ممكن بريدكِ ؟

ما كنت اظن قلبي يريدكِ.....لين شفت نبض روحي يمشي بوريدك....
يناديكِ اخذي ايدي....وهاتي ايدك......الفرح عيد ( محبوبكِ ) وعيدكِ
يا العنود ممكن بريدكِ؟
ابي قديم اشعاري يحتفل بجديد قصيدكِ.....
هذا قديمي....علميني وشهو جديدك؟ِ
علميني منهو غيري يقدر يكون تاج قلبك وسيدكِ؟

علميني منهو غيري يقدر يكون...امك.ِ..ابوك.ِ..اخوك..حِبيبك...ِ.عضيدكِ
علميني منهو غيري يقدر يبعثركِ اوراق ويعيدكِ؟
علميني منهو غيري تقدرين تعطينه بريدكِ؟
يا العنود ممكن بريدكِ؟
تدرين ....ابي نومي ما يغفى الا على صوت تغريدكِ.....
وابي بعد اكون حارس المرمى...اللي ينتظر بشوق
لحظة للعشق تسديدكِ



تدرين ابي اكون عصاكِ وخيزرانكِ وجريدكِ........
وابي اكون ماسكِ ونحاسكِ وحديدكِ........
وابي اكون كبيرك وصغيرك وحفيدك......
وابي اكون حرك وكيفك وعنيدك........
وابي اكون نديمك وقريبك وبعيدك.......
وابي اكون آهك وأُفك وتنهيدك...........
وأبي اكون كل شي.....وأي شي.......ما ينقصك...لكن يزيدك
وابي اكون كل شي ...وأي شي.....ما يضرك لكنه يفيدك
الصراحة ما عندي مانع اكون سيد عبيدك.......
ها شرايك الحين.....؟ ممكن بريدك؟
تسأليني وشهي عليك حدود خوفي؟
طيب شوفي........
خايف عليكِ وأنتي ماشية في بستان.....
ولابسة على اجمل قوام احلى فستان.......

خايف حزتها من الورد لا يجرح الرمان؟
شوفي .....وشهي عليكِ حدود خوفي.......
خايف عليكِ وأنتي واقفة قدام المرايا.....
تحاكينها عن نفسكِ وانكِ من احلى الصبايا.....
خايف لا تنكسر غيرة منكِ....وتنثر في نسيم جوك ِشظايا
شوفي وشهي عليكِ حدود خوفي...
خايف عليكِ وأنتي بين صديقاتكِ فرحانة وتضحكين..
خايف يمر طيفي على بالكِ...وتذكرين احلى سنين.....وتدمعين
تصدقين بديت ادمع " />
صحيح ان الفراق يوجع...



شوفي وشهي عليكِ حدود خوفي....
خايف من شي يسمونه السهر يعرف طريقه لعيونكِ....
وخايف من شي يسمونه القهر يوصل لأعلى من متونكِ..
وخايف من شي يسمونه الغدر احصله مخشوش من ورى ضحكة سنونكِ...
وخايف من شي يسمونه الهجر يجيه يوم ويصير من دونكِ...
وانا كلي من دونكِ
وحبي اكيد من دونكِ
وعشقي
وشوقي
وفجري
وليلي
ووقتي
وعمري
وسنيني
وفرحي
وجرحي
وحزني
ومزحي
وضحكي
وجدي
ونبضي
وقلبي
وروحي

كلهم يبونكِ
كلهم يفدونكِ
كلهم يخلونكِ نايمة ويباتون ليلهم يحرسونكِ
يا العنود ممكن بريدكِ؟
اه منهو قدها......
ويقدر يلمس قدها.....
ويكسر عني صدها.....
ويكسب ربع ودها....
ويوقفها عند حدها ....

ويفدى خالها وعمها وجدها.....
ولعيون محبينها يردها........
يا العنود ممكن بريدكِ؟
ابي اكتب رسايل ما بعد كتبت
وابي ارسم جدايل ما بعد رسمت
وابي انحت هوايل ما بعد نحتت
في جوف السما
وبعيون الغرام
وبصوت الدمى
يمر احلى كلام
ولا هو حرام
لو كان المكتوب
اشواق وسلام
يا العنود ممكن بريدكِ ؟


تحياتي

هذا اول مشاركه اتمني تنال اعجاب الجميع

بحــــــر