الدنيا عز الفرح تجرح
عز الجرح تجرح اكتر
مش اكتر من انى دقت الجرح
ووقت الفرح قلت هافرح
قلت هافرح لقيتها بردو لسه بتجرح
الدنيا غابه ياما والغابه ياما والله ارحم
يلا ياما مدى الخطوه يمكن
نلاقيلنا ياما فيها مطرح
ولا اقولك خلى ياما الخطوه ياما
كيف ماهيا
يعنى هما اللى مدوا الخطوه
اخدوا يعنى الف مطرح ؟هههههه
ياما هما مظبطينها
مرتبينها
للغلابه مفيش مطارح
فيه مدافن واللى عاوز يندفن لازم يمد الخطوه بردو
الدنيا حالها بقا زى بير
كل اللى ينزل فيه يموت
ولا منه عايش ولا منه حتى طالعله صوت
واللى يطلع صوته يخرس
لو جاى يزود هو ينقص
وكان هو ناقص لما ينقص
ويرخص ويبقى ولا يسوى حاجه
قال يعنى غالى لما يرخص
ماهم وراه لما ييأس
ويموتوه قتيل ويفطس
ويقولوا اتجن ولا انتحر
حد قاله فى البحر يغطس
ولا ليه فى عوم ولا ليه فى غيره
لازم يموت ولابد يفطس
يعنى الكلام هايفيد بايه
بس ياما لا اموت وراه
ويقولوا مات ولا تاه
ده الدنيا حلوه والعيشه سهله
وكلنا شغالين بهمه
ولافيه من الجوع حد مات
ولا كل عياله ولا مد ايده لحد غيره وقاله هات
كل الجيوب مليانه ياما
كل البطون شبعانه ياما
احدث مبانى بتتبنى لكل الغلابه
الكبار بيتعبوا واحنا الديابه
واكلنها احنا حقنا نعيش فى غابه
ظالمين ناس بتحبنا بتسعى دايما
لراحتنا وراحه قلبنا
العيش نضيف وكتير بنرمى
بنرمى كل لقمه عشره
ونروح لاكل عيشنا ونرجع بدرى من الساعه عشره
من الساعه عشره فى بيوتنامريحين
دايما كده الغلابه متبترين
فى عز ماهما شبعانين
ووقت مانقوم بعد ماريحنا جسمنا
بنلاقى كل الدنيا ياما
جايه بفرحه بتضمنا
مواصلاتنا فاضيه والدنيا هاديه
واللقمه حلوه
وجيوبنا ياما مليانه ياما
كل البنات بيتجوزوا
وبيوت غلابه بتتهدم
تطلع مكانها ابراج عظيمه
للغلابه بردو ياما
مش للكبار ظالمين كبارنا دايما ياما
ايه يعنى ياما لما يترموا سنتين تلاته
ماهايسكونولهم فى البرج ياما
حتى لو ماتوا يعنى هما اللى موتوهم
يعنى كان عزرائيل خدام ابوهم
ده الموت بايد ربى ياما
وده اجلهم وعمرهم
وكل البنات متسربعين على الجواز
ده كلام ده بردو ياما
يستنوا لما يموتوا حتى يلاقوا عرسانهم فى الجنه
ظالمين كبارنا والله ياما
بس ياما سكتينى ياما
القلب مرتاح وشايل
فرحان سعيد والدمع حاكى والدمع سايل
كل البطون شبعانه ياما
كل الجيوب مليانه ياما
ادعيلى ياما
مايقولوش مجنون وانتحر

لا حول ولا قوه الا بالله

والله عندك حق يااما يارب دايما فى تقدم ياكعبول




بحبك

فعلا عندك حق

مشكور

وماقصرت

الله يعطيك العافية وغفر الله لك ولوالديك

صدقنى طول ما انت بتتكلم وانا بتكلم وغيرنا بنتكلم اكيد هيجى يوم من الايام يتسمع فيه صوتنا بس احنا منستسلمش ونسيبها للى ميتحقوهاش

اكيد كلامك صح طير الغربه بس ايه رايك فى الف صوت فى لحظه بيتخنقوا قبل ما يطلعوا صوت