[frame="7 80"][poem font="Simplified Arabic,4,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
الله من حالن تكدر شرابها = ونفس من الحرمان جاها صوابها

همن يوديني وهجسن يجيبني = وعين تهل الدمع من حر ما بها

اسهر واخفي حسرتي في ضمايري = خايفه من دموعي لايندرابها

وانا سبب ما صاب نفسي وحالي = شي جرح نفسي وزاد التهابها

انثر العبرات من حر مابي = من واهس وسط الحشى قد لجابها

بفراق من يملك فؤادي من الملا = نفسه اشتقيت بهاونفسي اشتقابها

على الوفا حطيت يمناي بيده = روحه حلال لي وروحي يهنابها

وعلمت ناسي والجماعه بقصتي = وبينت مجرى قصتي ومن مشى بها

وجاني الجواب اللي يزلزل كياني = وياليت منهو قالها ما حكى بها

قالوا اخوك من الرضاعه تريضي = هذي الحقيقه ولا يحق اجتنابها

وحسيت كن القلب زاد التياعه = ونفسي من الحرمان ضاق الفضاءبها

ان قلت انا بنساه هذي مصيبه = يا كيف ابنسى من حياتي اعتنى بها

مادري الوم الوقت باللي جرالي = واحمله ما صاب نفسي وصطابها

والا الوم النفس وأكتم مصيبتي = واعيش في دنيا قليل الرجا بها

مابين خط الياس وأشعاع الرجاء = سمرت في دنيا قليل الرجابها

يا نفس كفي واستكفي من العنا = خلي الليلي ليا تعذر حسابها

خلي قليل الحظ يشقي ويشتقي = وشلي بدنيا يوم حظي غدابها

دنيا التعاسه صارت اليوم دنيتي = دنيا السعاده سدت اليوم بابها

الهم والحرمان والضيق والشقا = ودنيا تركز في فؤادي احرابها

لاصار من حبيت اصبح اخويه = دنيا القهر والضيم وش ينبغا بها

ترجمت مأساتي وحظي وبلوتي = وطويت مبدأ قصتي ومنتهابها

دفنت حبي بين طيات القهر = ثم زدت فوقه من رمايل ترابها[/poem][/frame]

وسلامتكم..الشاعره ((فجر))…
اتمنى انها تعجبكم
منقول

وتحياتي لكم