 |
 |  |
| | |
| | |
19-11-2004, 09:33 PM
| #1 (permalink) |
| مشرف سابق   |  حبيبة قلبي وشلونك ( جميع الأجزاء ) ..
السلام عليكم جبت لكم قصة بس مو لي لأختي ( نبضة شوق ) إهي مبتدئه بس يطلع منها وحبيت أنزل القصه عاد ابيكم تحطّمونها  أقصد تنتقدونها  شاللي عجبكم واللي ماعجبكم أوكي ؟؟ وإذا في أي ملاحظات ممكن تساعدها أو نصايح .. بسم الله .. |
| غير موجود |
| وصلات دعم الموقع | |
|
|
19-11-2004, 09:37 PM
| #2 (permalink) |
| مشرف سابق | رد : حبيبة قلبي وشلونك ( جميع الأجزاء ) ..
(( الجزء الأول )) في السياره ( طارق وفيصل اخوه وسالم ) طارق : الووووووووو هلا والله بالغالين هلا يبه رغد : اهلييين ابن العم شخباركم ؟ طارق : الحمد لله , رغد : في صوت عندك , اعترف مين معاك ؟ ( تضحك ) .. طارق : هههه هذولي فيصل وسالم رغد : والله ؟ عطني عطني بكلّمهم طارق : خذي فيصل : فيصل : الووووووووووو رغد بعفويتها المعتاده : هلا فصّووووول فيصل : بنت رغد تضحك : خلاص اسفين فيصل . شخباركم مانشوفكم ؟ فيصل : الحمد لله تعرفين ..اااااااااه مشغولين بالدراسه ( فيه الضحكه ) رغد : ماتعرف ترقّع .. احنا في اجازه فيصل : شسوي مكشوفه .. رغد : الّا قول ماتبون تجي بيتنا , تراني ما أعض , ولا نايم 24 ساعه فيصل : لا انشاء الله اقرب وقت برز خشتي عندج , وبتزهقين مننا رغد : لااا وشدعوه حد يزهق من عيال عمامه وعماته , اقول ماعندك سالفه عطني سالم سالم : هلا والله بالغاليه رغد : هلاااااا سالم شخبارك ؟ سالم : الحمد لله شمسويه انتي ؟ رغد : والله زهق , وبعدين وين سارونه ماترد علي ادق عليها ؟ واخر مره تقول لي انك انت مارضيت تجيبها سالم : حرام عليج كانت سيارتي خربانه رغد : خلاص مسموح سالم : قلبج ابيض داري ماتزعلين , بكره اييبها لج رغد : شكرا , عطني طارق طارق : هلا رغد : طارق تكفى ييب سعووووووووود ابلعب معاه شوي طارق يضحك : لأ مافيه رغد : الله يخليك والله زهقانه انت تعرف ماعندي احد في البيت .. ويدتي كله نايمه طارق : طيب بس مو الحين رغد : لييييش ؟ والله زهقانه يللا عاد طارق : احنا الحين طالعين الجمعيه رغد : طيب عقبه ؟ طارق : طيب خلاص ولايهمج كله ولا رغّوده .. رغد : شكرا يللا باي طارق : لحظه سالم يبيج رغد : عطني اياه سالم : اقول رغوده تيين ويانا الجمعيه ؟ طارق وفيصل يأيدون الفكره : ايه تعالي رغد : لا أخليكم لحالكم ,, المره اليايه سالم : يعني مهيب اول مره بنوديج رحتي ويانا قبل .. تعالي رغد : لا والله ماني مستعده نفسيا .. سالم : اووووووه .. نفسيا .. بس مستعده حق سعودوه ولد طارق رغد : عاد هذا شي ثاني ييلا باي قول لطارق لا يتأخر سالم : انشاء الله , باي رغد : باي بعد ماسكر سالم : ياحيلها بنت عمّنا فيصل : ماشاء الله عليها محد يكرهها .. طارق : أي والله صادقين .. مدري ليش هذي الوحيده من عايلتنا اللي تدش القلب سالم : واختي ساره ؟ طارق : رح انت ويا اختك فيصل : ههههههههههه فيصل : بس شي ثاني سالم : وشو فيصل : رغد حليوه وحبوبه بس تكسر خاطري .. طارق : ليش ؟ فيصل : يعني تعرفون .. ماعندها اخوان ولا خوات .. وامها متوفيه من 5 سنين .. وابوها كله مسافر .. وهاليّده مريضه ماتقوم من مكانها , شي طبيعي تزهق في البيت .. طارق : بس رفيجتها امل دايم وياها سالم : ايه صج طارق بقول لك شي ,بعدك صغير .. وانت تعرف ان ولدك سعود يحتاج .. طارق بعصبيه : وش يحتاج ؟؟ سالم بصوت واطي : أم , يعني معقوله الوالده هي اللي بتعتني فيه طول الوقت ؟ طارق معصب : مابي اتزوج , بعدين شياب الطاري الحين ؟ فيصل : خلاص خلّه ياسالم .. اسفين طارق : والله مو وقته تفتحون الجرح وترشون عليه ملح .. سالم : سلطه ؟ طارق يضحك ببرود : بايخ فيصل : هههههههههاي والله طرّوق شكلك يموّت ضحك وانت فايخ سالم : خخخخخخخخخخخخخخخخخخخخخخخخخ طارق : نزلوا نزلوا الله يصبرني عليكم سالم : بس رغد فيها شي حلو , ياريت لو ساره تسوّي زيها .. طارق وفيصل : وشو ؟ سالم : متمسّكه , يعني حتى لاراحت السوق تلبس شيلتها وعباتها مو بس عنا.. طارق : صح هذا شي حلو , بس لاتنسى ياسلّوم ان امها الله يرحمها سعوديه فيصل : والنعم طارق : بس سالم صادق , انا ماقد مره شفتها بدون شيله او عبايه فيصل : انا مره وحده بس .. طارق : والله مافيها شي ينعاب ,,.. , ياحظ اللي بياخذها .. كنز عنده سالم : ايه والله صادق طارق : طيب يللا دخلنا .. والله اليوم يارغد تكلمنا فيك لما قلنا بس فيصل : ماحشّينا طارق : طيب يللا ( ودخلوا الجمعيه وتمّوا يتمشون ويسولفون ) سالم : الا صح طارق ابوي شكان يبي اليوم ؟ طارق : مدري انا ماكنت وياكم.. سالم : فيصل انت كنت بالشركه اليوم .. ابوي وصّاني على شي بس مادري وشو نسيت . فيصل : ماذكر سالم : يوووه .. الحين اذا مايبت له اللي يبي بينازعني طارق : موب قايل لك شي .. هذا الجمعيات مليانه .. لبغى شي ييب بنفسه فيصل : انت ماتشوف عمامنا كلهم موب فاضين لحد ؟ كلّه في الشركه .. ولا مسافرين .. والمسؤليات علينا احنا شي طبيعي طارق : ميخالف فصّول .. أهلنا شنسوي بعد .. سالم : انا ماعتقد بييي اليوم اللي افكر اخذ فيه دوام ثابت بشركتنا طارق : حتى انا .. اروح زياره لابوي ولا عمامي .. ومايخلّوني فاضي لازم اشتغل فيصل : يابن الحلاااااااال .. بلا شركه بلا بطيخ .. شلنا على الهم ووجع الراس .. خلينا بحريتنا طارق : ايوه يابو حريه .. امشوا امشوا يللا تأخرنا بنمرّ ناخذ سعود نوديه عند رغد .. تيون وياي ؟ فيصل : لا انا ابي انام .. طارق : ونت سالم ؟ سالم : اخاف يبوني الأهل طارق : طيب ماشي .. اروح لحالي .. سالم : والله صج , امي توها داقه علي مارديت عليها .. معليش طارق وقت ثاني طارق يلتفت على فيصل : وانت فصول ماتأجل نومك ؟ فيصل : اسف .. النوم اهم شي .. ماأخره دقيقه وحده طارق : خلاص هالمرّه بعديها لكم .. طلعنا ( عند رغد ) طارق يدق الجرس تاني تفتح الباب : سلامو اليكم بابا طارق طارق : هلا والله بأهل سيرلانكا تاني : اوووه دش يللا بابا انت واجد مشكله طارق بصوت واطي : بابا في عينج ياشينها من حلجج طارق : ايه انا عمج بعد مو بس ابوج يالسيلانيه ( تاني متعوده على اسلوب كل واحد فيهم صار لها 5 سنين عندهم ) تاني : كلاس عمي انتا فوق راس مال انا مافي سوي قرقر واجد يللا دش طارق : انزين الله يغربل بليسج خربتي حجينا تاني : رغد رغد طارق : هذي عمتج لاتقولين لها جذي رغد حاف تاني : لا هذي يدّه مال انا , انت ايش مشكل رغد في قول ناديني شذي طارق : بس بس لاتكملين مو ضابطه ابد .. وين يدّتي نايمه ؟ تاني : لا طارق : اوكي بروح لها ( نزلت رغد من فوق ودورت على طارق مالقته وسألت تاني قالت لها انه عند يدّتهم ) رغد تروح غرفة يدتهم الا طارق توه طالع طارق : بسم الله الرحمن الرحيم رغد تضحك : الحمد لله رب العالمين طارق : من وين طلعتي يالينّيه ؟ رغد : من فوق , عطني سعودوه اشوف طارق : مابعطيج اول قولي اسمه عدل رغد تضحك : سعود بن طارق طارق : هاج خذيه مابيه رغد : والله الساعه المباركه طارق : هيه لج نص ساعه بس بردّ اخذه رغد : مب على كيفك , انت مو يايب اغراضه وياه ؟ طارق : الا رغد : الحين الساعه 3 .. الساعه 5 تعال خذه طارق : اوف قويه , ويييييييييييييييييين .. لا يللا انطرج الحين حبيه ورجّعيه رغد تضحك وبعفويتها امعتاده ومزاحها المعتاد : يللا قوم قوم برا برا عندنا اجتماع انا وولد عمي .. لاخلصنا دقّينا عليك طارق يرفع حواجبه : موب قايم .. تدرين شلون ؟ قومي ييبي لي قلاص ماي رغد : مابي هذا تاني عندك طارق : انا ابيج انتي تييبينه .. ولا مابعطيج سعود رغد تمشي للمطبخ : اوهوووه ,, ذلّنا هذا مع ولده .. طارق فاقع ضحك رغد وهي راجعه : خذ .. ومو عشان ولدك حلو تستغلّنا فيه .. طارق : شكرا شفيج كابته على عباتج ؟ رغد وهي تطالع عباتها : إه مانتبهت طارق يضحك بقوه : من كثر منتي معصبه رغد تكلم سعود : حبيبي سعود ابوك ماينبلع ابد .. طارق يقوم ويروح عند سعود في يد رغد : حبيبي سعود بنت عمك مليقه ماتنعطى ويه .. رغد بمرح بس تسوي عمرها زعلانه وتقلب حركات بزران كانوا متعوّدين يسوونها : اصلا انا احلى منك طارق : يوهووووه انا نسيتها ذي شلون يات في بالج ؟ رغد تكمّل : وبعد وبعد بيتنا احلى من بيتكم طارق يضحك على حركه رغد : هههههاي حلوه هذي رغد : وعندنا العاب وايد ماعندكم زيها طارق : هههههههههههههههههههههههههههههههههههههههههههههاي يا أيام الأبتدائيه رغد تضحك : بس والله ذكريات حلوه طارق : يوه باقيلها سنه وتخلص مسكيييييينه رغد : مو عشانك مخلص جامعه تشوف عمرك طارق يضحك : لا لا نمزح رغد : وبعدين صح ؟ سلوم وفصول وينهم ؟ طارق : كل واحد في بيتهم .. محد رضى يي وياي رغد : مالومهم ولد عمتهم ومقرود .. يتبرّون منه بعد ؟ طارق دفّ رغد من عند كتفها : روحي زين رغد تسوي انها جاده : ممنوع اللمس لو سمحت طارق يدفها بقوه بغيت تطيح ويطيح سعود وياها رغد : هاي انت ؟ مصّختها امزح بشويش تراني وايد رقيقه طارق : والله لو ماولدي في يدج كان سطحتج بالأرض رغد : شدعوه طمباخيه ؟ طارق : كاااااااااااااااااااااااااااااااخخخخخخخخخخخخخخخخخ ,, يبيلج نحطج بملعب ونحلي اللاعبين يشوتون فيج عاد ابن امه اللي بيبج قول رغد : مايضحك طارق يبتسم : الا والله يضحك رغد : انزين الحين اخلص علينا بتقعد عندنا ولا بتروح ؟ طارق : لا بردّ بيتنا .. وحلي عندج سعود لما تشبعين منه دقي علي ايي اخذه .. انا بروح انام رغد : وشلون ادق لك وانت بتنام ؟ طارق : مابخليه عالسايلنت بخليه عام عسب ترمسيني انش من الرقاد , انطرج رغد : يوه لاتعقدني وتتحشى اماراتي مافهم شي طارق : بس انتي امج سعوديه ؟ لاتنسين نحن نتحدّر من أصل اماراتي رغد : انزين يالأصل ونعم فيكم والله طارق يبتسم : يللا مع السلامه رغد تسكر الباب وراه : باي ( بيت ابو رغد كان هو اكبر بيت في العيله .. وابو رغد برضوا هو اكبر واخوانه وامه عندهم في البيت .. فهم يتجمعون كل خميس في بيتهم .. طبعا يمرّون العمام احيانا يسلمون على امهم .. والشباب يمرون مرتين بالاسبوع او اكثر .. يتطمنون على اليدّه .. ويشوفون رغد ان كانت تبي شي ) ( الساعه 4) يدق الباب رغد : منو هذا لايكون طارق ياي ياخذ سعود ؟ مابعطيه اياه رغد راحت تفتح الباب , شافت واحد طويل وعريض واقف ومعطيها ظهره رغد في نفسها : منو هذا ؟ ........( يلتفت) : السلام رغد : حمداااااااااااااااااااان .. هلا والله وينك وين الناس مانشوفك ( حمدان ولد عمهم بس بعيد شوي .. مايي بيتهم وتجمعاتهم وايد ومن زمان عنهم ) حمدان : هلا رغد رغد : دش حمدان يطالع فيها : بس كنت بسلّم على يدّتي رغد : موجوده , ( تضحك) وين بتروح فيه يعني ؟ حمدان يبتسم : وعمي موجود ولا مسافر ؟ رغد : مسافر حمدان : متى بيرد ؟ رغد تأشر له يدش : يمكن بعد اسبوعين انشاء الله , شخبار اروى عساها طيبه حمدان : طيبه , وتسلّم عليج , حمدان يبتسم ونظراته مبينه : وانتي ماتزهقين لحالج ؟ رغد : مو وايد .. رفيجتي امل دايم عندي .. وساروه ومريم بعد حمدان : بنات عمتج ؟ رغد : ايه تذكرهم ؟ حمدان : ايه عرفتهم ( يلتفت على الكنبه الثانيه يشوف سعود نايم ..) حمدان : ماشاء الله ماشاء الله , هذا ولد طارق ؟ رغد : ايه سعود حمدان : يشبه له رغد : وايد حمدان يلتفت عليها : شخبار طارق وفيصل وسالم ؟ رغد : الحمد لله حمدان بنظره : ليش انتي شدرّاج عنهم؟ رغد : والله الصراحه احنا مترابطين ولله الحمد .. انت اللي لحالك مب حول الدنيا حمدان : والله شغلي بالشركه ماخذ كل وقتي رغد تبتسم : كيفك , احنا اللي ميتين عليك حمدان : روحي ويا ويهج رغد : لحظه شوي بييب لك عصير حمدان : لا ماله داعي بدخل اشوف يدّتي رغد تأشر على الغرفه : بنفس الغرفه ماغيرناها ؟ ولا نسيتها ؟ حمدان : لا شدعوه رغد تضحك : والله مايندرى .. يللا عن اذنك حمدان : خذي راحتج ( بعد ماراحت ) حمدان : والله تغيرت .. احلوت اول ماكانت ذاك الحلا .. ضحكتها حلوه .. صوتها ناعم .. وايد رقيقه .. بس اختي اروى وايد احلى منها رغد جايه من المطبخ وشايله صينيه فيها عصير : مارحت حق يدتي ؟ الو ؟ حمدان : هاه ؟ الحين بروح رغد تمد له الصينيه : وقول حق اروى.. تيي الخميس هذا . مانشوفها الا في الشهر مره حمدان يبتسم : انشاء الله , عصير شنو هذا ؟ رغد : ليمون حمدان : ماكو تفاح ؟ رغد : يللا اقول اشرب وانت ساكت , مافي الا ليمون تبيه ولا موب لازم حمدان يبتسم : مو حلو الليمون رغد ترفع حواجبها : ليش ؟ حمدان يضحك : روحي رديه محل مايبتيه , مابي اشربه رغد تشرب العصير : توفّر حمدان يضحك : عن اذنج بروح حق يدتي رغد تشرب العصير وتأشر له بيدها ( روح) حمدان وهو يمشي يلتفت عليها ويطالعها .. رغد بعد ماراح حمدان : متغيّر .. بس شفيه كل شوي يطالع فيني ؟ لايكون فيني شي غلط ولا العبايه منكب عليها عصير ؟ حمدان رد من عند يدّتـه وهو يطالعها : يللا فمان الله رغد : مع السلامه حمدان يمد يده : خلينا نشوفكم ؟ رغد تصافحه بسرعه : سلم عليهم حمدان : طيب , مع السلامه رغد بعد ماراح حمدان تتطنز : عليه نظرات مالها داعي, ماشاء الله عليه ولد العم وايد اخلاق . (رغد واااايد تحب اليهّال .. وسعود كان نايم .. كل شوي تطالعه وتحبه .. دقت على رفيجتها امل وامت تسولف وياها .. امل هذي حياة رغد .. مستحيل تستغنى عنها .. وكل كبيره وصغيره .. تدري عنها ) رغد : تدرين امل .. زين انج ماييتي اليوم بيتنا امل : ليش ؟ رغد : اليوم يا ولد عمي حمدان امل : اللي ماتشتهينه؟ رغد : والله اهو حليو .. بس الثلاثي المرح احسن منه امل : ماتبينه عطينا اياه .. شالنحاسه ؟ رغد : حلالج , مانبيه امل تضحك : هههه ياحليلج امزح وياج .. اجل سعود وينه ؟ رغد : نايم . شوفي القهر يوم يابه طارق نام امل : اصلا هو شبيفهم منج نايم ولا قاعد رغد : كيفي احب اناغيه واحاجيه .. انتي بنفسج ذاك اليوم كنتي وياي .. امل : متى رغد : يوم سبّحناه ولبسناه ثياب اللعبه حقت اختج , تذكرين ؟ قبل اسبوعين امل تضحك : ههههههههههههههاي . عاد انتي ولد عمج صغير يناسب له ملابس العروسه رغد : والله عروستكم اهي اللي كبيره امل : ذاك اليوم طارق موّتني ضحك يوم شافه بغى يستخفّ رغد تضحك : اييييييييييييييييييييه .. هزأني امل : ياحليله رغد : لايكون حاطه عينج عليه ؟ امل : لا يبه مخلينه لج .. رغد : شكرا مانحتاج امل : الا صج هو مو مفكر يتزوج ؟ رغد : لا امل : شقلتي لي اسم زوجته الله يرحمها ؟ رغد : نوره . بس انا قلت لج اهو ماكان يحبها بس تزوجها مبكر عشان ابوه امل : بس اكيد حبّها بعد الزواج .؟ رغد : مو وايد . بس عمي كان يبي يشوف احفاده قبل لايموت لانه كان وايد مريض .. بس الحين الحمد لله تعافى امل : توفت بحادث ؟ رغد : لا , اول ماولدت سعود , الله يرحمها , بس وايد حزن عليها .. اهو صج ماكان يحبها , بس ماتمنى نهايتها تصير جذي . امل : الله يرحمنا برحمته اجمعين .. سمعي امي تناديني مضطره اسكر عنج .. يللا باي رغد : سمعيني قولي لامج انج بكره بتتغدين عندنا زي قبل امس .. امل : مارح يي حد بيتكم ؟ رغد : ماتوقع .. امل : خلاص اوكيه رغد : واذا يا احد عادي , عاد كنج مو متعوّده عليهم .. ايتها الصديقه الصدوقه امل : ههههههههههههههههههههه حلوه .. أي والله صار لنا 3 سنين صديقات .. ماشاء الله علينا ,, الله لايجيب الزعل بينج وبيني رغد : وان زعلت ارضيج انا يانور عيني خخخخخ .. خرّبناها صح ؟.. يلا روحي امج تبيج اسمعها تناديج مع السلامه امل : باي ( الساعه 5 ونص جا طارق خذ سعود .. وراحت رغد غرفتها .. امل كانت متعوده تروح حق رغد بيتهم 3 مرات بالاسبوع .. احيانا رغد توصلها او اهي توصل رغد .. وايد ميانه بينهم .. وبيوتهم قريبه عند بعض .. وساره ومريم بنات عم رغد يقعدون وياها بنص الاسبوع بس مو دايم ) يوم الاربعاء : رغد : قومي امل ياكرهج على هالحركات . نبي نتمشى بالسوق امل : والله مالي نفس رغد : موب كيفج .. بمر عليج بعد ربع ساعه امل : يوووه .. مشكله مانقدر نرد لج طلب رغد : ادري يابعد قلبي انتي .. اختج نوره مهيب يايه ويانا ؟ امل : لا هي بتروح عند رفيجتها , نروح لحالنا ؟ رغد : اول مره نسويها يعني ؟ بعدين انا مارح الاقي حد يروح ويانا .. يللا لبسي يايتج امل : طيب ( وطلعت امل ويا رغد السوق .. وكانوا يتمشون ويلحقون وراهم شباب .. في البدايه البنات مانتبهوا لهم .. بس بعدين انتبهاو لكنهم ماعطوهم ويه ولا كأنهم موجودين .. طبعا كان فيه واحد قرر انه اليوم يتمشى بنفس السوق وهو ( حمدان) .. ولما راقبهم ومشى وراهم .. فرقع من العصبيه على البنات ليش ياين بروحهم .. ) حمدان يقطع مشي رغد وامل بنظره كلها غضب حمدان : رغد رغد : حمدان ؟ شهالصدفه حمدان واصل حده : لو سمحتي رغد انتي ورفيجتج جدامي البيت رغد ترفع حواجبها : ليش ؟ حمدان : بقول لج بس اول امشوا البيت , لاتخلوني افشلكم جدام الناس رغد : انزين احنا بنيي مع الدريول حمدان : موب على كيفكم .. شيضمني انا بتردون البيت ؟ رغد تطالع فيه بنظرة استحقار وترفع راسها : حمدان قلت لك بنرد البيت انا ماجذب .. حمدان : انطركم هناك رغد باستهزاء : انشاء الله ( نزل حمدان وراح عند الباركنج .. ودق على طارق يلاقيه هناك في بيت عمهم عبد الله ابو رغد ) رغد : هذا شيبي شالسخافه ؟ امل : شكله معصب , يمكن عشان الشباب اللي كانوا ماشين ورانا رغد تسجب امل وتنزل وياها : واحنا شسوينا ؟ والله اني مقهوره منه امل : انا برد البيت رغد : موب بكيفج يللا بتيين وياي . انا شلون اتصرف مع هذا بدونج ؟ امل : والله شكله يخوف رغد : الله يستر ( وركبوا السياره وتمت طول الوقت رغد خايفه شبيسوي فيها ولا شبيقول لهم .. وحمدان قاعد ينطرها ببيتهم ومحترق على نار ) رغد تفتح الباب اللي كان نص مفتوح : السلام حمدان ييي عند الباب : ساعه انطركم ؟ متأكدين مارحتوا مكان ثاني ؟ 0 رغد باستحقار من فوق الى تحت : ليش ؟ تفكّرنا من اللي خبرك ؟ امل ساكته حمدان : مع منو رايحين السوق ومنو موديكم ؟ ومن منو مستأذنين ؟ رغد تلف ويهها عنه وماترد وامل خايفه وواقفه على جنب ( في هذي اللحظه دخل طارق ) حمدان بعصبيه يسحب رغد من ذراعها : ردي علي ولا ماعندج شي تقولينه ؟ رغد تطالع في يد حمدان اللي ماسكه ذراعها : مو من حقك , ممكن تشيلها لو سمحت ؟ حمدان يضغط على يدها بقوه من كثر ماهو معصب ويلفها عليه يبيها تجاوب على اسألته : ردي علي ماتفهمين ؟ طارق كان واقف على جنب اللي ماحد انتبه له رغد انفجرت وقامت تصيح وسحبت يدها بقوه : شفيها يعني ؟ احنا طالعين السوق .. ومحترمين انفسنا ومتستّرين .. وبعدين احنا ماطلعنا صايعين ضايعين داشرين .. انا قايله حق يدّتي ان احنا بنطلع .. واهي قايله حق امها .. حمدان بعيون كلها شرر : واللي لحقوكم ؟ رغد تكمل صياح : والله عاد مو ذنبنا اذا انتوا يالشباب ماتحترمون انفسكم وتلحقون ورا كل بنت .. احنا حتى الضحك والسوالف ماكنا نعلي صوتنا عشان مانلفت الانتباه .. وبعدين انت باي حق تيي تهاوشنا امل كانت منصدمه وماقدرت تتكلم حمدان : المره اليايه بتطلعين انتي ورفيجتج هاذي .... قطعت كلامه امل : لو سمحت اخوي .. انت مالك خص احنا قايلين حق اهلنا واهم راضين .. وبعدين انت سيدا ياي تتهمنا بأشياء ماسويناها ؟ حمدان يطالع في امل و يرد يهزأ في رغد وطارق اللي انتبه له حمدان واقف ومتكتف يسمع السالفه حمدان بعصبيه : المره اليايه بتطلعون لازم يصير معاكم حد كبير ولا محرم رغد تطالع فيه باقوى نظره امتلكتها في حياتها وهي تصيح : واللي ماعندها اخوان اكبر منها شتسوي ؟ واللي امها متوفيه ؟ وابوها ماتشوفه الا بالشهر مره ؟ واللي محد فاضي لها ؟ واللي .. ( تطالعه من فوق لتحت ) عيال عمها مايحبونها ؟ تنتحر ؟ حمدان يطالع فيها : اذا انتي محد مهتم فيج مو مشكلتي ,انا حذرتج , مع السلامه رغد : انا عندي ثلاث عيال عمومه بس .. سمعت ياحمدان .. ثلاثه حمدان يطالع في طارق : خليهم ينفعونج , مايدرون عنج اصلا , مع السلامه وهو طالع امل عطته نظره : مع السلامه ( رغد راحت المجلس تصيح اللي ليتاته كانت مطفّيه طارق : امل روحي شوفي رغد امل تتنهد : تحتاج تكون بروحها طارق : شاللي صار اصلا ؟ امل : بس طالعين السوق انا وياها , لحقونا شباب .. يانا وعيونه نار واول مادخلنا مسك رغد وقعد يهزأها طارق : الله يهديه امل : مارح تحاجيه ؟ طارق : بلى بس بنطر يهدا شوي امل : اوكي طارق : مارح تروحين لها ؟ امل : مارح تسمع مني انا اعرفها لاصارت زعلانه ومعصبه طارق : هدّيها على الاقل .. امل : طيب ( دشّت امل عند رغد ) امل : رغد رغد : ................... امل : ماعليج منه والله انه سخيف رغد : شنو يعني يتهمنا بأشياء ماسويناها ؟ وبأي حق اصلا . يعني خايف علي يعني .. امل : رغد خلاص , انا بتركج هني ,, بروح بيتنا .. لاهديتي كلميني رغد : ............................ امل : مع السلامه ( طلعت امل الصاله وكان طارق واقف ينطرها ) طارق : هاه ؟ امل : بخليها تهدا بعدين بحاجيها مع السلامه توصي شي ؟ طارق : سلامتج , ايه صح امل : شنو ؟ طارق : لاتقولين حق اهلج عن هاذي السالفه مانبي مشاكل امل تبتسم : لاتخاف .. ( طلعت امل .. وطارق متردد .. يبي يرد البيت ويبي يتطمن عليها .. حمدان دق عليه اهو بالذات لانه اكبرهم واعقلهم .. شلون يروح الحين بدون مايحل على الاقل جزء من المشكله ؟ ) دخل المجلس اللي كان ظلمه ( ورغد كانت قاطه عمرها على الكنبه ومغطيه ويهها وتصيح بصوت واطي ) طارق : رغد ؟ رغد مستغربه شياب طارق الحين ؟ : ................. طارق : يللا عاد رغد ماعليج منه والله انه سخيف . رغد بصوت واطي : مو بس سخيف الا غبي وبايخ ووقح وقليل ادب بعد طارق ماسك طرف شيلتها : يللا عاد لازعلين , انا بحاجيه بعد شوي رغد ترفع راسها وتقابله : شنو يعني ؟ ترضى حد يتهمك باشياء ماسويتها ؟ ويشك فيك ؟ ويفشلك جدام العالم ؟ انه خايف علي ومهتم فيني .. واهو ولا عمره حس فيني ولا سأل عني , وبعدين بصفته ايش ياي يهزأ؟ طارق : خلاص هدّي .. هو طبايعه كذا كلنا عارفينه رغد تستعدل في قعدتها : طارق اذا احنا سوينا شي غلط علّمنا ؟ طارق : لا ماسويتوا شي . وبعدين شفيها انتوا مو يهّال رغد : واموله وينها طارق : قلت لها ترد البيت .. قالت لي انها عندج من الظهر والحين المغرب .. تأخرت وايد , يمكن يحاتونها اهلها رغد : لا عادي متعودين انا وياها جذيه طارق : الله يخليكم لبعضكم انشاء الله , يللا انا بروح توصين شي ؟ رغد : كرهته كرهته طارق : لا عاد مو زين تكرهين حد ,, انتي قلبج ابيض وطيبه وايد .. تركيه عنج .. تلاقينه بينسى بعد كم من يوم رغد : يصير خير ( تبتسم ) طارق يدفها : ياكرهج لازعلتي رغد : انزين خلاص بس بكره تيون كلكم لاتنسى بكره الخميس , مو تقولون بنطلع ويا ربعنا طارق : وان مايينا عندج مريومه وساره رغد : لأ كلكم يعني كلكم .. مايصلح نصير ناقصين طارق : انشااااء الله رغد : وفصيل لايتهرب انا اعرفه بيقول فيني النوم .. وسالم سيارته خربانه طارق : ههههههههههههههههههههههههههههههههههههاي حلوه حلوه , أي والله صادقه رغد: انا حذرتكم ( تضحك) طارق : يللا مع السلامه رغد : مع السلامه ( وقامت رغد غسلت ويهها , وطبعا تاني مادرت شاللي صار لانها عادة تكون في غرفتها تسبح ولانايمه هالوقت .. المهم دقت بعدها على امل ) رغد : هلا امول شخبارج ؟ امل : زينه , انتي شمسويه ؟ رغد : نكد علي الله يغربل بليسه امل : سخيف ماعليج منه انسي السالفه رغد : بس والله شي يقهر امل : حمدان هذا اهو اللي يا عندكم امس مدري قبل امس ؟ رغد : ايه وكان حليو مدري شفيه امل : مسوي فيها تركيه عنج .. رغد : انزين سمعي , نعسانه بروح انام امل : شنو نعسانه ؟ توها الساعه 9 رغد : مالي خص بروح ارقد امل : بكره الخميس ياهوه , يعني عطله رغد : انا مانمت زين اليومين اللي فاتوا ( تتثاوب ) امل : انزين صدقنا روحي يلا نامي رغد : تصبحين على خير امل : وانتي من اهله ( وراحت رغد تنام اللي ماجاها نوم بسرعه وقعدت تفكر في موقف حمدان .. بعدين استسلمت للنوم ولاقامت الا الظهر ) قعدت تلبس عشان عالمغرب بتتيمع العيله .. والساعه 5 ينفتح باب غرفتها ) ساره : رغـــــــــــــــــــــد رغد : هلااااااااااااااااااااااا والله ساروه وينج من زمان عنج .. حتى بالمدرسة ماتنشوفج وايد كله مع رفيجاتج ساره : معليش انا اليوم يايه مبكر عشانج رغد : منو يايبج سالم ؟ ساره : ايه . صح ينطرج تحت رغد : ليش شيبي ؟ ساره : مدري قال نادي لي رغد بسلم عليها رغد : تسلم عليه العافيه هذاني بنزل له ساره : اقول نزلي بروحج ابي حمام معليش رغد : دخلي ( ونزلت رغد تحت عند سالم ) رغد : اشرق النور وبانا مرحبا بمن اتانا سالم : هههههههههههههههههههههههههههاي .. حلوه انشوده ايام الابتدائي رغد : ماأحوالك ياإبن العم ,, افتقدناك كثيرا .. انسيتنا ام ماذا ؟ سالم : نحمد الله ولا لم انسكم ولكن سيارتي كانت خربانتون رغد : هههههههههههههههههههههههههههههههههههههههه تختلق اعذرا واهية كالعاده انت ويا وجهك سالم : والله صج كل شوي تطفي علي .. انا يوم من الايام بحذفها من قاموسي واشتري غيرها رغد بنظره غير تصديق : طيب سالم يرفع يده كنه بيطقها : روحي زين ماحد قال لج صدقي رغد تضحك : لا خلاص مصدقه سالم : شخبار حمدان ؟ رغد استغربت من السؤال بس اعتفس ويهها وعصبت : شدراني عنه .؟ قلعه سالم : شفيج .. طارق قال لي اللي صار امس رغد بصوت واطي : وساره درت ؟ مابيها تعرف سالم : لا ماقلنا لها لاتخافين .. اصلا هو مارضى يقول خير شر .. بس انا حنيت فوق راسه رغد : المهم شي صار وخلاص سالم : بيني وبينج ؟ رغد باهتمام : ايه سالم بصوت واطي : غسلنا شراعه , وقال ان اهو كان خايف عليكم رغد بانتصار : ايه احسن سالم يهمس : مانرضى على بنت عمنا بعد ,, ولا شلون ؟ رغد بابتسامة فرحه : ايه سالم : روحي ساره تناديج انا بطلع شوي وبرد على المغرب لما يتيمّعون رغد : لا اقعد ويانا تكفى سالم : والله عندي شغل مهم رغد بخبث : شلون بتروح وسيارتك خربانه ؟ سالم : قلنا لج صلحنها يالشكّاكه رغد : انزين روح روح من زينك .. انا بروح عند ساروه ابرك لي ( وطلع سالم وراحت رغد عند ساره ) ساره : هاه شقال لج ؟ رغد : قال لي احبج واموت عليج وماقدر اعيش من دونج ( تدف ساره ) .. شقال لي يعني ؟ يسلم علي ساره تضحك : ادري ادري .. ( وبالمغرب كل كان موجود .. وضحك وسوالف .. رغد كانت قاعده على طرف الكنبه .. وتدعي ان حمدان مايي اليوم ) ( وفجأه انفتح باب الصاله بقوه وبسرعه : رغوووووووووووووووووووووووووووده ) رغد تفاجأت : يباااااااااااااااااااااااااااااااااااااااااااااااا ااااااااااا ( وراحت تضمه وتسلم عليه ومتعلقه فيه والجماعه كلهم يضحكون عليها ) رغد : شهالمفاجأه الحلوه ؟ الحين موب انت قايل لي بترد عقب اسبوعين ؟ عبد الله : غبت شهر كامل .. قلت اسويها لج مفاجأه رغد : الله يخليك لي .. وين الهديه اشوف عبد الله : اوه نسيت اليوم خميس ..السلام عليكم يا أحلى ناس بالدنيا .. شفيكم ماتسلمون علي .. ولا ماعرفتوني ( يضحك ) عمتهم فاطمه : الا بنسلم بس بنيّتك لازقه فيك رغد : هذا حقي بروحي بكره انتوا تسلمون عليه , يباه ؟ الهديه ؟ ولا مايبت لي شي عبد الله : الحين انتي تبيني ولا تبين الهديه ؟ رغد : ابيك انت .. واذا في هديه بعد مانقول لا ( الكل ضحكوا ) ( وقعد عبد الله وياهم سلموا عليه وقعد يسولف عن الشغل شوي ورغد لازقه فيه لزقه ) عبد الله: ايه صح .. في احد زعلج الفتره هذي ولا شي قولي لي ؟ رغد قامت : لحظه شوي بييب شي وبيي وردت تركض في يدها ورقه : اسمع يبه ( الكل مستغرب ) ( بس من بدت تقرا رغد كلهم فقعوا ضحك ) رغد : عمتي فاطمه مايات الاسبوع الماضي الا ساعتين و7 دقايق وعقب راحت .. طارق قلت له ييب لي سعود تأخر 3 دقايق ونص .. سالم اقول له ييب لي ساره يقول سيارتي خربانه .. فيصل ماايي خير شر . لانه كله نايم .. عمي عبد العزيز يا سلّم علي وطلع وقال بكره ايج .. ونصب علي ......... ) ( الكل في حالة ضحك ..) عبد الله : خنشوف احد منكم مره ثانيه مزعل بنتي رغد بنظرة انتصار بزران : ايه ياويلكم كلكم ( وضحكت ضحكه من قلب .. وضحكوا كلهم وراها ) ( تموا لين الساعه 11 وشوي كالعاده .. عمهم عبد الله استأذن بيروح ينام لانه وايد تعبان من السفر .. واغلبهم سلّموا وراحوا .. بقوا ساره وسالم .. وطارق .. اما فيصل رد البيت ينام .. ) رغد : سالم تكفى ساره بتنام عندي اليوم الله يخليك سالم : بكره اليمعه رغد : يعني ماكو مدرسه , طيب عادي سالم يتنيحس : لا مافيه رغد : طارق الله يخليك قول له شبيصير يعني ؟ طارق يضحك : مشكله اليهال اذا حنّوا رغد ترمي على طارق مخدّه وتكمل كلامها لسالم : يللا عاد .. سالم : يمكن هي ماتبي ؟ ساره : الا ابي , وانا قلت لامي قالت شوفي سالم رغد : وبعدين .. ( وتوها بتكمل الاياتها مخده في ويهها من طارق ) ( الكل ضحك الا رغد ) رغد : مع ويهك انا ينرمي علي مخده ؟ طارق يتطنز : مع ويهك انا ينرمي علي مخده ؟ رغد : مايضحك طارق : مايضحك رغد تأشر على سعود : لو اني ماحبه كان انتقمت منك ورميت عليه مخده طارق : ياويلج رغد تشيل سعود في يدها : مابعطيك اياه . اول اقنع سالم يخلي ساره تنام عندي سالم : مافيه يعني مافيه طارق يروح عند ساره : ليه ماتخليها تنام عند بنت عمها هاه ؟ سالم : وانت شكو ؟ طارق : زين جذي تزعل المزايين ؟ سالم : منو انشاء الله مزايين ؟ طارق : اختك وبنت عمك سالم يكع عليهم : وع رغد : عالعموم الكعه تنرد على صاحبها ( الكل ضحك الا سالم ) طارق : مدام رغد رهنت سعود عندها .. انا برهن اختك الين ترضى لها تنام عند رغد .. سالم : شف ؟ على كيفك هو ؟ طارق : يللا ساره اليوم لج مني هديه بتنامين بيت عمج ساره : الله مشكور ياولد عمي , والله انك احسن من اخوي رغد : شكرا ياطارق ياأحسن ولد عم بالدنيا سالم :.. اصلا انا راضي لها بس احاسد ( ياته مخده على راسه ) رغد : لانك نحيس ( تضحك ) سالم : يللا وياي ييبي اغراضج وبردج رغد : لا ماله داعي , شغراضه ؟ عندي بجامه يديده توني شاريتها بعطيها اياه ساره : لا بروح اييب اغراضي وارد رغد : اخاف ماييبيج طارق : ههههههههههههههههههههههههههههههههههها سالم : لا بييبها يللا ساره , مع السلامه رغد : شكرا ياسالم يا أحلى ولد عم في الدنيا طارق : والله انج منافقه , مب قبل شوي انا احسن ولد عم بالدنيا ؟ رغد تضحك : شنسوي الدنيا مصالح طارق يقلد عليها : شنسوي الدنيا مصالح , روحي انتي ويا ويهج , الشرهه على اللي يخدمج سالم : الحين بيتهاوشون يللا مع االسلامه ( وطلعوا ) رغد : امزح ( تضحك) طارق : لا مابي زعلت مابي , لاتحاولين رغد تكلم سعود : حبيبي سعود ابوك ماينبلع ابد طارق يكلم سعود : حبيبي سعود بنت عمك مليقه ماتنعطى ويه رغد وطارق ضحكوا طارق : يللا اجل مع السلامه رغد : مع السلامه طارق وهو عند الباب لف عليها : الا صج رغد , ليه ماقلتي لابوج عن حمدان؟ رغد : مادري , حسيته مو لازم يعرف واسوي مشاكل للولد طارق : بس ولو رغد : خلاص في واحد حل المشكله ( تبتسم ) ماله داعي طارق يبتسم : بكيفج , يللا مع السلامه رغد : باي ( الساعه 1 بالليل ) ساره : شخبار رفيجتج امل ؟ رغد : بخير وتسلم عليج ساره : الله يسلّمها رغد تدف ساره : اليوم بعض الناس زعلانين عشان فيصل ماقعد وايد ساره : يوهوه انتي ويا حركاتج رغد تضحك : شسوي بعد , بس اليوم انتي وااايد زعلانه لانه ماقعد الا نص ساعه وطلع ساره : والله يقهر , احنا نبيه وهو يتغلّى رغد : موب يتغلّى الافترة سبات شتوي كله نايم هههههههههههههههههههههههههههههههههههههههههههههههه ساره : يللا عاد رغد لاتضحكين عليه ترا مارضى رغد : اوووووه , فيصل موب حلو وايد , اخوج سالم احلى منه , ايش سالم ؟ اخوه طارق احلى بوايد ساره تستهيل وتتفلسف : شوفي حبيبتي الجمال جمال الروح .. يعني الجمال الداخلي .. رغد فاقعه ضحك ساره : وشو ؟ رغد : مشكله اذا مافيه لا خارجي ولا داخلي ساره ترمي عليها مخده : روحي زين رغد : لحظه موبايلي يرن اكيد امل رغد : هلا والله امل , شعندج شتبين ( تضحك ) امل : بسم الله شفيج ؟ رغد تضحك : قطعتي سهرتنا انا وبنت عمتي امل : اووووه , ساروه نايمه عندج ؟ عطيني عطيني اكلمها رغد : هاج ( وتموا يسولفون ويا امل بالتلفون .. بعدين سكروا عنها وقعدوا يسولفون ويتضحكون ويطالعون تلفزيون الين ناموا .. ) يوم اليمعه الساعه 9 الصباح يدق الباب تاني : سلامو اليكم بابا فيصل فيصل : عليكم السلام , تاني ماشفتي موبايل وانتي تنظفين ؟ تاني : انت في ضيع موبايل مال انتا ؟ فيصل : اظاهر امس نسيته عندكم تاني : انا مافي شوف ممكن رغد في شيل فيصل : روحي سأليها انطرج ودخل فيصل بس تم واقف على الباب وتاني راحت فوق تطق على رغد فغرفتها تاني : رغد رغد رغد بصوت نايم : نعم تونا شتبين ازعجتينا تاني : روحي شوفي باب ( وراحت تكمل شغلها ) رغد : مين على الباب .. تاني ؟ ساره : تلاقينها راحت ماعندها سالفه رغد : روحي شوفي اكيد اخوج ياي ياخذج ساره : مالي خلق قومي انتي رغد : قومي قومي بلا دلع دخلت ساره الحمام غسلت ويهها ونزلت .. وهي نازله على الدرج كانت ماسكه شعرها ترفعه وتغني بدون ماتتفت على الباب .. وفيصل كان منبهر على الاخر ساره : هلا سال .... فيصل : اوه نايمه هنا ؟ ساره متفشله عليها بجامه نص كم وشعرها مرفوع وشكلها توها قايمه : ايه حسبتك سالم فيصل يطالعها : لا عادي . انا نسيت موبايلي هنيه ؟ ساره تضحك : ليش توك تيي تسأل عنه ؟ فيصل : رديت البيت ونمت علطول مانتبهت له ساره : يالدب القطبي فيصل يضحك : هاه عندكم ولا نمشي ؟ ساره : الا لقيناه الفير تحت الكنب فيصل : اف كيف طاح هناك ؟ ساره : مدري بس كنا نزيح الكنبه لقيناه ,, لحظه اروح اييبه فيصل : اوكيه ورقت ساره فوق وهو يطالع فيها ويابت موبايله من على طاولة رغد وعطته اياه .. وطلع ردت ساره فوق .. ومسكت رغد من شعرها : قومي انتي فشلتيني رغد مخترعه : شنو ؟ ساره : خليتيني انزل طلع فيصل رغد بعد فترة استيعاب بطيء : ههههاهاهاهاهاهاهاهاهاهاهاهاهاههاهاهااهاهاهاهاهاهاه اهاهاهاهها ساره بالمخده على ويهها : خيبه يالغبيه مو انتي اللي متفشله نازلت له ببجامتي رغد بخبث : عادي , ياي يسأل عن موبايله صح ؟ ساره : ايه عطيته اياه رغد : تصبحين على خير ساره : شنو بتنامين مره ثانيه ؟ رغد : ايه الساعه توها 9 ساره : ونا اقعد بروحي رغد : نامي ساره : مابييني نوم زين ؟ رغد : نامي عشان تحلمين بالحبايب ساره سوت روحها بتقوم تضربها : بايخه رغد : ياحليلج نامي نامي ( مرت الايام ومرت الاجازه وبدت الدراسه وامل ورغد يحاتون اخر سنه بالدراسه ) في المدرسه رغد : يووووووه بقى سنه كاااااااااااااااامله اللي يعين امل : أي والله رغد : شوفي مانبي دفارتج المعتاده كل سنه .. خندج ونستهبل هاي اخر سنه امل : انشاااااء الله , بس جذيه ؟ ولا يهمج رغد : تسلم لي صديقتي .. مطيعه دايم ... خخخخخخخخخخخخخخخخخخخخ امل : الا صج ماقلت لج ؟ رغد : شنو بعد ؟ امل : شهد رفيجتنا ملجتها بعد شهر وتبينا نكون موجودين رغد : والله ؟ يللا عقبالج انتي امل : وانتي بعد , بنروح لها ؟ رغد : ايه طبعا امل : كويس .. 0 رغد فغرفتها الساعه 4 العصر ) رغد : الووو هلا ساره ساره : هلا كل عام وانتي بخير سنه دراسيه يديه رغد : وانتي بخير على الاقل بقى لي سنه مو مثلج سنتين ساره : لاتذذكرين , اقول لج خواتي بيطلعون ييبون اغراض حق المدرسه مامداهم يشترون كل شي تيين ويانا ؟ رغد : مين بيوديكم ؟ ساره : سالم , ويقول يمكن يمر على طارق رغد بخيث : وفيصل ؟ ساره : مدري رغد : خلاص بيي ساره : ترا مالي شغل فيج كلمت اموله وقالت بتيي ويانا , اهي بتمر عليج تقعد عندج وبعدين احنا بنيي ناخذكم رغد : شوف الكريهه امول ماقالت لي , انا اوريها ساره : انا قلت لها ان انا ابي اقول لج .. يللا لبسي لاتطولين مع السلامه رغد : مع السلامه ( ويات امل عند رغد عقبها كلهم طلعوا ) رغد وامل يركبون السياره امل : سالم هذي مو سيارتك صح طارق : هذي سيارتي عشانها اكبر من سيارة سالم ( يضحك), تدرين امل اليوم اليهال اللي ويانا وايد رغد عرفت انه يقصدها كمخته على راسه ( خوات وخوان ساره تموا يضحكون عليهم ) ساره : اموله شسويتوا اليوم بالمدرسه امل : ماكو , كابه رغد : الا قولي مرض بنات فصلنا ماينطاقون سالم يضحك : عسى حطوكم بفصل واحد بس ؟ امل : والله كان وريناهم لو مايحطونا بفصل واحد , هذا اللي ناقص بعد ساره : اصلا هذولي ماكنهم صديقات , تقول خوات , بنات عم رغد : طبعا هذي حبيبة قلبي اموله امل : ايه انا ماستغنى عن رغد وحتى ساره فيصل : اصلا احنا تعودنا عليج نحسج وحده من العيله رغد : غصبن عنك فيصل : انزين عاد احنا قنا شي .. ؟ رغد : احسب فيصل : اقول ساره ساره : هلا رغد تبتسم بخبث وطارق انتبه للحركه فيصل يلتفت عليها : لايكون بس انتي اللي تبين قلامه اسود وازرق وشرايط بيضا حق شعرج ساره : بايخ ( الكل ضحك عليها الا هي ) فيصل : حتى رغد وامل بنشتري لهم شرايط بيضا وسجل الواجبات اليومي ( الكل ضحك من قلب ) امل : مانحتاي مشكورين , بعدين هيه فصول لاتشوف عمرك تراك اكبر منا بسنه بس ساره : أي والله صادقه فيصل : بس ولو طارق : فصول لاتدور لك على شي تنازعهم عليه يللا نزلنا .. سالم امسك اخوانك سالم : واليهّال الباقين منو يمسكهم امل : يهّال في عينك سالم يضحك طارق : انا وفيصل نباريهم ماعليك منهم ,, ( ونزلوا .. سالم مسك اخوانه يشترون اللي يبونه وامل وساره ورغد يتمشون ) فيصل مخبي شي ورا يدينه فيصل : ساره ؟ ساره : نعم فيصل يطلع الوان خشبيه من ورا يدينه وطارق فاقع ضحك : ماتحتاجينهم ؟ امل ورغد فقعوا ضحك ساره متفشله وفيصل يضحك عليها : مخليتهم لك فيصل : امل , رغد .. ماتبونهم ؟ امل ورغد يضحكون : لا ساره تحتاجهم اكثر منا ساره : بايخين .. انا بروح عند المجلات اريح لي ( راحت ساره عند المجلات لحقها فيصل ووقف يمها ) فيصل : شوفي المجله هاذي شكلها حلو ساره فايخه : شنو شسمها ؟ فيصل : سبيس توون ساره تطالعه : مايضحك فيصل فاقع ضحك : شوفي شكلج اول بعدين تحجي ( يات امل عندهم ) فيصل يورّي امل المجله : شرايج اموله ماتصلح لساره ؟ امل تضحك : بسّك عاد ساره : مادري منو اللي يوم رحنا بيتهم لقينا تحت سريره مجلات ميكي ومايد لحد الحين يقراهم فيصل يطالع ساره مستغرب ويسكّتها : ياحليلج ياساره انتي ومزحج , ماعليج منها امل امل فاقعه ضحك : والله ماعندكم سالفه ( في الجهه الثانيه .. فوق عند الكتب ) طارق : اوه المثقفه تقرا كتب رغد : احم احم طارق يسحب الكتاب من يدها : شنو هذا كتاب انجليزي ؟ رغد : ايه طارق : شحادج عالانجليزي اقري عربي ابرك لج رغد : انا احب الانجليزي طارق : اممم رغد تسحب كتاب من على الرف وتضحك : هذا يصلح لحمدان طارق : شنو ؟ رغد : HOW TO BE POLITE طارق : ههههههههههههها أي والله يبي له يتعلم الادب شوي رغد : عاد هذا يصلح لاخوك فيصل طارق : شعنوانه رغد : SLEEPING TO MUCH طارق يضحك : أي والله صاجه .. يللا ننزل ترا ينطرونا تحت ( وهما نزلين .. كان في يهّال يركضون .. دفوا رغد على موسوعه كانت مصفوفه .. وطاحت ) رغد : يوه . مشكله اليهال نزل طارق وياها على الارض : عنج .. انا اشيلهم رغد : لا خلاص معليش طارق : قلت لج انا اشيلهم رغد : نشيلهم ثنينا ترا موسوعه اللي طايحه موب كتاب ولا كتابين ( وهم يشيلون الكتب مدت يدها على كتاب طارق مد يده له في نفس الوقت بدون ماينتبهون .. طارق حط يده على كالتاب اول .. رغد كانت ملتفته بتشيل الكتاب وحطت يدها على يد طارق .. استوعبت وشالتها بسرعه وتفشلت .. اما هو اكتفى بابتسامه .. رغد طاح ويهها ولين مانزلوا تحت مانطقت بكلمه . واللي زاد الطين بله انها من كثر ماكانت مستحيه ومتفشله علي صار مشت بدون مانتبهت وكان راسها باالارض وصقعت في سالم .. وطارق انتبه لها .. خلاص تفشلت رغد اليوم اكبر فشيله ممكن تصير .. وفي السياره ماتحجت .. الين ردت بيتهم ويا امل امل : شفيج ماتحجين ؟ رغد : طاح ويهي اليوم لو تعرفين شصار لي امل : يوم الفشيله العالمي رغد : ليش ؟ امل : انا كنت واقفه بعدل شيلتي .. رفعت يدي كفخت سالم ولد عمج رغد : هههههههههههههههههههههه , ميخالف يهون ,, انا صقعت فيه امل : ايه عادي صقعه خفيفه رغد : أي خفيفه ؟ بقوه بغيت اطيح امل : يووووه فشيله رغد : عاد كلش ولا موقف طارق امل : ليش شفيه ؟ رغد : كنا فوق نقرا كتب ............................. الخ امل : عادي انتي ماكنتي تقصدين رغد : بس ولو فشيله امل : عادي بينسى .. يللا انا برد بيتنا مع السلامه رغد : مع السلامه ( ومرت الايام ومر شهر على الدراسه .. وصار وقت ملجة رفيجتهم .. ويو الاربعاء عند رغد ) امل : بتخلّين شعرج على برا ولا داخل ؟ رغد : شرايج ؟ امل : هاتي الفّه لج على برا احسن .. حتى انا بسوّيه على برا رغد : يللا الساعه 5 يالله يمدينا امل : أي والله كلمتي ساره بتيي ؟ رغد : اقول بتيي بس الساعه 8 امل : ليتها هني ويانا رغد : أي والله امل : اقول رغد يعت رغد : حتى انا والله وماني مشتهيه اكل البيت شرايج نطلب بيتزا ؟ امل : حلو , عندج الرقم ؟ رغد : يووه ماعندي وانتي ماعندج ؟ امل : لا , دقي على ساروه سأليها رغد : ساره اخر وحده تهم بهالسوالف ,, بشوف سالم رغد : الو هلا سالم , عندك رقم مطعم البيتزا ؟ سالم : ايه ليش تبينه ؟ رغد : انا وامل يعنا قلنا نطلب بيتزا .. سالم : مارح تتعشون هناك ؟ رغد : الا بس خلاص لاتسوي لنا سالفه بتييب ولا لا ؟ سالم : بلى , خلاص انا برا اييبها لكم .. انا قريب من المطعم , اخاف يطولون عليكم رغد : شكرا شكرا .. سالم : بس جبن ؟ رغد : ايه وثنين بيبسي سالم : طيب يللا مع السلامه ( وقعدوا يحطون مكياج و يصلحون شعورهم .. مالبسوا فساتينهم قالوا يلبسونها اخر شي ) رغد يدق تلفونها : هلا سالم سالم : حطيتها لكم بالصاله .. تعالوا خذوها رغد : تاني يمك قول لها ترقيها فوق سالم : ناديتها مايات شكلها راحت تصلي المغرب رغد : طيب مشكوووووور سالم : مابتعزموني ؟ رغد : ههههههههه , اصلا انت اللي يايبها خذ لك منها سالم صوته وهو ياكل : مابنطرج تقولين .. يللا تعالوا خذوها .. مع السلامه رغد : اموله حبيبتي امل : موب نازله شعندج ؟ رغد : تكفين ييلا عاد والله مالي خلق انزل تحت .. بعدين سالم راح مابيكون فويهج .. يللا اشوف امل : انزييين عاد نزلت امل وكانت لافه شعرها برولات وحاطه مكياج وردي خفيف وطالعه تهبل ولابسه جلابيه عاديه.. تلفتت على سالم ماشافته حمدت ربها لانها نزلت بدون عباتها وشيلتها .. اما سالم قبل لايطلع قال في نفسه مارح ينزلون بسرعه .. ادخل اسلّم على يدتي بسرعه واطلع كانت امل ماخذه موبايلها وياها تقرا مسج .. ودقت عليها بنت خالتها تسولف وياها .. نزلت من الدرج وراحت عن البيتزا اللي على الطاوله .. وهي تكلم قعدت فتره تفكر كيف بتشيل البيتزا والببسي والموبايل في يدها .. سالم طلع وانهبل ,, مانتبهت له لانه كان وراها .. وتمت تسولف ويا البنت وتضحك وهو مبسوط على الوضع اخر شي سكرت عن بنت خالتها .. وحطت الجوال فوق كرتون البتزا وشالت الببسي باليد الثانيه .. وشوي الا تحس بحركه في شعرها .. سالم : هذي الخصله مالفيتيها زين .. صلحتها لج امل من الصدمه ماتحركت .. وفنفسها شوي وتدعي على رغد حطتها بذا الموقف البايخ وتمت تطالع فيه منصدمه .. وهو يبتسم لها .. وشوي شوي بدت كرتونة البيتزا تميل عن يدها اليمين .. ويدها اليسار .. والموبايل من وراها يطيح والببسي بعد .. وتمت فاتحه يدينها منصدمه سالم شال الاغراض وحطاهم في يدها ومسكّها اياهم وهو يبتسم : سلمي على رغد امل مصدومه , بس رقت فوق طبت على رغد ومشّعت شعرها رغد : آآآآآآآي .. شنو شفيج ؟ امل : انتي يالكريهه كله توهقيني ويا عيال عمومتج انا اروايج رغد : إه سالم ماطلع ؟ امل تتطنز : هاذي الخصله مالفيتيها زين صلحتها لج رغد سكتت فتره بعدين ضحكت بقوه : ههاهاهاهاهاهاهاهاهاهااهاهاه ياحليلك ياسالم امل تكفخها : مايضحك .. وخري عن المرايه بشوف شكلي رغد : خيبه يالغبيه .. خخخخخ خدودج حمر امل : كلا منج ومن ولد عمج هالغبي رغد بخبث : لا ترا مارضى عليه .. اهو صج عليه حركات .. بس يبقى ولد عمي امل : لا ترا مارضى عليه .. روحي زين انتي وياه رغد : كمّلي لبسج ماعليج منه امل : ردّت تقول لي ماعليج منه , اقول لج فشيله تقولين لي ماعليج منه رغد تضحك : يعني ماتعرفينه .؟ عادي امل عادي امل ترمي على رغد فرشاة البلاشر : ابتلشنا وياج انتي واهلج رغد : شسوي فيج .. 3سنين ونا اعرفج منتي راضيه تتعودين عليهم امل : الا متعوّده عليهم وبقوه .. بس سالم غريب .. كل يوم شخصيه غير رغد : كلي بيتزتج يلله امل : مالي نفس رغد : يللا عاد سدّ نفسج يعني اهو ؟ امل : ايه رغد تضحك امل : شنو ؟ رغد : احس في قصة حب في طريقها للنور امل فاخت منها ودفتها طيحتها على الارض : صج ماتنعطين ويه , اصلا سالم هذا شكله يحبج بخليه لج وتموا يضحكون على روحهم .. ( وراحوا ملجة رفيجتهم شهد .. واستانسوا يوم جا وقت اللي يردّون ) رغد : الله يغربله السايق مايردّ على جهازه امل : توها الساعه 1 امداه نام ؟ رغد : والله يسوّيها انا ماقلت له في احتمال نطلع وحده امل : والحل الحين ؟ رغد : اليوم اربعاء وبكره خميس .. يعني حتى عمامي راقدين ؟ امل : طيب , شوفي سالم ولا طارق ولاحتى فيصل ؟ رغد : ايه والله ,, فيصل مافي امل يردّ تلاقينه نايم امل : طيب دقي على سالم ولا طارق اشوف رغد تدق على سالم : هلا سالم شلونك سالم : هلا, ادري ادري تبون احد يردّكم , لا مافيه رغد : ليه عاد بلا نحاسه ؟ سالم يستهبل : موب فاضي رغد : بدق على طارق سالم : طارق وياي بالسياره رغد : يوووووه .. يللا عاد .. والله صج الحاجه مذله , ترضل لنا ننذل ( تسوي انها زعلانه) سالم : لا خلاص ماعاش اللي يذلّكم .. يللا احنا يايين رغد : شكرا سالم : عفوا طارق بعد ماسكّر سالم : مو قلت لك بيدقّون رغد بعد ماسكرت : يقول يايين امل : منو سالم ؟ رغد تضحك : ايه سالم امل : الله يخلي لج عيال عمج قايمين فيج .. موب انا ( تكع على عمرها ) محد يسأل فيني رغد : شلج فيهم ؟ خلاص نتقاسم عيال عمومتي انا وياج امل : هههههههههههههههههههههههه لا يبا خليهم لج .. رغد : كيفج انا قدمّت عروضي ( وصلوا سالم وطارق وفيصل ) رغد تركب السياره من اليمين .. وامل راحت لليسار .. رغد : هلا بعيال عمي اللي يسوون كل الدنيا امل : هلا بعيال عمها اللي يسوون كل الدنيا سالم يكلم فيصل وطارق : قايل لكم هالبنت طول عمرها مصلحجيه امل : هاي انت هذي رفيجتي رغد : هه هه هه ’ اقول فيصل ( تطقه على راسه ) انت مانمت ؟ على بالي انك نايم رايح بسابع نومه امل : ههههههههههههههههههههههههه أي والله صدقت فيصل : توّني بنام سحبوني ويّاهم امل : احسن تستاهل .. الله يعين حرمتك عليك فيصل يلتفت عليها : مو شغلج اصلا محظوظه هاذي اللي بتكون حرمتي امل : وليش بالله من زينك ( تكفخه على راسه ) فيصل : طالع ذول .. من ركبوا وهم يكفخون .. امل : شنسوي لك انت متعود فيصل : نزلوا من سيارة اخوي .. بعد , المال مال ابونا والقوم حاربونا طارق يبتسم : عندي لك فكره فيصل فيصل : وشو ؟ سالم يضحك عارف فكرة طارق طارق : رجّع كرسيّك على ورا ونام سالم وامل ورغد وطارق فقعوا ضحك وفيصل مستسخف الفكره سالم : شنو ماعيبتك ؟ فيصل فكر فترة : والله ممكن ليش لأ ( ورجع كرسيه على ورا وغمض عيونه ) ضحكوا على فيصل طارق : هاه عسى استانستوا ؟ فيصل : وطّوا صوتكم بنام سالم وامل في نفس الوقت على راسه فيصل فتّح : اااااااااااي .. شنو قالوا لكم راسي , طارق شفيهم كل العالم يكفخوني في راسي بالذات ؟ طارق يبتسم : لانه راسك مربّع فيصل يتحسّس راسه : مربّع ؟ ( ضحكوا كلهم من قلب على فيصل اللي ماأهتم ورجع يرخّى راسه وينام في الازعاج ) طارق : ها ماقلتوا لي عسى وسّعتوا صدركم ؟ رغد : ايه والله وناسه امل : واااااااااااااااااااااااااااايد حلوه السهره طارق : كويس سالم كان سرحان امل : الو سلّوم وين رحت ؟ سالم يلتفت عليها : كاني هنيه رغد تبتسم بخبث : اللي ماخذ عقلك سالم يضحك لرغد ضحكه مافهمت معناها : يتهنا به يابنت عمي بعد فترة سوالف وضحك طارق : يللا امل وصلنا امل تفتح الباب : يللا مع السلامه .. مشكورين وااااااااااااااااااايد طارق : العفو وااااااااااااااااااااااايد ( نزلت امل ومشت لعند بيتهم ..) رغد : إه سالم : شنو ؟ رغد : سالم انزل عط امل موبايلها نسته عندي .. بسرعه قبل لاتدش البيت سالم : نزلي انتي ؟ رغد تدفه : بلا سخافه والله اني بعيده عن الباب .. سالم ياخذ الموبايل : طيب ركض سالم وكانت توّها امل حاطّه المفتاح بالباب سالم : امل امل : هلا سالم يمدّ الموبايل : نسيتيه عند رغد امل تبتسم : شكرا جزيلا سالم يستهبل عليها فتح كفّه وحط الموبايل في يدينه يبيها هي تاخذه امل تستهبل عليه وتمدّ يدها يعني حطّه انت في يديني سالم يستهبل : شنو ماتبينه ؟ امل : ابيه , بس انت عطني اياه سالم : بتاخذينه انتي ولا كيفج امل تلفّ عنه : خلاص خلّه عندك مابيه سالم يضحك : شنو .. امزح وياج . هاج خذيه امل : شكرا سالم : حلو جهازج امل : مشكور سالم : يللا سلام امل : مع السلامه مشكور مره ثانيه سالم يلف ويمشي .. بعدين التفت عليها مره ثانيه : امل ؟ امل توها داخله : نعم ؟ سالم سكت شوي : لا لا خلاص مع السلامه امل استغربت : مع السلامه رجع سالم السياره رغد : شنو كل هذا تعطيها موبايلها ؟ سالم : سكتي سكتي عني انتي ويا رفيجتج .. طارق يضحك : الليتات مطفّيه ولا كان شفناكم رغد مستغربه من طارق .. سالم : الليتات مطفّيه ولا كان شفناكم .. مادري انا شنو مسوي لها .. طارق : ايل ليه طوّلت ؟ سالم يهمس : لعبت في اعصابها على ماعطيتها الجهاز وشوي الاتيي سالم علبة كلينكس في راسه طارق فقع من الضحك على رغد رغد : احسن تستاهل ماياك واكثر سالم : مع ويهج صج انج ورفيجتج محد يجيسكم , هذا اللي يوهق عمره ويسوي فيكم خير رغد : لا خلاص سلوم زعل .. كلش ولا زعل سلوم ( تضحك ) سالم : تضحكين مع ويهج ؟ رغد : شسوي شكلك يضحك طارق : عن النجره , يللا رغد مع السلامه رغد : وال , طرده محترمه طارق يضحك , خلصينا ونزلي رغد : طيب , مع السلامه , مع السلامه يالزعلانين , ( تلتفت على فيصل ) مع السلامه النايمين , تصبحون على خير طارق وسالم : وانتي من اهله ( بعد ماراحت رغد ) سالم : عجيبه هالبنت طارق يبتسم : تبيها ؟ سالم يبتسم : يوم اللي ابيها انت اول واحد بتعرف طارق : نشوف مع ان احساسي يقول شي ثاني سالم : شنو . اتحداك يلله طارق بخبث : مابقول . احب احتفظ برأيي لنفسي سالم : مالت عليك طارق : وعليك فيصل : سكتوا انتوا ابي انام طارق : انت شنو مشكلتك بالحياة ابي افهم ؟ سالم : شارب شي ؟ فيصل : سلموا على ساره قبل لاتروح سالم وطارق يضحكون عليه ومستغربين منه يتحجى وهو نايم سالم يقوّمه : هاي انت , شنو ساره . شتبي فيها ؟ طارق فيه الضحكه سالم : شلك خص بأختي ؟ فيصل مخترع : شنو انا ماقلت شي سالم : الا توّك تقول سلموا على ساره فيصل : اظاهر كنت احلم سالم : المره اليايه لاتحلم بأختي فيصل يطالعه بنعاس : انشاء الله تامرني بشي ؟ سالم : لا فيصل : طارق توصي على شي ؟ طارق يبتسم : لا حبيبي لا فيصل : تصبحون على خير سالم : متأكد ان هذا اخوك ؟ طارق : شسوي يعني ؟ 22 ساعه نوم .. وساعتين بس صاحي سالم : ههههههههههههههههههههههههههههههههههههههههههههههههه .. (( ووصلوا سالم بيتهم ورجعوا طارق وفيصل )) (( في بيت عمهم عبد الله , دخلت رغد وسلمت على يدتها .. صعدت الصاله اللي فوق .. لقت تاني تطالع تلفزيون )) تاني : سلامو اليكم رغد : وعليكم السلام تاني : في استانس؟ رغد : واااااايد تاني : ربي يديم فرهه مال انتا رغد : مشكورين ( يلست يمها ) ,, شتطالعين ؟ تاني : فلم هندي مال واحد نيم شاروخان رغد : الله اموت على الهندي تاني : ايه صح رغد انا يبي يسوّي تفتين رغد : شنو يعني تفتين .؟ تاني : يعني انا يسمع واحد في قول كلام عن انتا .. يجي يبي يسوي فتنه حق انتا رغد تضحك : يالشيطانه قولي قولي تاني تستهبل : لا خلاص مايبي قول رغد : التونا تحجي احسن لج تاني : اول مافي قول تونا رغد : تاني تن تن قولي حبيبتي انتي تاني : بابا عبد الله في روه ؟ رغد : ايه سافر امس . تاني : امس انا في يسمع بابا عبد الله كلام تلفون .. رغد : يكلم منو ؟ تاني : بابا طارق رغد : شنو قالوا ؟ تاني : انا في يسمع , بابا عبد الله قول حق طارق : طارق اذا انت يبي رغد البنت حلال مال انتا , بس مافي الحين مانبي نشغلها عشان هي كمّل دراسه مال هيّ رغد مستغربه : انا ؟ تاني : اوكسم بالله رغد عصبت : ولايقولون لي ؟ تاني : عشان مايبي يشغل انتا حق دراسه رغد : عاد والشغل الحين .. , سمعيني التونا .. انتي ماقلتي لي اوكيه , هم مايبوني ادري خلاص انا مادريت تاني بخبث : انتي في حبّي بابا طارق ؟ رغد ترمي عليها مخده : روحي وياويهج , اصلا مدري بوافق ولا لأ .. طارق حسبة اخوي تاني : يصير كير رغد : مالت عليج (( دخلت رغد غرفتها وقعدت تفكر .. يمكن مواكيد بس بياخذ راي ابوي ؟ يمكن التونا تجذب علي ؟ بس انا اعرفها ماتجذب .. طيب يمكن ماكان يقصدني يقصد ساره ولا مريوم ولا حتى امل ؟ بس فعلا اليوم هو متغير شوي .. اقول خلني اروح ارقد ابرك لي )) مرت الايام .. وفعلا طارق متغير شوي على رغد بعد ماوافق ابوها .. واهي تسوي روحها ماتدري .. ومره من المرات يرن جوال رغد ) رغد : هلا واللله هلا عمتي عيوش عايشه : هلا رغوده حبيبتي , سمعي بدون مقدمات .. عندي عزيمه وخدامتي يديه ماتعرف تطبخ .. ابيج تيين تساعديني انتي وساره .. خبرج بناتي صغار وايد مايعرفون هالسوالف رغد : بس جذي ؟ والله يمه لو تبين عيوني عطيتج اياهم , عايشه : تسلمين لي ياعمري , وتراني خبرت ساره وقالت بتيي رغد : مسافة الطريج واكون عندج عايشه : السايق عندج ولاتبين اخلي واحد من العيال ييج ؟ رغد : لا مشكوره عندي السايق . عايشه : يللا انطرج مع السلامه راحت رغد بسرعه البرق بيت عمتها لانها وايد كانت زهقانه )) (( دخلت البيت .. وبحكم انها تمون .. نادت عمتها ماردت عليها .. راحت صوب المطبخ .. واول مادخلت فطست ضحك )) فيصل واقف يحرك الشوربه وهو مبتلش فيها .. وطارق واقف يلف السمبوسه رغد : هاهاهاهاهاهاهاها خيبه شنو هذا . فيصل : الله يابج تعالي امي بالشتنا الا تبينا نساعدها رغد راحت عند فيصل : انزين عاد اشتغلوا بامانه ,, شنو هذا وين راحت نص الشوربه ؟ فيصل ببراءه : ماشربتها رغد : خيبه وهي حاره ؟ فيصل : لا مو حاره وايد , يعني طعمها زين طارق فقع ضحك : احسن تستاهل رغد على راسه : مالت عليك رغد : من زين شغلك انت ( تمسك السمبوسه ) شنوا هذي ,, احد يلف جذي ؟ هذي سمبوسه ولا جريده ؟ طارق يحك راسه : مادري فيصل : هاي انتي مو عشانج تعرفين الطباخ يايه تتطنزين علينا رغد قلبت السمبوسه طاحت الحشوه منها رغد : هاههاهاهاهاهاهاهااهااهاهاهاهاهاهاهاهاهاهاهاهاها شفيها مفتوحه ؟ طارق يرقّع : مالج شغل اصلا هاذي الموضه رغد : هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههههههه خلاص ماقدر اضحك اكثر طارق يدفها : والله اليوم هاذي حاطتنا نكته تضحك علينا ساره تدخل المطبخ : هاهاهاهاهاهاهاههااهاهاهاهاهاهاهاهاهاهاهاهاهاهاهاها هاهىهاهاهاهاههاها شنو هذا ؟ رغد : صج الرياييل في المطبخ مالهم سنع , يللا برا فيصل يقط الملعقه وطارق ماسك سمبوسه ياكلها وهم طالعين : احسن امي غاصبتنا اصلا ولا احنا شلنا بشغلكم ؟ ساره تكلم طارق : ماياكلونها جذي توها ماستوت طارق يبتسم لها : تعبان فيها مابخليها ( توهم بيطلعون الا يات امهم عايشه ) عايشه : وين وين انشاء الله ؟ طارق : بنات اخوج ياو , احنا مالنا لزمه فيصل : كلام اخوي عين الصواب عايشه تسحبهم من بلايزهم : ماكو طلعه طارق : يماه شنو عاد اهما بيطبخون احنا شكو ؟ عايشه : تغسلون الصحون فيصل : شنوووووووو ؟ ( رغد وساره بطنهم قام يعورهم من الضحك ) عايشه : قعدوا على الطاوله , احتياط .. كل مابغينا صحن ولا كاس تغسلونه فيصل يبتسم للبنات ويرد لامه : يمه طيحتي ويهنا جدامهم الله يخليج ويسلمج عايشه : عادي طارق : يمه بروح اشوف ولدي واردّ عايشه : اقعد , رغد روحي ييبي له ولده , ان راح مارجع فيصل : تستاهل , هذا اللي بينحاش بدون اخوه طارق : فشلت الخطه عايشه : تعالي رغود لاتييبين له ولده بعد شوي بعطيهم استراحه رغد : براحتج ( تموا يشتغلون.. وفيصل وطارق قاعدين على الطاوله ويتحلطمون .. ولا يدورون في المطبخ ويحنّون .. مطبخهم كان وايد جبير ) عايشه : انا بروح شوي وبردّ , رغد قلّي هذا .. ساره قطعي السلطه رغد وساره : انشاء الله عايشه : وانتبهوا لهم لايطلعون ( تأشر على طارق وفيصل ) وخلوهم يغسلون الصحون ساره : تامرين امر ( طلعت عايشه) وقفلت وراها الباب خخخخخخخخخخخخخخخخخخخخخخخخخخ ساره تستهبل : طارق ممكن تييب لي الخضره من الثلاجه ؟ طارق باستهبال : تامرين امر رغد : وين الزيت ؟ فيصل فايخ : في جيبي رغد : طارق وين الزيت ؟ طارق ييب الزيت : هذا هو ساره : خلاص غيرت رايي طارق اقعد , فيصل ييب لي الخضره فيصل يرفع حواجبه : متحمّلين احنا متحمّلين .. تجري السنين واحناجرح السنين رغد تحط ايدها على راسها : خيبه يالغبي . مو جذي عفست الاغنيه فيصل : كيفي , بعد تعالي حاسبيني ساره : فيصل انا انتظر ( تضحك ) راح فيصل الثلاجه وفتحها وطلع لها طماط وخيار وخس فيصل : اندوج رغد : ماكو بيز ؟ ساره : والله عيلتنا مالها سنع .. واحد يتحجى اماراتي والثانيه سعودي فيصل : ليش مو عايبج ؟ ساره : الا , ماقلنا شي ,, شوف شغلك فيصل واقف عند المغسله ورفع اكاميمه : هاتي عنج اغسلهم ؟ ساره مستغربه : شفيك فجأه صاير طيب طارق يضحك : مدام ماكو افراج , نساعد احسن لنا ساره يات يمه ووقفت اهو يغسل الطماط وهي الخيار اول مايات يمه فيصل ابتسم بويهها : هلا والله هلا ساره : بسم الله . انت وراك شي . فيصل : بنت عمي يات يمي واحييها اكو شي طارق : رغد تبين شي انا جاهز للمساعده رغد : لا خلاص شكرا فيصل التفت عن ساره ساره : شتسوي فيصل التفت عليها وفمه مليان طماط : شنو ؟ ساره تدفه : مالت عليك فيصل بلع اللي في فمه : دفيني مره ثانيه .. عسل والله عسل ساره استغربت واستحت : طارق شفيه اخوك هذا كل شوي منقلب واحد ثاني طارق : لا عادي فيصل يطالع فيها بخبث : انا جذي مع اللي جذيه ساره مافهمت : وخر انزين ماعندك سالفه فيصل : أي ماقلت لكم بخطب رغد وساره : شنوووووووووووووووووووووو ؟ فيصل : شفيها ؟ طارق : حتى انت بتخطب ؟ رغد تستهبل بس طارق عرف انها تدري : شنو حتى ؟ لايكون انت بعد خاطب ( ترفع حواجبها ) طارق : ايه , بس انطرها تخلص دراستها فيصل : حتى انا ساره تكلم طارق : وانت من متى خاطبها ؟ طارق : قبل فتره مو قصيره ساره : فصّول وانت ؟ فيصل : بخطبها جريب انشاء الله رغد : مالت عليكم ثنينكم طارق : ليش غرتوا ؟ رغد : طاع هذا من ايش نغار انشاء الله ؟ فيصل : ساره شكلها غيرانه ساره : احنا مو غيرانين من زين ويوهكم , احنا شرهانيين ليه ماقلتوا لنا مو احنا بنات عمكم ؟ طارق : لما يصير شي فعلا .. انتوا اول ناس بتدرون رغد : ماعدكم سالفه ساره تهمس لرغد : مالت عليه وعلى ويهه طارق مبتسم على الاخر لانه تأكد ان رغد تدري انه خاطبها بس تسوي عمرها ماتدري .. هين يالتونا يالفتّانه .. اوريج انتي بعد يارغود ( دخلت عايشه المطبخ ) فيصل : يماه عاد خلاص والله ريحتنا استوت بصل وطماط نبي نطلع طارق ساكت ومبتسم عالاخر عايشه : قطيعه , شنو هذا بلعتوا كل شي ؟ شقدم للناس عالسفره ؟ فيصل : ماكلنا شي هذول بناتج ( يأشر على رغد وساره ) عايشه : بناتي مايسوون جذيه , تدرون .. طلعوا برا المطبخ احسن فيصل وطارق : ولكم فريدم اهلا بالحريه طارق : اول شي اسويه بروح اسبح فيصل : حتى انا ( وراحوا فيصل وطارق وتموا عقبها البنات يشتغلون وياعمتهم .. وبعدها بربع ساعه ) رغد : اح عايشه : شنو شفيج ؟ رغد : حرقني المقلى مالت عليه ساره : الحرق جايد , مشوه ايدج عايشه : شوفي فوق فيه الكريم حق الحروق .... حطي منه ساره : روحي بسرعه رغد : وينه فيه ؟ عايشه : تلاقينه بثلاجة فيصل او طارق رغد ترددت : خلاص مو لازم عايشه : لا . لازم رغد وهي ترقى الدرج تدعي انه يكون عند فيصل مو عند طارق .. رغد تطق باب غرفة فيصل : فيصل فيصل فيصل : هاه ؟ رغد : هوا , دوا الجروح بثلاجتك ؟ فيصل : لا , اخر مره كان عند طارق رغد تنهدت : طيب شكرا ( رغد كانت تخاف من طارق لاصارت وياه بروحهم .. صح تمون عليه ووايد تعزه وتغليه .. بس خذت عنه نظره ثانيه عقب ماخطبها , خاصة انه كان يطالعها اهو برضوا بنظرات مختلفه ) رغد تدق الباب : طارق ؟ طارق : منو رغد ؟ دشي رغد : لا مو لازم بس كنت ابي ..... ( توها بتكمل كلامها الا فتح لها الباب ) طارق ابتسم : هلا رغد : ابي ...... طارق : دشّي رغد : لا شكرا طارق : ماتبين تشوفين سعود ؟ ولا خايفه مني ؟ رغد : سعود عندك ؟ 0 فرحانه ) طارق : وين بيكون يعني ؟ رغد : هاته ابي اشوفه من زمان ماشفته طارق : تبين دشّي رغد : يوهوه طارق ؟ طارق : الباب مفتوح على فكره رغد بعد تردد دخلت وراحت عند سعود : فديته يينن ماشاء الله شخبارك سعيدان تولّهت عليك وااااااااااايد ( شالته وحبته ) طارق : تحبين اليهال مو ؟ رغد : وايد , ايه صح دوا الحروق عندك ؟ طارق : ايه ليش ؟ رغد : ماكو , بس حرقني المقلى طارق يبتسم : سلامات .. شوفيه بالثلاجه هناك رغد راحت وفتحت الثلاجه : ماكو شي طارق يا عندها : وهذا شنو ؟ رغد : شنو دواكم هذا غير شكل , مو زي حقنا طارق مبتسم : شنسوي بعد رغد قتحته وحطت منه على يدها : الحين شلون هذا ينحط ؟ طارق : هاتي اوريج رغد مدت له الكريم طارق : لا , اقصد ايدج رغد استغربت وتمت تطالع في يدها طارق مسك ايدها وحط الكريم ومسحه وهو يبتسم : جذيه رغد مازالت منصدمه وماتحركت طارق :هيه؟ , شنو يعني علمتج شلون تحطينه ( يضحك ) مسوي شي غلط ؟ رغد طالعت فيه بعدين ردّت لسعود وحبّته وبعصبيه : حبيبي سعود ابوك ماينبلع ابد ومايستحي بعد طارق : حبيبي سعود بنت عمك وايد مليقه ماتنعطى ويه ووايد تستحي رغد طلعت من الغرفه وسمعت طارق يغني وهي طالعه ( ماتروح الا وعلى راضي ماتروح وضايق صدرك .. الزعل خله بعد ماضي .. عندي تدري ياكبر قدرك ) طارق لحقها في الدري : رغد رغد بدون ماتلتفت عليه : نعم ؟ طارق : انتي تدرين صح ؟ رغد : ادري بشنو ؟ طارق : لاتستهبلين رغد تكمل نزلة الدري : لا مادري طارق في روحه : علي انا ؟ نشوف يارغود .. ( ودخل معصب غرفته ) ( اما في غرفة امل دق موباليلها ) امل : منو هذا صار له اكثر من اسبوعين وهو يايدق ولا يرسل مسجات ؟ وان ردّيت حط لي اغنيه , لايكون يحسبني وحده ثانيه , مب راده المره هذي .. امل زهقت من الموبايل وهو يرن بأصرار وردت ......... : انت العزيز انت وانت المهم انت وانت اغلى ناسي كلهم , قلبي واحساسي معاك , لاتظن قلبي عندهم امل قفلت امل : شنو هاذي الاغني الى الان بس سمّعني اياها 5 مرات .. وكل يوم اغنيه او مسج شكل .. وشوي الا تييها مسج : صاحت عيوني تنشد القلب رؤياك .. واثره فؤادي في بعادك قصيده .. كن السعاده اعشقت يوم لقياك .. وكن القرايب في بعادك بعيده .. امل : وايد حلو هالمسج .. اموت واعرف منو , بس لو ايش مارح ادق عليه بيي يوم واعرف منو , ياخوفي وحده من البنات تلعب علي .. ومسج ثاني : ينساني الله كان في يوم بنساك يامن سكن قلبي وغصب انتصفني دنياي صارت تعيش كلها دنياك مافيك عرق الا عرفته وعرفني انت وردتي حفها الله بالأشواق وهذي المصيبه وردتي حبك قطفني امل : ياربي شالمسجات والله روعه امل بعد تردد : بدق اعرف منو , يمكن واحد غلطان يحسبني مرته ولا حبيبته امل بعد تفكير دقت امل : الو ........ : ( اغنيه ) اهلا عدد من هلي من مزون الغمام امل : لو سمحت لاتحط اغاني , اسمعني شوي منو معاي ؟ .......... : حبي لك مش حب عادي وهواك مالك فؤادي .. انا انسى العالم ياحبيبي ولا انسى لحظه ودادي امل : اووووه مع السلامه ....... : ....... امل بعد ماسكرت دزت له مسج : اسمعني اخوي , يمكن انت مغلّط بالرقم .. انا ماعرفك وانت ماتعرفني ...... : دز لها مسج : لو غلطت بالرقم ماغلط بصوتج .. بعدين لو انتي ماتعرفيني انا اعرفج زين امل : انت من تكون ؟ ..... : ا نا الذي يحب بجنون امل : لاتطولها وهي قصيره خلنا نتفق بلا هالمسجات والاغاني اوكيه ...... : ماقدر , واصلا موب على كيفج .. وبتقرينهم غصب عنج , وبتردين على مكالماتي , وتسمعين الاغاني بعد وقعد ينطرها تدز له مسج ثاني ترد عليه , بس امل عصبت منه ورمت موبايلها عالسرير .. دقت على رغد ماردت عليها لانها كانت وايد مشغوله (( نهاية الجزء الأول )) |
| غير موجود |
|
19-11-2004, 09:41 PM
| #3 (permalink) |
| مشرف سابق | رد : حبيبة قلبي وشلونك ( جميع الأجزاء ) ..
(( الجزء الثاني )) بيت عمتهم عايشه عايشه : طارق ابوي بتطلع ؟ طارق : ايه عايشه : تمر بيت عمك عبد الله ؟ طارق : ليش ؟ عايشه : رغد يوم كانت عندي قبل شوي نست خاتمها . طارق : شكو تشيله من صبعها ؟ عايشه : انا قلت لها شيليه عشان ماييه شي , تعرف اهو وايد غالي عليها من امها الله يرحمها طارق : طيب وينه عايشه : الحين بروح اييبه طارق في السيارة يطالع الخاتم : وايد حلو , عقبال دبلتها انشاء الله . رغد كنت توها سابحه نزلت من الدري وهي ماسكه مشط بتصلح شعرها وقعدت تغني : every night in my dreams , i see you , i feel you وكملت وهي متحمسه في طريقها للمطبخ : neeeeeeeeeeeer , faaaaaaaaaar , wheeeeeere ever you are , i beleave in ......... رفعت راسها شافت طارق مبتسم بويهها .. طالعت شكلها بسرعه , لابسه بجامه نص كم ومافوقهم شي , علطول راحت ورا باب المستودع رغد : مالت عليك انشاء الله زين ؟ طارق : وعليج , ليش ؟ رغد : ليش ماقلت لي انك بتيي ؟ طارق يضحك رغد : شكو تضحك ؟ طارق : لاني متعمّد مابيج تدرين رغد معصبه وتحاجيه من ورا الباب : انزين شكو ياي ؟ طارق : مازلتي زعلانه ؟ رغد : على شنو ؟ طارق : يللا عاد لاتقولين نسيتي ؟ رغد : هاه , أي نسيت وبعدين ابرك لك يوم اني انسى طارق يبتسم : انا مابيج تنسين , رغد : ليش انشاء الله طارق : بس جذيه رغد : انزين خلصني شتبي طارق : الا التونا وينها ماشوفها ؟ رغد : تسقي الزرع برا ماشفتها؟ طارق : الا شايفها رغد : اووووووف اللهم طولج ياروح , شتبي ؟ طارق : الحين يوم اللي ايي بيتكم لازم ابي شي , انا دايما ايي عندكم اشوف تبون شي ولا لا , واهم شي ايي حق يدتي ويا ويهج رغد ساكته ومنرفزه على الاخر طارق : خاتمج نسيتيه عند امي رغد طالعت يدها وشهقت : اه أي والله نسيته طارق : ماتبينه ؟ رغد مدت يدها من ورا الباب .. وشوي الا حست بالخاتم يدخل بصبعها رغد سحبت يدها بعصبيه : طارق طارق فقع ضحك : ياويلي على اللي يستحون رغد ارتبكت وسكتت طارق : شنو عشاكم اليوم ؟ رغد ماردت عليه , راح عند الفرن وطلع صحن فيه رز , سحب كرسي من الطاوله وجلس ياكل رغد من ورا الباب : هاي انت شتسوي ؟ طارق ببراءه : اتعشى , اول مره اتعشى عندكم ؟ رغد : تتعشى مع يدتي , او لما اكون حاطة عباتي وشيلتي .. او لما اطسّ فوق طارق : صعدي فوق حد ماسكج ؟ رغد : بلا غباء, شلون بصعد ونت هنيه , وخّر طارق : وانا شكو ؟ صعدي مب شايفج بعد دقيقتين سمع طارق حركه في المستودع طارق يبتسم وفخاطره يفقع ضحك : شتسوين ؟ رغد : مالك خص طارق : اسمع صوت خيشة الرز ؟ رغد : أي بنام اليوم هنيه , عندك مانع ؟ طارق سكت شوي بعدين فقع ضحك : هاهاهااهاهاهاهاهاهاهاهاهاهاههااهاهاهاهاهاهاهاهاهاه اه خيبه رغد : اسكت لاتضحك كله من سواد ويهك , خلصنا تعشى وتوكّل طارق : الا ماقلتي لي , بجامتج حلوه من وين شريتيها ؟ رغد ساكته وتصاوخه ماترد عليه طارق يضحك : يسلم عليج سعود رغد بعصبيه : الله يسلمه وقول له ان ابوه ماينبلع , ومصّخها وياي , لا وبعد مايستحي على ويهه طارق يبتسم : انشاء الله , عاد الصراحه سعود مسكين , عنده بنت عم تييب المرض ( شوي الا كيسة مكرونه تنرمي على طارق بس اهو مسكها ) طارق : قامت تيينا قذائف نقوم احسن لنا رغد : توك تحس ؟ طارق : مشكورين على العشا , مع السلامه بنت عمي رغد بعصبيه : مع السلامه , والمره اليايه بتيي قول حق تاني تقول لي طارق ببرود : انشاء الله رغد بعصبيه : سخيييييف والله العظيم انك سخييييف , اعصابك بارده على شنو مادري طارق : هههههههههههه , يللا اسمع يدتي تناديني اخاف تبي شي يلا باي رغد : مع السلامه طلعت رغد من المستودع بشويش وهي شوي وتدعي على طارق اللي خبص قلبها رغد : تونـــــــــــــــــاااااااااااااااااااااااااااااا اااااااااااااااااااااااااااااااااااااااااااااااااا ااااا تاني : نأم ؟ رغد على راس تاني : خيبه يالغبيه ليش ماقلتي لي ان طارق هنيه ؟ تاني بخبث : بابا طارق قال مافي قول حق رغد رغد : يصير خير انت وياه تاني : انا يبي يفهم , انتا ليش يستحي من بابا طارق ؟ رغد : لاني كنت اعده اخوي , ولاني اخاف منه , انزين ؟ ( رقت رغد معصبه فوق ) طارق في السياره : ياحليها هالكثر تستحي ؟ فديتها ماحلاها والله تهبّل حتى وهي معصّبه .. بس هين يا انا يا اهي .. بكره ولابعده انا بييب الدوا حق يدتي مو فيصل .. ونشوف بعد يومين في المدرسه رغد : ماقلتي لي امول , العاشق المجهول مازال يتصل ويدز مسجات ؟ امل : مازال , وكاثره مسجاته , بس والله كل مسج احلى عن الثاني والاغاني وايد تهبل ’ قديمه ويديده رغد : يابختج عندج واحد رومنسي امل : خنعرف من هو اول رغد : المهم انه واحد , بعدين انا قلت لج جربي دقي عليه امل : تعبت وانا ادق مايردّ , اخر مره حط لي تشطر عاد وافهمها رغد : كلامي اللي انا قلته ,, وهالورد اللي ارسلته ,, ولا حسيت ابد انته ,, تشطر عاد وافهمها احبك يعني مو داري .. ولا حسيت في ناري ,, كفايه تشغل افكاري ........ امل : بسج عاد لاتصيرين جذيه رغد : هههههههه ياحيللج امل : الا صج كله بسألج وانسى , اشرطتي انا ماخذتهم من عندج صح ؟ رغد : شنو الافلام الهنديه ؟ امل : ايه رغد : لا موجودين عندي شفتهم كلهم امل : حلوين صح ؟ رغد : وااااااااااااااااااااااايد , تبينهم ؟ امل : بنت خالتي تبي تشوفهم , وعقب بردّهم لج لاتخافين , ادري فيج تحبين تشوفين الفلم ستين مره رغد : هههههههه .... ( قطعت كلامهم ساره ) امل : هلا سرسر شخبارج ساره : الحمد لله انتوا شلونكم ؟ شخبارج رغد ؟ رغد : بخير بشوفج , شفيج متغير ويهج قالب احمر .. لايكون انخطبتي واحنا ماندري امل ورغد ضحكوا ساره بجديه : ايه امل ورغد : شنوووووووووووووووووووووووووووو ؟ ساره : والله رغد : اكيد وافقتي ؟ ساره : شسوي فكرت مده طويله بس ماكو فايده .. قلبي يقول لي أي وعقلي برضوا ايه .. وامي وابوي موافقين امل : ومتى الزواج ؟ ساره : مو الحين وراي سنتين يالله اخلص .. بس اهو يقول عشان ماتروح البنت علي رغد : ومنو سعيد الحظ هذا ؟ ساره : فيصل فلان الفلاني رغد ماستوعبت وامل فقعت ضحك : ياحليلك يافصّول رغد : لحظه لحظه , فيصل ولد عمنا ؟ ساره تضحك : ايه رغد : الدب القطبي ؟ ساره وامل ضحكوا : ايه رغد : لا ماصدق امل : انتي تحبينه صح ؟ ساره استحت : مو وايد رغد تدف ساره : ماعليج منها اموله ’ والله انها تموت عليه , حتى يوم كنا عند عمتي بغت تصيح يوم قال انه بيخطب امل : هههههههه حليلج ساره ساره : الصراحه انا قعدت اهوّن على عمري , اجذب على روحي واقول يمزح رغد : هههههههههههههههههههههههههههههاي حلوه ’ بس ماتوقعته ابد يقصدج ساره : ايل انا اللي توقعت ؟ امل : هههه فيصل وساره , ساره وفيصل ,, حلوين الاسمين مع بعض .. وايد يركبون رغد : أي والله , يللا مبروك عليج سرسر امل : ايه مبروووووك الف الف الف مبروك ساره : الله يبارك فيكم وعقبالكم , يللا اسمع رفيجاتي ينادوني ,مع السلامه رغد : الله وياج ( راحت ساره عند رفيجاتها ) رغد : اقول عشان مانسى اشرطتج , طلعي اليوم وياي اعطيج اياهم , بعدين ردّي بيتكم امل : خلاص اوكيه رغد سرحت شوي امل : شنو ؟ انتي بعد تفكرين بخطيبج ؟ ( تضحك ) رغد : مالت عليج زين ؟ امل : شنو مو اهو خاطبج ؟ رغد : خاطبني , بس انا بعدني ماوافقت , اصلا ماني مصدقه امل : بس ابوج موافق رغد : طيب ؟ امل : وانتي بعد تحبين طارق ؟ رغد : يقهرني احيانا على الحركات اللي يسويها , مادري اعصّب عليه وقتها .. بعدين يصير عادي امل : يوم بالمطبخ رغد بعصبيه : ايه نرفزني امل : ياحبيبتي اهو ماقال لج انه بيي الا انه يبي يشوفج لاتستغبين رغد : مادري امل : وايد غبيه , انا قايلة لج طارق يحبج , بس انتي مو مصدقتني رغد : شنو يحبني ؟ اصلا اهو ماخطبني الا عشان سعود امل : شقصدج يعني عشانه صغير ويحتاج رعايه ؟ رغد : بالضبط امل : ايل ليه ماخطب مريوم ولا نوف ولا حتى ساره ؟ ولا أي وحده من عيلتكم ؟ شمعنى انتي ؟ لاتصيرين غبيه رغد سكتت فتره تفكر امل : قومي نمشي داخل وياويهج رغد تضحك وتطق امل على كتفها : مالت عليج الحين بقعد افكر امل : لانج خبله , وبعدين مواقفج وياه تهبل ( تضحك ) حلو يصير جذيه رغد : أي تهيل ؟ والله كله يطيح ويهي ويفشلني . امل : اما على سالفة الخاتم ههههههههههههههههههههههههههههههههههههههههههه ياحليله فديته , والله حركاته حلوه ماتبينه عطيني اياه رغد : حركاته حلوه هاه ؟ يوم اللي بتتفشلين عند واحد من عيال عمامج ولا خوالج تعالي قولي هالكلام امل : انزين امشي يللا تأخرنا [ الظهر عند بيت رغد .. امل نزلت من غرفة رغد وهي حامله الجيسه في يدها ] نزلت وراحت المطبخ عند تاني امل : التوناااااااااااااااااا ولهت عليج وايد وينج فيه كل مايي ماشوفج ؟ تاني : مافي قول تونا امل : خلاص ولاتزعلين يا أحلى تن تن في الدنيا تاني : والله العظيم هذي بنت يدش القلب امل : ياحليلج حتى انتي والله تدشين القلب تاني : في روح عند رغد ؟ امل : ايه خلاص بس قلت اسلم عليج , وعطشانه بشرب ماي تاني تصب لها : انتي تامرين انا امل : تسلمين .. يللا مع السلامه تاني : سكري باب عشان انا يبي يسوي بصل امل : ويه عاد كلش الا ريحة البصل .. مع السلامه ( وسكرت وراها الباب ) مشت امل لحد الصاله .. ونزلت شيلتها علىجتفها بتصلح شعرها وتردها مره ثانيه .. وقعدت تسكر شنتطتها .. وشوي الا تحس بظل وراها سالم مبتسم امل ارتكبت ووقفت منصدمه سالم راح من وراها ورفع شيلتها على راسها ولفّها .. وامل واقفه منصدمه سالم : شخبارج ؟ امل سكتت وماردت عليه وشالت شنطتها والجيسه وهي طالعه سالم يضحك : شدعوه ردّوا على الاقل ؟ امل وهي منزّله راسها وبسرعه : الحمد لله بخير , عن اذنك سالم : شفيج سويت شي انا ؟ اخاف احد يي ويشوفج جذي وانتي مستعيله مامداج تلفينها ( يبتسم ) امل بعصبيه : انا كنت بلفّها شلون يعني بنساها ؟ سالم مبتسم : هدّي ( ويشيل الشنطه والجيسه من يدها ) سالم : وايد ثجيله .. بشيلها عنج امل وهي متفشّله : لا شكرا البيت مو بعيد سالم : افا عليج , اقول لج بشيلها عنج تردّيني ؟ حد ييب الشقا لعمره ياغبيه ؟ انا بخدمج الحين؟ امل تمدّ يدها ناحية سالم : لا خلاص شكرا ييبهم انا بروح تأخرت سالم يعطيها: على هواج , الله معاج امل بسرعه وبدون ماتطالعه : مع السلامه سالم بعد ماطلعت امل ابتسم : ياحليلهم رغد ورفيجتها .. والله ماكو مثلهم بالدنيا .. احلى شي اذا استحوا وحمروا خدودهم العصر امل دقت على رغد وقالت لها السالفه رغد : هههههههههههههههههههههههههههههههههههههههههههههههههه اي ياحليلك سلوم امل : في عينج رغد : مادري انا اليوم داعيه عليج ولا شنو ؟ كا انتي تفشلتي مع عيال عمامي بعد مو عيال عمامج امل : ياكرهج انتي وياهم رغد : وتقولين لي مواقف حلوه ؟ كا موقف صار لج زي ويهج امل : بس حركته صج مالها داعي , انا وقفت مصدومه شنو يبي هذا ؟ رغد : اهو متعوّد عليج ,, بعدين انتي لاتنسين ان بيتنا كله مفتوح .. ان ماجاو عمامي جاو بناتهم ولا عيالهم .. يطلع سالم تدخل مريم .. تطلع مريم تدخل نوف ,,, حتى سالم وطارق دايما هنيه , جذيه يعني امل : بس ولو رغد : بعدبن باب الصاله كان مفتوح كالعاده , انتي تدرين لو حد بيمرّ بيشوفج امل : انزين خلاص عاد غيري السالفه رغد : تصدقين اموله ؟ امل : شنو بعد ؟ رغد : طارق وسالم يتشابهون وايد بتصرفاتهم .. بس سالم اهدى منه ووايد جريء مايهمه شي , وطارق وايد بارد امل : وفيصل طفرة جينيه رغد : هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههه حلوه حلوه امول , لاتسمعج ساروه تزعل عليج امل : لا خلاص والله الحين تزعل , عاد حبيب القلب فصول ماترضى عليه رغد : حليلج انتي وياها , اقول تاني تناديني ,, بروح اشوف شتبي مع السلامه ( بعد المغرب رغد قاعده في الصاله الداخلية فارشة الجريده على الارض ومنسدحه عليها تقراها ) طارق كان توه ياي ,, طبعا اذا الباب كان مفتوح ممكن ينشاف اللي بالصاله الصغيره ,, بس الصاله الداخليه ماتنشاف الا اذا كان الشخص داخل البيت ) طارق دخل بشويش , توقّع ان رغد فوق لانه كان بيتفق ويا تاني على شي ,, بس شافها .. كانت لابسه بنطلون جنز برمودا وتي شيرت ابيض .. وقف طارق فترة يتأمل فيها وهي كانت تقرا مانتبهت له .. شعرها وايد حلو .. اسود وفيه خصل بني غامق .. كثيف وناعم .. من قدام فيه خصل صغيره طايحه على ويهها وهي منزلته .. .. فجأه رغد رفعت راسها تدور على تاني شافت طارق وشهقت رفعت رغد الجريده على ويهها .. بس شتغطي شتخلي ؟ رغد خذت نظرة سريعه على شكلها ,, انا لابسه برمودا وتي شيرت وقاعده هنيه ماستحي على ويهي اقوم ؟ شلون اقوم ؟ الجريده ماتغطي كل شي .. وشوي تحس بخطوات تقرب منها شوي شوي وشوي .. تنسحب الجريده بهدوء من يدينها ! رغد رفعت راسها فوق وكانت مغمضه عيونها طارق : هلا , كيف الحال ؟ رغد ماكان يمها الا جلال صلاه سحبته من على الكنبه وتوها بتحطّه عليها .. تقرب طارق منها : شكو تغطّين عني ؟ ماله داعي انا ريل....... رغد تقاطعه تبي تضيع السالفه : شخبارك شخبار سعود انشاء الله بخير ؟ عن اذنك بروح شوي وبيي ولفت عنه بتمشي مسك ايدها : تعالي شفيج وين بتروحين ؟ رغد التفتت عليه وعطته نظره طارق : شنو يعني حرام ؟ انا اعرف شالصح شالغلط بعدين انا مارح اشوي جذيه لو انج ماراح تصيرين زو..... قاطعته رغد : عالعموم انا عندي شغل وايد مع السلامه ( وطلعت رغد والجلال عليها ولا عاد نزلت مره ثانيه ) ( اما طارق ابتسم .. عطى يدّته الدوا وقعد سولف وياها شوي .. بعدين ردّ وقعد يقرا الجريده ! ) وشوي الا تيي رغد مسج : انا تحت مارحت تعالي بكلمج شوي , يايب لج شي ردّت رغد رسلت حق طارق : ماني يايّه .. ان بغيت شي هذا تاني عندك طارق ردّ رسل لها : ياسخفج , شالحيا اللي ماله داعي ؟ ردت عليه رغد : شنو ماله داعي ؟ لاتسوّي جذيه والله ماحب جذيه , طارق : انتي ليش تخافين وتستحين مني ؟ شكلي يخوف ؟ رغد ماردّت عليه وانسدحت على سريرها تفكّر ( صج انا ليش اخاف منه ؟ اهو صج جسمه وايد حلو وعريض .. وانا ابين صغيره جدامه .. بس ليش اخاف واستحي منه ؟ اصلا انا احبه ؟ والله اهو حركاته تنرفز , بعدين اول انا وايد امون عليه , بس الحين تغيرت السالفه .. الله يغربل بليسك ياطرّّّّّّّّّّّّّّّّّّّّّّّّّّّّّّّّّّّّّّّووووووو ووووووووووووووق ) وشوي الا ييها مسج : هالزعله الحلوه كررها , لاترضى بسرعه وطولها ابتسمت رغد وردت رسلت حق طارق , رغد قلبها كبير ماتزعل على حد رغد : مالت عليك سلم على سعود طارق رد رسل لها : وابوه ؟ رغد : لأ , بس سعود طارق : لاتحدّين ابوه ييج الحين رغد : سلّم على ابوه واااااااااااااايد طارق : عليج وعليه السلام طارق في نفسه : قلبها ابيض , وايد طيبه , الله لايحرمني منها انشاء الله , اهي لو تبطّل حيا شويه , حليلها من تستحي ولا تفتشل تعصب حتى وهي معصبه تهبّل , حلوه على طبيعتها , وايد حلوه ماشاء الله .. تاني تطق الغرفه : رغد رغد رغد رغد رغد : ويعه ويعه ويعه ويعه شكو ؟ تاني : ايش عندي ؟ شي انتي يحب واااااااااااااااااااجد رغد تفتح الباب باهتمام : شنوووو ؟ تاني تطلع فلم هندي من وراها : هاذا رغد تسحبه منها : اه , هذا اليديد .. منين يبتيه ؟ تاني بخبث : بابا طارق في جيب رغد : بابا طارق شكو يجيبه ؟ تاني تستهبل : بابا طارق في قول حق انا عطي هذا رغد هذا هديه رغد : خيبه , شسوي فيه , هديه بمناسبة شنو ؟ تاني : بمناسبة خطوبه ياهبله رغد سكتت بعدين ضحكت : هههههههههههههههههههههههههههههههههههه , وياويهه احد ييب فلم هندي هدية خطوبه ؟ تاني : احمد ربج رغد : والله احلى هديه بالدنيا كلها , فلم هندي , تاني تضحك : انا ممكن يقبل الهديه عن انتا رغد تسحبه جهتها : آسفه , هذا بخبّيه عندي تاني بخبث : خشيه في قلب مال انتا رغد بكبرياء : وفي عيوني بعد , بعد شوي بنطالعه تاني : مافي قول شكرا ؟ رغد بفرح : شكرا يا أحلى تن تن في الدنيا كلها تاني : انتي واجد مصلحجيه رغد : ادري يابعد قلبي , عن اذنج .. بعد شوي بنشغله في الصاله هذي تاني : مأ السلامه رغد سكرت الباب طارق طلع من ورا الغرفه الثانيه وهو يضحك تاني : وقول ان انا جذاب مره ثانيه , طارق : انا ماقلت ابي انتي اللي يبتيني هنيه ,بس والله انج احلى تن تن بالدنيا تاني : فاملي حق مصالح طارق : هههههههه تاني : يللا روح بيت طارق : انزين تاني : مع السلامه ونزل طارق وطلع وهو يضحك وبعد دقيقتين فتحت رغد الباب رغد : تاني , تاني تاني : نأم ؟ رغد : كأني سمعت صوت طارق قبل شوي ؟ تاني مرتيكه بس طلعت منها ابتسامه بريئه : عشان انتا حبي بابا طارق انتا يتخيل هوا رغد كأنها بترمي عليها الشريط : روحي ويا ويهج , قالت احبه روحي زين تاني : واجد افكار تناقض رغد : انزين حطيه يللا ببدل وايي ( وقعدوا يطالعون الفلم ) تاني وقفت الفلم رغد : شعندج بعد ؟ تاني : انا في خبّي شي عن انتا رغد تطالع الساعه : ايه صح , هذا وقت اعترافاتج ( وتعتدل في قعدتها ) قولي هالمره شمسويه ؟ تاني : اول شي انا واجد ندمان رغد : طيب ؟ تاني : وبعدين انا مافي سوّي كذا الا عشان مصلحه مال انتا رغد : وبعدين ؟ تاني ببراءه : انا واجد يحبج رغد : انزين تاني بسرعه : بابا طارق كان هنيه رغد سكتت شوي بعدين استوعبت : يوم تعطيني الفلم ؟ تاني بابتسامة براءه : يس التفتت عنها رغد وبدون ماتحاجيها شغلت الفلم وتمت تطالع تاني تطلّ بويه رغد : الهلو اليوم زعلان ؟ رغد معصبه وساكته .. وتراجع نفسها تحاول تتذكر شقالت عنه تاني بعد دقيقتين : الزأله هيلوا كميلها لاتردا بسرعه وطويلها رغد ضحكت : ومحفظج الاغنيه بعد يدري اني بزعل تاني : انت مافي يبي بابا طارق انا في شيل رغد : لاتشيلينه ابيه تاني : هااا ؟ افتن افتن ؟ رغد : جربي ؟ مسكت رغد موبايلها ورسلت حق طارق : ياسخفك انت وياها تاني تطل بالموبايل : تحش في انا ؟ رغد تدفها : الله يغربلج 5 سنين عندنا لحد الحين مب عارفه تحجين زينا تاني بغرور : شنو يعني اتبرا من اصل مال انا ؟ رغد ترفع حواجبها : بسم الله عليج وعلى اصلج تاني : دواج عند بابا طارق , تتطنزين علي انا ؟ رغد : سكتي عني احسن لج (( نهاية الجزء الثاني )) |
| غير موجود |
