حـ زيد ــامد

نهاية جرح · 25-10-2005, 12:01 PM

[grade="00008B FF6347 008000 4B0082"]

عفا الله عن خطا غدر الخناجر والضلوع ابطال
باسامح واتركك تحت الظلام الحالك لحالك
دخيلك وفر دموعك ترى هدر الدموع اذلال
وترى مافيه احد يصبر مثل صبري iiبغربالك
انا عيب علي انقض كلامي والرجال iiافعال
واذا قلت اقطع حبالك تراني بقطع حبالك
عشان اكسب هدب عيني تجرعت العذاب iiاشكال
وليتك تراف بحالي علشان اراف بحالك
مسوي في حياتي شي مايذكر ولا ينقال
حتى العدو واهو العدو ما يعمل iiاعمالك
تمسيني على الهم وتصبحني على الغربال
تقلطني فناجيلك وتقصر عني دلالك
تحملت التعب لاجلك وانا حملي يهد iiجبال
رحلت من العذاب وما وقفت الا على جالك
علامك كلما اجيك متواضع جيتني iiتختال
معاك اليا متى باصبر وصبري معك يحلى لك
مثل ما اقبلت لعيونك لزوم تلدلي iiباقبال
ومثل ما قد حشمتك حس واحشم قلبي iiاشوالك
انا محد بجابرني اساير معك iiهالمنوال
ترى ماني تبيع لك ولاني اصغر عيالك
انا حبيت اعشقك نبض ومشاعر ما اعشقك تمثال
انا جيت اسكنك واحياك وابقى فيك وابقى لك
انا جيت اب ظمى عاشق تعب يطرد سراب اللال
انا جيت استفز رضاك من فرقاك والجا لك
انا ما همت بك عاقل انا كنت اعشقك iiبخبال
انا ما كنت احبك حي انا كنت اعشقك هالك
تخيل من كثر ما خفت تلقى للزعل مدخال
اخاف اخطي على طيفك وادوس برجلي iiظلالك

[/grade]
تبعتك والعرب تتبع رعود البارق الهمال
وانا شفت المطر يتبعك في حلك وترحالك
كأن الي خلق حسنك خلقني مع جسدك ظلال
وصرت اقرب جسد يمشي معك باقفاك واقبالك
ابي قلبك يحس انه فقد بمحبته رجال
ملكته من هدب عين وخسرت ارضاه iiباهمالك
صحيح ان الفراق اقسى ولكن الوصال iiمحال
وانا صعب على ارضي غرورك واضعف iiقبالك
بعد ما حققت عيني فبعدك للرقاد امال
اعود للسهر! ياخوي فال الله ولا iiفالك
ببدل نظرتك فيني واجي لك كل يوم بحال
باكون اقرب من ثيابك عليك ولا اتهيالك
بالمك وانثرك واجمعك وارجع انثرك باهمال
باخونك وازعلك وارضيك وازعل منك وارضى لك
ابرسم بالثرى وجهك وابدفن صورتك iiبرمال
ابشكي للعرب فرقاك واضحك عند عذالك
ابهديك الوصال فراق واهديك الفراق iiوصال
باسوي مثل ما اشوفك تسوي وافعل افعالك
عشان تعرف من فينا الزعول ومن وسيع البال
ابيك تذوق فنجالي وانا باذوق iiفنجالك
نصيحه واحتفظ فيها قصر معك الزمن او طال
ابي تسمع كلامي زين وتحطه على iiبالك
اذا حبك هبال اطفال لك عندي هبال iiاطفال
ولا وابشر بعد بهبال حب ماهو iiبهبالك
واذا قصدك تهين اسمي عشان تشمت iiالعذال
ترى لا انت ولا غيرك ولا عشره من اشكالك!!

أميرة البنات · 25-10-2005, 01:41 PM

مشكور أخوي نــــهـــــــــ%جــــــــــــــــــرح%ــــــــاية على اختيارك الجميل
لرائعة الشاعر المبدع حامد زيد
سلمت أخوي على ذوقك الأكثر من رائع
سلمت ودمت ودام لنا تواصلك

ليالي المجروحه · 26-10-2005, 04:46 PM

سلمت يداك اخوي نهاية جرح
الروعة هي نقلك سلمت

**ساحر الكلمه** · 26-10-2005, 05:19 PM

اختيار موفق

من صاحب ذوق

حكاية جرح · 27-10-2005, 04:30 AM

[frame="7 80"]صح لسان حامد زيد

وسلمت نهاية جرح على اختيارك المميز

لك تحياتي[/frame]

**خالد الهاجري** · 27-10-2005, 07:40 AM

هلا وغلا بنهاية جرح

تسلم على النقل الرائعه

للشاعر الرائع حامد زيد

ونتظر منك المزيد

وتقبل تحياااااااتي

المعذبه · 30-10-2005, 03:40 AM

مشكور اخوي نهاية جرح على هذي القصيد الرائع لي حامد زيد وهو الشاعر المفضل والمميز مع احترامي لجميع الشعار

نهاية جرح · 30-10-2005, 01:05 PM

شكرا لكم جميعا وهذا بفضلكم وبفضل

الاخت واللي هي في قلوبنا النجديه

تحياتي لكم

بنت الزعيم · 30-10-2005, 02:06 PM

مشكور أخوي نهاية جرح القصيده وايد حلوه
تعرف أكثر القصايد الا عجبتني قصايدك
بصراحه ما عليها كلام
ونتظر المزيد منك

عيناوي أكيد

**راعي الاوله** · 30-10-2005, 03:35 PM

تسلم نهاية جرح ولا هنت على هذه القصيده

للشاعر الراقي حامد زيد

رائعه من الروائع ومن أجمل ماقرأت

صح لسان قايلها وسلم بنان ناقلها

والذوق ماينقل الا الذوق

دام ابداعك وتواصلك

اعطر التحايا

الصقر الحزين · 30-10-2005, 05:36 PM

مشكور اخي على هذه الكلمات الرائعه
اخوك الصقر الحزين

Mr.sweed · 02-11-2005, 05:44 PM

اختيار موفق
الى الامـــــــــام



	دردشة شات الحب - شات كتابي - شات صوتي واكبر تجمع خليجي عربي على شبكة الحب

أدوات الموضوع
مشاهدة صفحة طباعة الموضوع