السلام عليكم


هذي قصيده الشاعر الكبير / مـحـمـد الأحـمـد الـسـديري



[poem font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يقول من عدا على راس عالي =رجم طويل يدهله كل قرناس

في راس مرجومٍ عسير المنالي =تلعب به الارياح مع كل نسناس

في مهمهٍ قفر من الناس خالي =يشتاق له من حس بالقلب هوجاس

قعدت في راسه وحيد لحالي=برأس الطويل ملابقه تقل حراس

متذكر في مرقبي وش غدا لي =وصفقت بالكفين ياسٍ على ياس

اخذت اعد ايامها والليالي =دنياً تقلب ما عرفنا لها قياس

كم فرقت مابين غالي وغالي =لو شفت منها ربح ترجع للافلاس

يا ما هفا به من رجال مدالي =ما كنهم ركبوا على قب الافراس

ولا قلطوهن للكمين الموالي =ولاصار فوق ظهورهن قطف الانفاس

ولا رددوا صم الرمك للتوالي =كلٍ يبي من زايد الفعل نوماس

من بينهم سمر القنا والسلالى=مثل البروق برايحٍ ليله ادماس

يقطعك دنيا مالها اول وتالي=لو اضحكت للغبن تقرع بالاجراس

المستريح اللي من العقل خالي=ماهو بلجات الهواجيس iiغطاس

ما هوب مثلي مشكلاته جلالي =ازريت اسجلهن بحبر iiوقرطاس

حملي ثقيل وشايله باحتمالي =واصبر على مر الليالي والاتعاس

وارسي كما ترسي رواس الجبال =ولا يشتكي ضلع عليه القدم داس

يابجاد شب النار وادن الدلالي =واحمس لنا يابجاد مايقعدالراس

ودقه بنجر ياظريف العيالي =يجذب لنا ربعٍ على اكوار جلاس

وزله الى منه رقد كل سالي =وخله يفوح وقنن الهيل بقياس

وصبه ومده ياكريم السبالي =يبعد همومي يوم اشمه بالانفاس

فنجال يغدى ماتصور ببالي =وروابع تضرب بها اخماس واسداس

لا خاب ظني بالرفيق الموالي= مالي مشاريه على نايد الناس

ياعل قصر ما يجيله اظلالي=ينهد من عالي مبانيه للساس


لاصار ماهو مدهل للرجالي =وملجا لمن هو يشكي الظيم والباس

بحسناك يامنشي حقوق الخيالي =ياخالق اجناس ويامفني اجناس

تجعل مقره دارس العهد بالي =صحصاح دو دارس مابه اوناس


البوم في تالي هدامه يلالي =جزاك ياقصر الخنا وكرالادناس

متى تربع دارنا والمفالي =وتخضر فياض عقب ما هيب يباس

نشوف فيها الديد حان متوالي =مثل الرعاف بخصر مدقوق الالعاس

وينثرعلى البيدا سوات الزوالي =يشرق حماره شرقة الصبغ بالكاس
وتكبر دفوف معبسات الشمالي =ويبني عليهن الشحم مثل الاطعاس






تقبلواتحياتي[/poem]


اخوكم/الكايد

هلا وغلا اخوي


اختيار موفق الله يرحم شاعر هالقصيده

الف شكر لك