 |
 |  |
| | |
| | |
| |||||||
 |
| | LinkBack | أدوات الموضوع | تقييم الموضوع | انواع عرض الموضوع |
05-05-2008, 11:07 AM
| #1 (permalink) |
| محب جديد  |  مقتطفات الشـــاعر : عبدالله باتل الرشيدي ( البحر الميت ) بسم الله الرحمن الرحيم السلام عليكم ورحمة الله وبركاته اخواني وأخواتي الأحباء انقل لكم هذه المقتطفات من روائع الشاعر : عبدالله باتل الرشيدي الملقب في (البحر الميت) والذي لقبه بهذا الإسم سموالأمير/خالد الفيصل اليكم احبتى هذه االقصائد لهذا البحر ..................................... (احداث سبتمبر ) احداث سبتمبر وبـوش وفلسطيـن وشارون والضفة وياسـر عرفـات كشمير باكستـان والهنـد والصيـن وصدام واحزابـه وترقيـع مافـات وافغان ابـن لادن ومـلاه والسيـن والجيم باللي راحوا اشتات واشتـات وشمعون بن بيريز واسحاق رابيـن ان كـان فتشنـا بوسـط الملفـات ومفاوض عريقات والشيـخ ياسيـن وفتح وحماس ومن بقى حي من مات وين العروبة وين الاسـلام والديـن وين الشجاعة والظفر وين الاثبـات ياهل السطر ياهل الخطر بالمياديـن والله ياهـى مهزلـه وانكـسـارات واطفال وحجاره وعجـز ومساكيـن ومداهمـات وفبركـه واعتـقـالات ومجنـزرات وقتـل نـاس برييـن بلا سبـب تهـدم عليهـم عمـارات طالع وبالشاشـه تشـوف الثعابيـن وتشوف كيف الجـور والاغتيـالات خوف ودهر وان الدهر له معاويـن فى كل يوم مطوحييـن بالاصـوات لكن جميع الناس بـالارض قاسيـن ماحالهم من كـل الاقطـار فزعـات ماينطبـق معقـول كـل القوانيـن على الفلسطيني من النـاس بالـذات وين الصليب اللي بلانسـان معنيـن ومنظمـات الحـق والاضطهـادات وكلً يقـول اليـا ذكرهـم ملاعيـن وعلى الجميع ان قلتها حـق لعنـات سادت بني صهيون واصحابها اثنين ورفرف علمهم عندنـا بالسفـارات ولندن واشنطن وباريـس راضيـن والحكم لاهل الغطرسه والحضـارات وباشا وتاشا اسلام بالنـوم غافيـن ناموا ولاقاموا وصـاروا خواجـات ياعريبنا اصحوا لاتصيروا مجانيـن وكلً علـى الثانـي يـدور حيـالات الارض فيهـا عايشينـن ملايـيـن لكن امريكـا فـي يديهـا القـرارات فى غربتك عند اليهـود الخسيسيـن مدري متى وسطك نصلى الصلـوات ياثلثنا اللـي يكتمـل فيـك ثلثيـن ياثلـم مثلـومٍ بلاسـلام بسـكـات مالمسلمين بدون شوفـك عزيزيـن ولا عليهم فـي غيابـك حسوفـات اعيونهـم مكـسـورة بالبـلاديـن وسلاحهـم شجـبٍ وردد هتـافـات ولا للجهـاد ابــلاد والا ميـاديـن مافيـه تلقـا الا مسـارح وبـارات مير انتظر واصبر على العسر والين وتبي بعـون الله تـدور المـدارات ياقـدس والله ودي اجيـك هلحيـن لكـن مالـي حـول والا حــوالات نعيش فـى ذلـه ونعمـه محاطيـن ريش وغوزيـات دسمـه وكبسـات ناكل وفيك نطالـع الجـرح لاهيـن بالصحف ظهر وعصر نقرا المقالات عبدالله باتل الرشيدي يتبع>>>>> التعديل الأخير تم بواسطة دخـيل الغــلا ; 05-05-2008 الساعة 11:39 AM. سبب آخر: تقارب الابيات |
| غير موجود |  |
| وصلات دعم الموقع | |
|
|
05-05-2008, 11:14 AM
| #2 (permalink) |
| محب جديد | رد : مقتطفات الشـــاعر : عبدالله باتل الرشيدي ( البحر الميت ) وله ايضا ارجوك بعض المشاعر لاتهزهزهـا ترى المشاعر تألـم عنـد راعيهـا وترى النفوس العزاز الها حواجزها وحواجز النفس سترٍ من خوافيهـا لا تقول لك كلمةٍ تحسبـك تحرزهـا وتطيح لاقمت منها منـت قاويهـا وان قلت لك كلمةٍ حـاول تركزهـا ولا ترى الصمت خيرٍ من حكاويهـا ودعواك لاصار ما تقـدر تنجزهـا ازبن على واحـدٍ ساعـه وينهيهـا والا تجـوّد علـى صبـرٍ يعجزهـا وتجيك في وسط بيتك مـا تناديهـا وكم واحدٍ حاجتها بالصدر يكنزهـا من قل من يستمعله يـوم يبديهـا يخشى من اللـي يهمزهـا يلمزهـا يضحك بعض ناس لاكن ناس يبكيها وشكواك لابن الردي حـذرٍ تعنزهـا يفضحك وتروح فيها وانت كاميهـا وعليـك تكبـر ولا تقـدر تميزهـا وتضيع في طوشةٍ تبلـش بتاليهـا والسالفـه يقـدر الواحـد يلفزهـا ويقدر على ناس من شكله يمشيهـا ولاتشغلك حرمةٍ منـت متجوزهـا تطرد وراها وغيرك يهتنـي فيهـا ولاتحسب ان الذهب باي يدن يزهـا ترى الذهب ما يغير لـون اياديهـا ولا يفرحك شوف الارنب لو تنقزها مادام ما شفتهـا بالنـار شاويهـا والنفس حاول بحد اقصى تعززهـا نفسٍ بـلا عزهـا مانـي مداريهـا والناس لاتقـوم بعيونـك تخززهـا احمد على العافيه واسلك مماشيهـا ومن طاوع النفس تشقيه بغرايزهـا ومن طاوع العقل يسلم من بلاويها والمرجله ماتحـب اللـي يهاوزهـا تبي لهـا واحـدٍ دايـم يحاضيهـا واللي عيونه مع الظلمـا يغمزهـا ماحدٍ درى عن عيونه لـو يعنيهـا ونفيستك وانت فانـي لاتغزغزهـا المقبره بأنتظـارك وانـت ناسيهـا والناس دورات قادرهـا بعاجزهـا ماخلق جنه ونـار وزعـوا فيهـا وناسٍ مع الله وناس ابليس ناغزها سبحان من ظل ناس وناس هاديها ونـاسٍ تعلـت وعلتهـا مراكزهـا وناسٍ تبي الطيب مير الطيب فاحيها وناسٍ تحفـز ومعـروفٍ تحفزهـا وناسٍ تبي من يشيمهـا ويعطيهـا وناسٍ تلعوز وتسلم مـن تلعوزهـا وناسٍ مع اللعوزه تبطـي لياليهـا وناسٍ تبي نبز ناس وناس تنبزهـا نابز ومنبوز ليـن المـوت يفنيهـا وناسٍ عجز رزقها يكمل عوايزهـا لاهـي فقـارا وهـي مالله مغنيهـا حتى العجايز تبـي نـاسٍ تهمزهـا العافيـه والظنـا ماهـو مكفيهـا وان قمت اعاند تفاكيري وابارزهـا صارت حجاوي وانا ماني محجيهـا يتبع >>>>> التعديل الأخير تم بواسطة دخـيل الغــلا ; 05-05-2008 الساعة 11:40 AM. سبب آخر: تكرار |
| غير موجود | |
|
05-05-2008, 11:19 AM
| #3 (permalink) |
| محب جديد | رد : مقتطفات الشـــاعر : عبدالله باتل الرشيدي ( البحر الميت ) وله ايضا البارحه ليلى اهموم و كوابيس ...................... البارحـه ليلـي همـوم وكوابيـس وابعد من الجـوزاء علـي الوناسـه ماغير انا والليـل والثالـث ابليـس كلـن علـى الثانـي يبيلـه رياسـه مدري ظروف او حب ولا هواجيـس والا الثلاثـه كلهـن فـوق راســه اون عقلـي صايـرن فيـه تنكيـس وللعقل في بعـض الامـور انتكاسـه يا لايمي لاتلومنـي قبـل ماتقيـس واللـوم للميـس يــزوّد بيـاسـه والشمت طبـع للرجـال الهلابيـس اهـل الهـدف والنمنمـه والبلاسـه وانا معي عقل ومشاعر واحاسيـس وعيون واخـلاق وقلـب وشراسـه لكن حصلي مـن زمانـي عواكيـس وعجزت هذا الوقت لا اعرف لناسـه هـذا يمـوهـا بـهـرج تمالـيـس وهـذا يتجاهلهـا عنـاد وخساسـه وهـذا يغـرك مظهـره بالملابيـس وهذاك يلبس لبـس ماهـو لباسـه وهذا تذعذع لـه هبـوب النسانيـس وهـذا تقـول امغمغملـه بطـاسـه واليا حصلك مـن زمانـك كعاميـس اصبـر وللصبـر الجميـل انعكاسـه تدرسك دنيـاك مـن غيـر تدريـس ماهو لـزوم انـك تـدرس دراسـه وللناس بالدنيـا حظـوظ وقواميـس اللي غـرف بـدرام واللـي بكاسـه وناسً تهجس في غثى الوقت تهجيس ونـاسً تسايسهـا وتاتـي سياسـه وناس تبي عرشً مثل عرش بلقيـس وناسً تبي لو يـوم فرقـا التعاسـه وترى الردى لو فيك سوى نواميـس ينقد علـى نفسـه ويرجـع لساسـه والتيس مثل العنز كان انخصى التيس والتيس ماهو تيـس لـولا التياسـه قنعت واقنعنـي كتـاب الوساويـس لكن عقب ما صرف شيـك الفلاسـه يتبع>>>>> التعديل الأخير تم بواسطة دخـيل الغــلا ; 05-05-2008 الساعة 11:41 AM. |
| غير موجود | |
|
05-05-2008, 11:22 AM
| #4 (permalink) |
| محب جديد | رد : مقتطفات الشـــاعر : عبدالله باتل الرشيدي ( البحر الميت ) وله ايضا لا وهني الناس تدله مع الناس ............................ لاوهني النـاس تدلـه مـع النـاس وانا عجزت القى مع النـاس ناسـي انـا هواجيسـي ليـادك الادمــاس علـيً دكـن مـع دكـاك الدماسـي ما مـر يـوم الا وبالقلـب هوجـاس والله مادري كيف مـا شـاب راسـي باسباب محبوب(ن) من البيض حساس ماشفت مثله فـي جميـع الجناسـي خل(ن) بني حبه بقلبي علـى سـاس ورسى كمـا ترسـي جبـال رواسـي اسمه بقلبـي كاتبـه بيـن الاقـواس اربع حروف(ن) حطم(ن) قلب قاسـي ابو عيون(ن) كنهـا عيـون قرنـاس شاف ابرق الجنحان بيـن الهراسـي لو مادرس بالمدرسه عـدم الاجنـاس زينـه وعقلـه مستـواه الـدراسـي غبت بحر من طب في وسطها انحاس اوصاب عقله مـن هـواه انتكاسـي حبه تحول تالـي الوقـت وسـواس لامـدرك(ن) وصلـه ولانـي بناسـي لو اقدر اصبر واقنع النفـس لابـاس لكن عجز عن مقصد النفـس باسـي دخلت مستشفى الروابـع والاخمـاس وكتبتله في قلبـي اسـم(ن) خماسـي واخذت انا ويـاه مـده بـلا ونـاس وقبـل حلـول اهمومهـا والمآسـي واندارت ايـام السعـاده بـلا تعـاس وكل(ن) شرب من مر فرقـاه كاسـي هو يحسبني طعـت عـاذل وبـلاس وان زمانـي صـار فيـه انعكاسـي ومن بعد هذا حال من بيننـا اليـاس ولازال حبـه هـو بـلاي الاساسـي يتبع >>>>> |
| غير موجود | |
|
05-05-2008, 11:24 AM
| #5 (permalink) |
| محب جديد | رد : مقتطفات الشـــاعر : عبدالله باتل الرشيدي ( البحر الميت ) وله ايضا ...................... حصلت ووصلت فيك من غير تفكير لكن عساها يـوم حصلـت تعـدي ولافيه عنها يوم حصلـت معاذيـر ولافيه لو صديت عنهـا مصـدي قصه لها خطـه وشطـه وتأثيـر جميع شي بوقتهـا صـار ضـدي ابا تحملهـا ولـو هـي مخاسيـر لو هد منها الحال والحيـل هـدي والنفس منها حاشرتهـا حواشيـر حاولـت اهديهـا وعيـت تهـدي ياليت لي جنحـان يـارب واطيـر باي طريق(ن)عن غثاهـا يـودي عن وضعها تعجز قصايد وتعبيـر اشوي والا انبـاح للنـاس سـدي جتني بلحظه مابراسـي عياطيـر ياقـو طعنتهـا وياضـعـف ردي ان الله احياني تهـون المشاويـر وان مت من تأثيرها مـوت جـدي ياشينها لاجتك من غيـر تحذيـر وانت متعشـي زيـن ولا متغـدي يتبع>>>>>>>>>>>>>>>>> |
| غير موجود | |
|
05-05-2008, 11:31 AM
| #6 (permalink) |
| محب جديد | رد : مقتطفات الشـــاعر : عبدالله باتل الرشيدي ( البحر الميت ) وله ايضا سر ياقلم مالي على الصبر طاقه .............................. سريا قلم مالي على الصبـر طاقـه صبرٍ تعدى الحد مـا عـاد ينطـاق اكتـب لمثلـي قصتـه واشتياقـه في خطك الواضح على بيض الأرواق قصة حزيـن صافـي المـر ذاقـه ليا ذكر ما صار له خاطـره ضـاق باقوا به الأصحـاب والوقـت باقـه وصار الضحية بين بايـق وبـواق يمشي وهو ما حس في كسر ساقـه أمسى على ساقين وأصبح على ساق وهذي سوات الوقت شين اصطفاقـه والوقت لو يصفي لـك أيـام دراق إن شان قطـع عنـك كـل العلاقـه وان زان خلى لك مع الناس عشـاق ومن شان معه الوقت قلـوا رفاقـه راحت حياتـه كلهـا هـم واقـلاق والله خلـق خلـق تحـب اللباقـه كما خلق له خلق ما عندها اخـلاق أحد يعيـش بخيـر وأحـد بفاقـه وأحد يعشـق أيـام وأيـام ينعـاق وأحد معه حكمـة وصبـر ورواقـه سبحـان منهـو للمخاليـق خـلاق لكن يا مـن معـك عقـل ووثاقـه ابنصحـك كانـك للامثـال تشتـاق لا تنخـدع بأهـل العلـوم الرقاقـه اللـي سوالفهـم توهـق تـوهـاق صـادق رجـال يعرفـون الصداقـه يقفون صفك يوم يبسـات الاريـاق ومن رغب في فرقاك فارغب فراقـه جاز الذي يجـزاك بفـراق بفـراق وتعلـم التعشيـق قبـل السـواقـه ولا تحسبنـك بالدركسـون سـواق ورزقك يجيك بدون تحضـر بطاقـه وعند الله المعبـود تقسيـم الأرزاق يقولها اللـي جايـر الوقـت عاقـه ولا زال في غيبوبه الهم مـا فـاق مـن انعزاقـه بــادي بانعـزاقـه واللي يوده صار شوفـه بالاشفـاق ولا قال هذا القـول قصـده طفاقـه ما قال هذا غير من نـار الاشـواق ................................. عبدالله باتل الرشيدي وسلامتكم اتمنى أن تنال إعجابكم وأذواقكم الراقيه وله الكثير من الروائع وسوف إن شاء الله تعالى أنقل لكم مقتطفات من روائع البحر الميت تحيتي وتقديري دمتم بحفظ الله |
| غير موجود | |
.gif)
.gif)
.gif)
|
14-05-2008, 06:33 AM
| #11 (permalink) | |
| محب جديد | رد : مقتطفات الشـــاعر : عبدالله باتل الرشيدي ( البحر الميت ) اقتباس:
....................... مشكوووره على المروور و بالتوفيق انشالله | |
| غير موجود | |
|
| مواقع النشر (المفضلة) |
| أدوات الموضوع | |
| انواع عرض الموضوع | تقييم هذا الموضوع |
العرض العادي
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| جايب هالقساوة منين ياطيب | صدى الآلام | همـ روائية ـسات | 4 | 05-08-2007 01:16 PM |
| القران احصى كل شيء علما | التبع اليماني | المنتدى الاسـلامي | 8 | 16-06-2007 07:31 PM |
| لن انساك حبيبي | mariam08 | همـ روائية ـسات | 21 | 28-02-2006 04:27 AM |
| إسرائيل أماتت البحر الميت و الآن هل تميت البحر الأحمر | roses18 | السياسه والقضايا الواقعيه | 8 | 05-10-2005 12:10 AM |
الساعة الآن 09:33 AM.
