السلام عليكم ورحمة الله وبركاته
لكم شاعر غني عن التعريف شاعر جزل ومبدع ورائع شاعر بمعني الكلمه
بدأ الشعر في السابعه عشرة من عمره من خلال المحاوره
هو الشاعر / ضيدان بن منصور بن قضعان العرجاني العجمي
ولكم بعض من قصايد الشاعر :
يـا صـغيّر
[poet font="Simplified Arabic,4,darkred,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
يـا صـغيّر لا تـضيعني بـنظرات البراءه=وانـت مـا تعرف مدى تأثير نظراتك بحالي
آه يـالبيه .. يـا بـشويش .. يا هدّ الإضاءه=لـلجفول الـلي .. مـن جفاله يجفّلني ظلالي
فـز .. بـاسم الله عليك .. من المبرّة للإساءة=وارقد آمن في عيوني .. واسهر آمن في خيالي
يا صغيّر .. والذكي .. مثلي .. ليا خانه ذكاءه=مـاله إلا يـعشقك ويـصير لـعيونك شمالي
قم فديتك وانت حر .. من الف باءه .. لين ياءه=مـا عطاك الا الله .. اسرف واستبيح ولا تبالي
سـو ما يرضي غرورك .. وإدّ ما تهوى أداءه=الـحشا لك بيت حاتم .. وانت غالي عند غالي
قم تمخطر في الحشا .. وانسى الكتابة والقراءة=وحـل واجـب شـاعرٍ مـا حلته سود الليالي
وعـلّمه وشـلون تـتعدي عـلى خط استواءه=وعلّمه وشلون كيف .. وهل يضيعون الرجالي
وكيف يجني خلف سور الجامعة .. ذنب الكفاءة=سـاعةٍ نـادى ابليس وقال له : مالك ومالي
وأنـا يـشفع لك صغر سنك ونظرات البراءة=بـري حالي .. كل مالديت يمي بري حالي
[/poet]
الجادل
[poet font="Simplified Arabic,4,indigo,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
الجادل اللي يمر القلب شارعها=بين الحنايا تعدي ماتطالعني.
تقفي مع الدم بعروقي واتابعها=واحس كنها على نفسي توزعني.
قامت تبعثر غلا وان جيت اجمعها=اضمها واتشتت لين تجمعنــــــي.
بين الحنايا تثني في مرابعها=كنها تقول اتحدى من يطلعني.
دام الحشا بيتها وانا مدلعها=وش دخل القلب يزعل يوم توجعني؟
وليا خذا رمشها رجل يطالعها=لعل رمش خذاني مايرجعنـــــــي.
عيونة جيوش والنظرة طلايعها=غارت بصدري وجاز لسيفها طعني!!.
ويوم انكفت لين قلبي من قلايعها=والصبر عن خافقي ماعاد ينفعني.
مادهلها القلب وعيوني مراتعها=اموت فيها وهي للريح تزرعني.
ريحانتي والغلا بالقلب زارعها=تشرب عروقي وترواني وتشبعني.
كان النحل من رحيق الورد مشبعها=وانا شموخي من احلا شي جوعني.
وليا تعانق خجلها مع تواضعها=عانقت ليل على مسراه شجعني.
لوينسري ليلها سريت بايعها= بشر ولا اللة عن الزلة مرفعني.
واصبحت من عقب ماني ضدها معها=ان ضاعت اضيع وان دلت تسنعني!!
للجادل اللي شرايني شوارعها=القلب يقتادني والنفس تمنعنــــــي.
[/poet]
حنا بدو
[poet font="Simplified Arabic,4,green,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
يـلي عـلى وجـهي قـريتي كل صفحات الشقى=اقـري وأنـا باكتب قصيدة واشعل الساحة حريق
بـاقي كـثر مـا راح واللي راح نصف اللي بقى=وان مـا وصلت لغايتي با موت في نصف الطريق
يـابنت يـوم امـطر غـلاك بقلب ضيدان وسقى=تـدرين وش سـبة شـقاه وسبة الجرح العميق ؟
شـقاه مـن يـمناه واسـم الـشيخ والنفس امحقى=والـجرح مـنك يا أعذب العذبات يالموت الرقيق
يـا بـنت مـا دام الـبدو تخلف هقاوي من هقى=وانـا بـدوي مـني يـشيل من الزمن ما لا يطيق
ابـفتخر حـنا بـدو نـعشق عـلى وضـح النقا=حـنـا بـدو فـينا الـولد لـلقمة الـعليا عـشيق
حـنا بـدو فـينا الـولد لـو شاف موته ما أتقى=حـنا بـدو فـينا الـولد يـرقا ولـو مـاله رفيق
حـنا بـدو فـينا الـولد لا مـن رقـا رقـا رقا=الـين يـوصل غـايته لـو كـان في قمة طويق
يـابنت جـيتك والـثمن عـمري ابـي لـيلةٍ لقا=يـما كـذا والا بـلاش مـن الـصداقة والصديق
وسـاعة تـبسمتي وشـفت الـجمر والثلج اصدقا=قلت أشهد أن الموت حق وصحت لك صيحة غريق
واعـتقت دمـعي والـزعل والحزن لرضاك أعتقا=وأغـفت عـيوني فـي عيونك يا عساها ما تفيق
وامـنت بـاللي سـخرك تـقرين صـفحات الشقا=واشـعلت بـردي فـي دفاك وشبت الساحة حريق
[/poet]
يااوجودي
[poet font="Simplified Arabic,4,darkblue,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
يا وجودي كل ما هبّ صوتك من شمال= وجد من حدّه زمانه على اللي ما يبيه..
ويا وجودي كلما اضحيت ثم مال الظلال=لا غفت عيني ولا ذقت شي ٍ مشتهيه...
وجد من قفّى وهْو في رجا كلمة تعال=وإلتفت من عقب ماْ اقفى ..ولا أحد ٍ لدّ فيه..!!!
ويا عذابي لا دنا الليل من روس الجبال=وانتهى يوم ٍ من العمر ما عاد أرتجيه..
وانتي أبعد من سما الحلم ووصالك محال= يا بعد من هلّ دمعي ضحى الفرقا عليه..
يا غناتي لا تحسبين دمعي يوم سال=ضعف ولاّ خوف ..ولاّ كذا ولاّ كذيه !!
والله إني من رجال ٍ يضدّون الرجال= لكن الحظ ّ الردي ..ساق دمعي كل أبيه !!
ووالله إني كلما دار حوليك الجدال= قمت كنّ الموت يشّر على قبرى بديه !!
ووالله ان قد لي وانا اصّد لا جالك مجال= صدّة اللي لا تضايق تذكّر قبر أخيه !
ومن سألني قلت مدري..وإذا عاد السؤال= قلت له تكفى سؤالك ترى ماهو وجيه !!
وش تبيني اقول عن من ترى ذبحي حلال ؟=والخطا منها عليّ..صرت أحبه وأهتويه!!
عذرها لو ماْ تْعذّر مثل واضرب مثال=واحد ٍ ما يعرف الحرّ الاشقر يشتويه !!
وان رجعناللتواصيف لله الكمال=لاْ انتهى ليل المزايين جاتك تبتديه !
كنّها غفل ٍ مع البدو طاويها الحيال=ما يميّز وصفها إلا نبيه ٍ من نبيه.!!
وآهني اللي وصلها وذاق من الزلال =شربة مع غفلة الناس من فيها لفيه
ياْ اول أحلام الطفوله على حد ّ الخيال=الرجى باللي حمى البيت من حملة بريه..
حال دونك سيف عنتر وتاسع حول حال=باْثر حول ٍ حال دونك وانا ادعى هيه هيه !!
هيه ياللي غرّك الحسن واطغاك الجمال=والله أني اموت ما شفت لأوصافك شبيه !!
لو يسام الحسن والتيه بجنيه وريال=ما بقى في سوق غيرك ريال ولا جنيه !!
كيف أهدّك للمقادير وانتي راس مال؟؟=راس مال ومال..والمال ماْ يغطي السفيه !!
حافظك حفظي لعيني ورمشي لك جلال=وانتي تْشحّين بالما..وانا شفّي مويه !!
شايف ٍ ظلمك وساكت وطال الليل طال=لا نويتي طعن قلبي وانا ما قلت ليه...
لو بقى للهيل صبر ٍ على فوح الدلال=ما بقى للهيل صبرٍ على شي ٍ يجيه!!
وانتي تْسوقين عقلي على حدّ الهبال=تحسبين ان من بغى شي ..يقدر يشتريه !!!
ولاّ انا يا وجد حالي وجود ٍ ما يقال=وجد من ضحّى بغاليه لْرضا والديه...
ويا وجودي بأول العمر قبل ألبس عقال =وجد من باع آخر العمر ..في رغبة ذويه !!
ويا وجودي كل ما هبّ صوتك من شمال=وجد من حدّه زمانه على اللي ما يب يه !!!
[/poet]
البـــارحه
[poet font="Simplified Arabic,4,darkred,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
البـــارحه راسي تصــافق طواريه=والنـــوم ماله يمة الـعين حروه
يلعب براسي صوت صلف المشاريــــه =ذيبٍ عوى يبغي عشا أمه و جـــروه
وأنا على الدنيا من الهيه للهيه = ماهمني شهـــره ولا جمــــع ثروه
همي وغمي واحدٍ يوم الاقـــــــيه =كني عليل وشوفته محــــــو قروه
ياتل قلبي فالهوى من عروايــــه = تل الرشا دلوٍ ثلاثيـــــــن عروه
يتله اللي حامي القيض حاديــــه = يسقي له إبلٍ مارعاها بكـــــروه
عشرٍ شريدة كثرها من غوالـــــيه = اقفت كما يقفي مع الجم مــــروه
واللي بقا عشرٍ وصاته من ابيـــه = من دونها لو يصبح الصدر فـــروه
قلته وكل إناء ينضح بما فــــيه = وفالعمر يومٍ يبلغ الــــعز ذروه
واليوم هذا يا أوله وين تالـــيه = والنوم ماله يمة العين حـــــروه
[/poet]
الشاعر الشعبي
[poet font="Simplified Arabic,4,indigo,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
البارحه يوم شمس الشعر تسطع بي = وانا أتحرى لشمس الله من الشرفه
وألعي على واحد قبلي تولع بي = مايوم غني ولا أسهر للهوى طرفه
الين حتي تولع بي وولع بي = نار من الشوق صاليها لحق طرفه
من بعدها يا شقي حالي وياتعبي = نفسي عن الشعر وأهل الشعر منصرفه
ما نيب يم الشعر يا الشاعر الشعبي = يا بتوع مش عارف ايه وشي ماأعرفه
تبي تهز الجبل بمسدس لعبي = والناس مع وارد المنصور منجرفه
لا تستفز القصيد ولا ترفع بي = الشعر ماهوب مهنه لاجل تحترفه
وان كان يا محترف تقدر على لعبي = خلك على جنب لين أشوف لك صرفه
ما أ حد عبالك ولك عندنا معبي = يا كود باب مداه اكبر من الغرفه
وانا من الناس يا سهلي ويا صعبي = بحر تشوفه ولا تقدر على غرفه
مسكون بالشعر من رأسي ليا كعبي= والشعر ملكي وكل الناس معترفه
انا (الملك) مير يوم أصبحت من شعبي =حذفت تاج القصيد وصابني قرفه
[/poet]
[size=3][font=Simplified Arabic]
وسلامتكم
وترقبواااا شاعر الشهر الجاي
تقبلووا تحياتي
اخوكم خالد الهاجري
19-08-2004, 02:30 AM
شاعر شهر اغسطس 
