كيف تدوم علاقتك بزوجك .. ممنوع دخول الغير متزوجات :)

**رمس الرياض** · 19-04-2008, 05:22 PM

حيالله كلن باسمه

نظراً لكثـرة الشكاوي اللي وصلتني من قبل ناس مجهولين بدعوى اني مطنش قسم المجتمع وماكأنه موجود أصلا .. وسنة ونص ماعمرك كتبت فيه شي .. فحبيت اشجب هذا الإدعاء بمويضيع اتمنى يحوز على اعجابكم .. هو بيعجبكم دامه في دائرة الحياة الزوجية
خابركم تحبون هالسوالف خخخخخخخخخخ

حنا نعاني من نقطه وهي (( عنصر التزليب من قبل احد الزوجين )) والنقطه هذي على فكره ممكن تكون من الرجل او المرأه وغالبا من المرأه (( امحق محايده ))

--------------------
اول شي بناخذ الرجال ونشوف وش يسوي

الرجال يقوم سبع ونص الصبح وفي فمه فار ميت من الخياس ولو تقول له وشو ( سيقنال 2 ) قال :- نادي في المانيا وبعدين من دون صباح الخير والا صباحك عسل ياعسل .. يصيح باعلى صوته وين الفطور
واذا خلص من الاكل قال لها اجمل عبارات الحنان (( ترى الفطور وععععع والبيض مااستوى ))
مما يعطي زوجته شعور بجمال عش الزوجيه وبعد ثمان ساعات في الدوام يرجع يدربي دمجته للبيت معفن وخايس لو حط وجه حمااار في اباطه فطس
مما يؤدي الى اعلان حاله الاستنفار والخطر القصوى في خشم الزوجه
ويبداء الزوج برمي عبارات تلميحيه مثل :- اوووووف والله يا انا هلتس من الجوع او والله لو تجيبين لي فيل اني اكله في دقيقه او اااااااااه والله عصافير بطني تصاصي وكلها عبارات غرضها واحد الا وهو
(( بيجي الغداء والا قمت وسطرتس ))

وبعد ان يفرم الغداء يفصخ ثوبه المصنق وينام بسروال الدفه وفنيله الاصيل
وزوجته لابسة احلى لبس عشان تحسسه انها مهتمة بنفسها وانها ماتزوجت عشان تصير طباخة
ولكن هي ماتدري ان زوجها معطيها الخامس فلو تلبس فروه ولا فستان فرنسي ؟؟ فهي لن تحرك شعره في احاسيس ذلك المروح
وبعد نوم طويل من قبل الزوج اللذي يتخلله كثير من سيمفونيات الشخير
اللي كانها سمفونيه عمان آخر الليل
يقوم هالخيــشه حول المغرب وعيونه متغفصه كنه متلاكم مع نسيم حميد

وتأتي تلك الزوجه وهي ملهوفه لتتبادل اطراف الحديث مع زوجها الرقــيـــق (( ايه هين )) ولكنها تتفاجأ بعباره (( وين الشاهي )) ثــم ترجع لزوجها الفعلي اللي هو (( المطبخ )) وهي متحطمه ذاتيا ونفسيا وجسمانيا

وبعد ان يقحن ذلك المروح الشاهي وكأنه اول مره يشوف شاهي يبدأ بتقليب القنوات الفضائيه
طبعا اللبنانيه
ثم يبدأ بقذف عبارات اشبه بصواريخ الصمود - حقت صدام - يقذفها في مسامع زوجته المسكينه ( جعله المدفـــع )
مثل شوفي ذي الموت الحمر مهوب انا المقرود اللي اعرست عليك او ايييييييه والله ضاعت علينا او وش ذا الجسم اللي يطيح طايره بوينق من السماء مهوب ذا البقره الللي جمبي

بعد هذا كله وبكل وقاحه يقول :
انا بروح للاستراحه اذا بغيتي شيء لا تدقين علي .. والا والله ما اجيب صامولي
(هي ما تبي صامولي هي تبي الرجال اللي في شهر العسل ) اللي اعطاها وعود بانه سوف يحقق امنياتها و و و
وفي النهايه تجـــد نفسها بين يدين رجال اسم رجال فقــط
ولكن في الحقيقه هو مركى في مقلط الحريم

انتظروا الجزء الثاني اللي بنتكلم فيه عن المرأه المسترجله

**النجديه** · 19-04-2008, 06:00 PM

هلا وغلا

احمد الله اني متزوجه بواحد يقدرني ولا يقول طسي ولا يشبهني باحد لاني في عينه اجمل الجميلات :)

لي عوده للتعليق مرة ثانيه :)

كاتب الموضوع عمره 97 سنه كنه توه مراهق

:*)

**كوارتز** · 19-04-2008, 09:23 PM

ياهلا ياهلا مستر رمس

صاير مصلح اجتماعي وطبيب نفسي مره وحده &_&

(ممنوع دخول غير المتزوجات) <<-- كثر منهاااااااااااااا..

بس انا الحين عرفت ليه حطيت هالشرط *_*
اتوقع ولاوحده بتتزوج بعد كلامك هذاااااااا :@

وشكل الجزء الثاني استلاااام وتقطيع صح بالزوجات
الله يستر من كلامك بس*_*

بإنتظار الجزء الثاني

الوكااااااد الوكااااااد اني منيب متزوجه ابدددددددددن..
اقول يازين الاحلام بس ^_^

.
.
.
نجديه ياربي يسعدك دووووووم
ميييين مثلك انتي ..
عسى الله يديم عليك يااااارب ..

**بسمه** · 19-04-2008, 10:18 PM

حرام عليك يالشايب تظلم الطرفين

فيه حريم يا سنعهن

وفيه رجال يبي لهم اعدام وهم في فتره الخطوبه
شينه نفس ،، واخلاق تجاريه
ماله غرض بالدنيا الا الارجيله والقهوه والحش مع اصحابه بسوالف الحريم

وش ترد على كلامي ؟؟

**saroonaa** · 20-04-2008, 12:14 PM

السلام عليكم ورحمة الله وبركاته ،،،

يا سلااام على عش الزوجيه !

بظن بعد هالكلام ما احد يتزوج

ننتظر التكملة عن الزوجة

تسلم اخي رمس الرياض عالطرح

ولا ننحرم من جديدك يارب

تقبل تحياتي العطره لك

أختك في الله ... سارونا

**رمس الرياض** · 20-04-2008, 04:22 PM

اقتباس

المشاركة الأصلية كتبت بواسطة النجديه


	هلا وغلا احمد الله اني متزوجه بواحد يقدرني ولا يقول طسي ولا يشبهني باحد لاني في عينه اجمل الجميلات :) لي عوده للتعليق مرة ثانيه :) كاتب الموضوع عمره 97 سنه كنه توه مراهق :*)

يامرحبا والله باختنا الكبيره

فشلتني الله يهديك عمري 97
ياختي كلام العاقل يوخـــــذ نصه

يعني نص 97 .. 43

لا والله كلام العاقل يوخذ ربعه او اقل شوي علشان يجي عمري صحيح

ياليت اسمع تعليقك على الموضوع .. علشان ودي اطرح الوجه الاخر منه
مدري اطرحه في نفس الموضوع ولا في موضوع اخر

واشكرك على مرورك
تحياتي لك

**رمس الرياض** · 20-04-2008, 04:27 PM

اقتباس

المشاركة الأصلية كتبت بواسطة كوارتز


	ياهلا ياهلا مستر رمس صاير مصلح اجتماعي وطبيب نفسي مره وحده &_& (ممنوع دخول غير المتزوجات) <<-- كثر منهاااااااااااااا.. بس انا الحين عرفت ليه حطيت هالشرط _ اتوقع ولاوحده بتتزوج بعد كلامك هذاااااااا :@ وشكل الجزء الثاني استلاااام وتقطيع صح بالزوجات الله يستر من كلامك بس_ بإنتظار الجزء الثاني الوكااااااد الوكااااااد اني منيب متزوجه ابدددددددددن.. اقول يازين الاحلام بس ^_^ . . . نجديه ياربي يسعدك دووووووم ميييين مثلك انتي .. عسى الله يديم عليك يااااارب ..

هلا والله باكوكو

انا في المره هذي طبيب نفسي وعقلي وكلش

بس الجزء الثاني ابيك انتي الطبيبه لان مالي دخل ابد فيه موضوع خاص بالنساء

اللي اتكلم هذا عنه على قولت اختي بدويه الله يذكرها بالخير ((مطليق))

شكرا على المرور

**رمس الرياض** · 20-04-2008, 04:33 PM

اقتباس

المشاركة الأصلية كتبت بواسطة بسمه


	حرام عليك يالشايب تظلم الطرفين فيه حريم يا سنعهن وفيه رجال يبي لهم اعدام وهم في فتره الخطوبه شينه نفس ،، واخلاق تجاريه ماله غرض بالدنيا الا الارجيله والقهوه والحش مع اصحابه بسوالف الحريم وش ترد على كلامي ؟؟

يامرحبا اختي بسمه
الله يهديك بس صدقتي اختي النجديه اني شايب

معليه على قولك فيه رجاجيل يبي لهم الاعدام ..
وعدك الله في االتكمله الموضوع نشوف الحريم اللي يبون لهم مو اعدام.. اباده جماعيه

اشكرك على المرور

**رمس الرياض** · 20-04-2008, 04:36 PM

اقتباس

المشاركة الأصلية كتبت بواسطة saroonaa


	السلام عليكم ورحمة الله وبركاته ،،، يا سلااام على عش الزوجيه ! بظن بعد هالكلام ما احد يتزوج ننتظر التكملة عن الزوجة تسلم اخي رمس الرياض عالطرح ولا ننحرم من جديدك يارب تقبل تحياتي العطره لك أختك في الله ... سارونا

هلا والله اختي سارونا

الناس فيها خير وانا اتكلم عن فئة من الناس .. يعني تزوجي الله يوفقك
بس اهم شي مايكون عند زوجك دوام الساعه 7 الصباح

اشكرك على المرور وتحياتي لك