ياوطنـا كلنـا جنـودك تحـت أمرالقيـاده
تحت حكم( الشيخ جابر) نارد أحيـاض المنيّـه

شيخنا( جابر)عريب الجد طيبـه مـن زنـاده
الحكيم أبن الحكيم أبـن الرجـال الصيرميّـه

لابةٍ وقت الملاقـا تطـرح الرجـل بجـواده
الشجاعه ساسهم والطيب معهـم لـه وصيّـه

ياوطنا يا كويت العـز لـك قـدر وسيـاده
لاتهـاب ولاتزعزعـك الفئـات الهامشيّـه

من يحاول يعبث بأمنك نبـي نعلـن جهـاده
نردعه عـن فعلتـه بجنـود بالشـدّه عتيّـه

في قيادة( حضرة الشيخ الوزير) أبـن القيـاده
شيخنا( نواف الأحمد) قايـد جمـوع السريّـه

(الوزير )اللى بسيفه ماتنـازل عـن شـداده
والله أنـى بمدحـه وأقـول حمّـاي الونيّـه

سم للعـدوان يذكـر حـر مخبـورٍ هـداده
سيفٍ مجرّب شديد البـأس وعزومـه قويّـه

مايهاب أرهاب دولـة محتمـى دايـم بـلاده
يبـذل المجهـود لبـلاده يبيـهـا عالمـيّـه

ياوطنا أنت شامـخ فـوق لـك أسـم وأراده
لايغـرّك مـن تلبـس بالثيـاب المخملـيّـه

لو تلبّس فى ثياب الدين نعـرف وش مـراده
مفسدٍ بالارض لا مذهـب ولا لـه مرجعيّـه

خالف السنه وشرع الله وهـذى فيـه عـاده
جاهلٍ فى شـرع ربّـه لادليـل ولا قضيّـه

دمّر بلاده بفكـره يحسـب أن فعلـه عبـاده
مادرىأنه مرتكب فى فعلتـه ذنـب وخطيّـه

يقتل المسلـم ويعلنهـا لنـا حـرب الأبـاده
بأي ذنب النفـس تقتـل ياشياطيـن البريّـه

قادهـم شيطانهـم للشـر وأكثـر بالاشـاده
لين ضاعوا في مداهيـل الليـال الخرمسيّـه

ماقروا نص الرسول المصطفى بأصدق أسناده
من توفى دون حاكـم مـات ميتـه جاهليّـه

ديننا (الأسلام) يبرى من فعول أهل القـراده
ديننـا يسـر ومحبّـه مايحـب العنصريّـه

يا(كويت) الأمن والأسلام والحـب أعتمـاده
ياعروس الأرض ياحـرّه لنـا دايـم أبيّـه

كلنا لك صف واحد لأجلك نضحّـى زيـاده
فدوة أترابك تروح أرواحنـا لأجلـك هديّـه

شعب واحد ومتكاتف فى حـزن وإلا سعـاده
القلـوب أنظـاف مافيهـا تعصّـب مذهبيّـه

تشهد (الأمة) لوحدتنا وأنـا عنـدى شهـاده
يوم غزو بلادنـا ثـارت بنـا كـل الحميّـه

(الحضر) ويّا (البدوا) وأيضًاأخذ منـى أفـاده
مالقى ( صدام) فينا من رضى حكمـه هنيّـه

معلنين (البيعه الكبـرى) لشيـخٍ لـه ريـاده
بالسياسـه والعدالـه والأمـور الخارجـيّـه

(الصباحي) شيخ شعبه والحكم فيـه أمتـداده
(جابرالأحمد)عريـب الجـد نسـل الوايليّـه

وسلامتـكـم

خالد بن سكران

وانتي سااالمه وغانمه

صح لسااااااااااااااااان الشاعر خالد السكران

على هذه الدره المتوهجه الوطنيه الرائعه

وتستاهل الكويت واهلها

وسلم بنانك ايتها الراقيه

بسمــــــــه

على هذا النقل والذوق ماينقل الا الذوق

دمتي مبدعه متوهجه






اعطر التحاااااياااااا