نهاية جرح

على حد الزمن واقف

واشاهد عبرة الأيام

وشمس العمر تغرق

في بحرها لين يخفيها

واشوف الليل يكبر

والنهار يذوب في ظلام

حزينه لحظة المغرب

وداع النور يطفيها

واشوف الموج يرقص

والدموع من السحاب رزام

عجيبة رقصة الموجه

ودمع الغيم يبكيها

واشاهد غربة الموجه

لقت عقب السفر مقام

على رمل السهل تالي

زبدها ما يوعيّها

سرى بي هاجس الذكرى

على متن الخيال وهام

يرد الذّهن لايامٍ

تعدّتني لياليها

أضم الطيف بعيوني

واعانق ساري الأنسام

واردّد نغمة الماضي

على قلبي واغنّيها

ألا يا ليل

يا ليل الغريب اللي سهر ما نام

تذكّر له

على بعد المسافة عين يغليها

أمانه يا قمر

يا ساري بالليل خذ سلام

وصبّه شوق

في عين الذي عيني معنّيها

حنين الولف يا هل الولف

يجلب للقلوب هيام

ومـن يجرح قلوب الولف

لا بدّه يداويها

أغني للقلوب اللي

عزاها بالحياة احلام

وارد الشّان لاهل الشان

باوّلها وتاليها

خالد الفيصل

التوقيع:

كنت هنا ومضيت
جــــــــــــــــــــــ نهــــاية ـــــــــــــــــرح

النجديه

هلا وغلا اخوي

الف شكر على هالقصيده الرائعه

التوقيع:

عاشقة النجوم

تسلم اخوي نهايه جرح

كلمات رائعه....