بعد شتريد اسويلك
اصيرن شمعه وضويلك
ابوك بشوش واشويلك
نسيت شجنت اطبخلك وشجنت انه اسويلك
انه الي جنت البخلك ومن كا اللون اخليلك
بالصالون اذب الالف حنى بتسريحه حلوه اجيلك
اثاري الطبخ والنفج ميفيد شسويلك بعد يمعود دخيلك
ابن الاوادم نسيت شجنت اسويلك
من جنت تعطش وينكطع بوري الماي اكل لعيوني تبجيلك
واشربك من دموع العين ماي عذب يصفيلك
وك نسيت شجنت اسويلك
من جنت تتكلب وما تنام اني اسهر والوليلك
والظهريه من تطفي الكهرباء اني اعرك واهفيلك
واذا بليل مسج دزيت
الم فلوس الكارت واعبيلك
ومن جنت تزعل علي جيش مشايه اوديلك
نسيت شجنت اسويلك
من اجيتني بطرك دكان تبيع بي مصاصك
كلت رجلي وراعي بيتي
واجب علي لوينكسر ظهري اشيلك
وحتى افتحلك محل بي خير ابيع بذهبي وابنيلك
وما كفت فلوس الذهب رحت تداينت وما جيت بيوم اشكيلك
وتسالني شجنت اسويلك
ومن صارت عندك فليسات صرت اني وجهالي كلشي ما نعنيلك
ومن اطلع اشنري خضروات تغافلني وتروح تلعب بذيلك
رصيدك خلص من المسجات يوم سمسم ويوم نمنم تقشمرهن بمراسيلك
وبكل ليله تجي سكرا وريحة نسائيه تعط من مناديلك
اليوم اجيت ندمان تطلب سماحي وتتوسل اجيلك
تقشمرني بكلمة احبج من حبتك حبه بعد ما يعبر علي فيلك
شحسبالك احنه بالمكسيك؟ لو انته بمدبلج وتتفنن بتمثيلك
ارجعلك لو حتى تبني قصور روح بعيد انته وكفشتك وتواسيلك
تكلي بحقج جنت غلطان من كبر لفك ووجعه التشيلك
وحق ذهباتي البعتهن مول لفتح يم محلك واشرد كل معاميلك
وحق شيباتي الي من اقهر طلعن لاصير اصاله بت نصري واغنيلك
اسفه شوفلك غيري تكنسلك وتطبخلك وتكويلك
وتسويلك ولو ذرة من الجنت اسويلك

:w00 t2:

فعلا جميله

اقلها يبتسم القارى وتكسب اجر ابتسامته

دام الله عليك الصحه والعافيه