعون بعض(s : نحن بعد بنعرس عشان ندلع الهنوف تضحك عليهم لانهم قالوها ويا بعض و يتعشون و يردون البيت و مايد يدخل غرفة الهنوف: منو هاي عنود الهنوف: ليش و كيف يبت رقمها مايد: انتي ردي و بعدين بقلج الهنوف: وحدة في الكلية رابعتها فترة و بعدين حسيت ابها هب ماشية سيده و عندها سوالف بطالية فقتلها تمسح رقمي و لا ترد ترمسني بس مايد: هاي البنية هي اللي عطت رقمج حق سالم المزروعي الهنوف: منو هذا مايد: هذا اللي دق على رقمج الهنوف: اخ اخ والله هالبنات ما عندهن ضمير الهنوف: عيل خلاص مابا رقمي مايد: طلعي الرقم الهنوف: أبا غيره و اتطلع الرقم مايد يكسر الرقم : خلاص بطلعلج غيره باجر الصبح و ما يصير خاطرج الا طيب الهنوف: الله يخليك لي مايد: و يخليج لنا يا عسولة مايد: ما سمعتي اخر التطورات انا كنت بقولج بس انتي كان مزاجج متعكر و بعدين سرنا المطعم الهنوف: قول قول مع التفاصيل لو سمحت مايد: اول ما .............. و يدخل سلطان عليهم و يعفد عشبريت الهنوف: شو تقولون تراكم وايد ترمسون بعض هالايام شو عندكم خبروني حنام مايد: شو حنام بعد .............؟ سلطان: يعني حراااااااااااااام بس ادلع مايد: و الدلع هب لايق عليك مايد خلاص الهنوف اصلن الوقت متاخر و الكل باجر دوامات نغزة حق سلطان سلطان: لازم اتذكرني مايد : يالله قم خل البنية ترقد الهنوف: مايد و موضوعنا مايدك تقصدين التوصيلة خلاص انا بوصلج و السيارة بتطلع باجر ساعة 12 و ربيعي بييبها من الوكالة و بيحطها في البيت الهنوف: خلاص اوكي مايد: و انت منو بيوصلك ان شا الله سلطان : ربيعي بيمرني الهنوف: يالله حياكم سلطان: ميود جنه الا طرده مايد: شكلها الا جيه و يطلعون و كل واحد يدخل غرفته و تتذكر الهنوف سعود و تدخل المسن و سعود اون لاين الهنوف: هلا سعود: ليش تيلفونج مغلق الهنوف: كسرت الكرت سعود بعصبية شوي و العرج اللي فراسه بينفجر: اممممممممممم منو هذا مايد الهاملي ... بدون جذب |
| غير موجود |