 |
 |  |
| | |
| | |
| |||||||
 |
| | LinkBack | أدوات الموضوع | تقييم الموضوع | انواع عرض الموضوع |
27-05-2003, 12:32 AM
| #1 (permalink) |
| مشرف سابق   |  مـــــــجـــــــلـــــــــس الأمــــــــــــــــــــــــــــــه اسمحولي اخواني ان اضع هذه القصيده بين ايديكم عل وعسي ان تنال شي من استحسانكم وهي تتحدث عن موضوع المهر .. بسم الله [poet font="Simplified Arabic,4,darkblue,normal,normal" bkcolor="transparent" bkimage="backgrounds/19.gif" border="none,4,gray" type=0 line=200% align=center use=ex length=0 char="" num="0,black" filter=""] البارحه شفت وسط الناس واللمه= أميره العز تمشي في مواكبها وقفت كني أشوف الشمس محتمه= من نورها ما اشوف الا مناكبها الجادل اللي تفوق الوصف بالقمه= يوم اقبلت لاح برقن من عجايبها تمشي وكني غريب مضيع اليمه= من حسنها ضاع فكري في ذوايبها كن البشر حولها في مجلس الأمه= تامر وتنهي ولو تصعب مطالبها واقفت وانا حالتي يا ناس بمطمه= قلت البلا جاك يوم أقفت ركايبها أهز راسي وكني من هل العمه= وصيح يا ناس من يعرف قرايبها نشدت عنها وقالو الطيب في عمه= والخال والد و لو حلت نشايبها والعز من ساسها والمجد في دمه= والحسن والزين في حضرة جنايبها فزيت كني جنود الروس بمهمه= والجيش الأحمر وسام النصر جالبها يوم التحالف تزم العود وتزمه= برلين عقب التحالف زال منصبها من يوم رومل يذم الحال ويذمه= في وسط الأهرام ما يامن عقايبها قامت عليهم صواعق روس معتمه= لين النكايب تدور راس ناكبها وطرقت بابه ولم الورد ولمه= متشخصن بالحلا والحوت راكبها متسلفه من رفيقي جعله الحمه= قال أنتبه يوم ما تحمد عواقبها أسود هموم الصدر يزيلها جمه= لا دق سلفه ربابه عزف جالبها واليا انتهض وأرتكا للخط بالهمه= كل المواتر تجنب نور شاهبها يفداه ربع النكد والضيق والنمه= النايف اللي جميع الطرق هايبها ويوم أنفتح شفت زوله جاتني غمه= قالت علامك وحول الباب شايبها قلت البلا يا عيون الظبي في الذمه= وش ذا الحسن لنعبو بالشين عايبها من حسنها ينشرح صدرك مع همه= ويوم اضحكت كن روحي في نصايبها كلمتها والعسل يا ناس من فمه= والعين مثل البحر تسقي هدايبها الفاتن اللي تحذف الطير وتخمه= في رووس الأخيال ما تخطي جلايبها ويوم أقبل العود (مشعابه) تحت كمه= قالت توكل و عجل لا تقاربها يصيح منهو يدق الباب ويصمه ؟؟؟= قلت السموحه وبنتك لا تعاتبها قال انت وش فيك يا اللي تلبس البزمه ؟؟= ما تستحي بنتنا تجلس تخاطبها !!! وخذيت خشمه وحب الراس والقمه= وصحت تكفي العلاقه لا تخربها قال استرح واترك المعني على الجمه= وعطني علومك وعجل في زهايبها وضاعت علومي وطم العلم وطمه= واقول يا الله نفسي لا تنشبها قال انت بتقول والا جاتك الصمه ؟؟=وترا المشاعيب تفهق راس ناشبها قلت بركاده وأنا فديت ذا الجهمه= وبنتك نبيها بشرع الله نقاربها وتغير الحال والأوضاع مكتمه= والنفس طابت وكن الكيف طايبها قال انت وشهو رصيدك قلت أنا نعمه= والحال مستور لو تكثر طلايبها قال المهر حول 6 اصفار ملتمه= والفور والفايف قبل الصفر حاسبها والبيت كيلو تدوج الخيل من حجمه= دونه مؤخر ليا جلبت حقايبها قلت انت يا عود وينك صافق النجمه ؟!!=أركد وعطني علومك لا تركبها ويوم أعتزا وأنتهض بالضيق والحزمه= قال انت يا بوك ما تسوي جواربها وأقوم بالضيق أعض العود من خشمه= ولا فكني كود بنته صاح نايبها خطرن تجيه النكايس عوج بالجزمه= مير الهوا لاح من جنبي شعايبها وزميت نفسي ودق الوجه باللطمه= قلت العواكيس كثرت في صعايبها والحظ دايم ترا ماله معي لزمه= والعز من عز نفسه في مواجبها والنفس تتبع هوا غايه على الهجمه= وكل الوسايل على الغايه نحاربها والمال ما هو بغايه ضربة الرجمه= والناس للناس لو تكثر مصايبها [/poet]
اخوكم سعد الهاجري |
| غير موجود |
| وصلات دعم الموقع | |
|
|
28-05-2003, 12:53 PM
| #8 (permalink) |
| محب ذهبي | هلا بشاعرنا ..سعد من عرفناك والـ(سعد ) بوجيهنا .. صح لسانك مليار ..ولاعدمناك ياغالي ابيات جزله وافية المعاني والفكره ..وحتى الهدف إصابه في الصميم ..من شاعر في الصميم توقف هواوي كثيراُ عند هذا البيت : كلمتها والعسل ياناس من فمه **والعين مثل البحر تسقي هدايبها !! الله ماأجمله من تصوير ..وماألذه من تعبير ..من شاعر قدير ..نتعلم منه الكثير ...والكثير . أخي الغالي ..والحبيب ..ممكن تضيف هواوي إلى مدرستك ، أتعلم منها أصول الشعر ..علني ابلغ غايتي يوماً ما ..وأشكر لك ثناؤك على مبتديء مثلي ...!! أرفقت لنا ياوجه السعد ..حراً في مشاركتك الرائعه ولا عجب حر يرفق حراً ..( انا اشهد انك حر من حرار يالهاجري ) .. اخوك المحب هواوي ... التعديل الأخير تم بواسطة هـواوي ; 28-05-2003 الساعة 12:55 PM. |
| غير موجود |
|
| مواقع النشر (المفضلة) |
| أدوات الموضوع | |
| انواع عرض الموضوع | تقييم هذا الموضوع |
العرض العادي
| |
الساعة الآن 04:39 PM.
