# [ Ow3nd By BaDr ] #

**هنا خالد** · 31-03-2008, 05:37 AM

الحبيبة....الو انت نمت رغم انى قولتلك هكلمك...عموماكل سنه وانت طيب انهارده يوم الحب
الحبيب....معلهش اناعندى صداع وتعبان جدا وعاوز انام...وانت طيبه ياحبيبتى قلت اناواكلمك الصبح
الحبيبه...؟؟؟؟؟؟؟؟؟؟؟؟
الحبيب...معلهش بقى ياحبيبتى اناهدخل انام والصبح اكلمك
الحبيبه...؟؟؟؟؟؟؟؟؟؟؟؟

الحبيبه...حبيبى ممكن توصفلى انت حاسس بايه اكتبلى اى شئ جواك
الحبيب...اصل انامش بعرف اكتب تق تق مش عارف
الحبيبه...كلام عادى ..اى شئ ..اكتب اى حاجه تخطر ببالك
الحبيب...انااعرف اتكلم مش اكتب
الحبيبه..طيب جرب
الحبيب...يترك الصفحه بيضاء
الحبيبه..؟؟؟؟؟؟؟؟؟؟
الحبيبه...عملت كليب رومانسى جدا جمعت فيه صورى اناوانت على غنوة انت حياتى لتامرحسنى
الحبيب...جميل
الحبيبه.....-لحظه اجيبهولك عالكمبيوتر..هاهوة امامك
الحبيب......-جميل جميل..خلينى فيك انتى الحقيقه ادامى وانظرلصورة
الحبيبه........؟؟؟؟؟؟؟؟

الحبيبه...اتفرجت على صورنا ياحبيبى حلوة جدا
الحبيب...لسه مفتحتهاش
الحبيبه......ليه
الحبيب..مش فاضى افتحها
الحبيبه...الصور هتعطلك...يعنى للدرجه دى مش عندك وقت ابدا
الحبيب ...اه والله ياعمرى
الحبيبه....؟؟؟؟؟؟؟؟

الحبيبه...قولى كلام حلو..حبنى
الحبيب...حاضر ياعمرى بحبك وبموت فيكى
الحبيبه......نفسى توصفلى احساسك..توصفنى من وجهة نظرك
الحبيب..انابحبك...اوصفك بانك طيبه جدا وجميله ومش شايف فيكى عيوب
الحبيبه...معقول .مفيش شخص خالى من العيوب
الحبيب ...اناشايفك كده...
الحبيبه...طيب حللنى الحبيب...ازاى
الحبيبه... خلاص ..خلاص ولايهمك...؟؟؟؟

الحبيبه...حبيبى اناشايفه جفاف فى مشاعرك؛انت مش رومانسى معايا
الحبيب...ابدا ياحبيبتى انازى ماانا الحبيبه...لا انت اتغيرت مبقيتش زى الاول
الحبيب...لالالا...اتغيرت ازاى؟
الحبيبه...مبقيتش تحبنى متل الاول الحبيب... بيتهيألك
الحبيبه...يمكن بس نفسى تحبى متل ماانابحبك..تقول لى اشعار..مش شرط اشعاراى كلام حاسه حتى لوملوش معنى
الحبيب...هحاول
الحبيبه...تنتظر ايام وليالى وشهوروللاسف لم يحاول

الحبيبه...كتبتلك حاجه عاوزاك تقراها
الحبيب...ايه هيه؟ الحبيبه...تفضل
الحبيب..........يقرا قراءة سريعه متل تصفح العناوين الرئيسيه بالجريده ثم يقول..جميل..جميل..شكراحبيبتى
الحبيبه...فهمت الكلام والمعانى
الحبيب... اه اه...بس انااحبك تقولى الكلام بلسانك افضل ماتكتبيه
الحبيبه...القلم اصدق من اللسان الحبيب...عارف بس انا احبك اسمع مش اقرا
الحبيبه.....................................؟

الحبيبه...عاوزاك تتغير
الحبيب...ازاى
الحبيبه...تحبنى اكتر؛تفهمنى بدون كلام ؛كتيرمواقف بتمرعليك مش بتاخدبالك منها
الحبيب...هحاول اخدبالى
الحبيبه...بحبك جدا الحبيب...انااكتر الحبيبه...حاسس بيه
الحبيب....طبعا الحبيبه...اناسعيده جدا الحبيب ..واناسعيدليكى
الحبيبه...تنتظرالتغير...........فانتظرت الى مالانهايه

بالله عليكم...من هذه المواقف كيف تحللون الحبيب وكيف تحللون الحبيبه

لؤلؤة السعودية · 31-03-2008, 02:02 PM

[frame="4 80"]

حبيبتي وغاليتي هنا خالد
والله هاى ثالث مرة ادخل موضوعك
وخايفة اتكلم وجرحكي بكلامي
لاكن بختصار هذا الحبيب يتهرب منكي
ومو حاسس بشي اتجاهك
وممكن يكون السبب
علاقة حب جديدة
او
تعرف علي بنت غيرك وتحول الاهتمام لها
او
زعلان عليكي وما يعرف يعبر عن الي بداخلة
لاكن اتمنى الجواب الاخير

[/frame]

**هنا خالد** · 31-03-2008, 02:21 PM

حبيبتى ....لؤلؤة السعوديه
دة لوفى حالة انه مجردحبيب
امال لو زوج اوخطيب
ايه تحليلك
مشكووووووورة حبيبتى عالرد
تقبلى تحياتى

هيام احمد · 31-03-2008, 03:59 PM

اختى هنا اسمحى لى ان اقول لكى ان هذا الشخص ممكن يكون بيحبك لكن احيانا بدون ان نشعر بنخنق اللى بنحبه فدائما لابد من وجود مسافة او بعد عن المحبين حتى يشعروا بالاخر وان لو دايما حاصرناهم بحبنا ها يتخنقوا فحبيبتى اتركى مساحة للتنفس اتركيه حتى يشعر هو بكى اختى تقبلى مرورى

31-03-2008, 05:10 PM

السلام عليكم ورحمة الله وبركاته ،،،

مثل ما قالت الأخت لؤلؤة

هو يا متعرف على بنت أخرى وتصرفاته تغيرت معك بناء على ذلك

أو يكون متدايق وزعلان من تصرف صدر منكِ ولم تعرفي بذلك

أو زعلان ومتدايق من الشغل اي شيء

المصارحة بينكما هي الاساس لإستمرار العلاقة وعدم تدهورها

الله يهدي البال بينكم يارب العالمين

تقبلي تحياتي العطره لكِ

أختك في الله ... سارونا

**مـصـ همـسة ـريـة** · 31-03-2008, 08:33 PM

عزيزتى
الحب الحقيقى افعال وليس اقوال
ليس كل من يقول لكِ احبك فهو بحق يحبكِ وليس كل من لم ينطقها لا يعنى هذا انه لايحبكِ
طبائع الرجال تختلف والمـرأة الذكيه هى التى تستطيع ان تتعامل مع زوجها او خطيبها حسب طبائعه
وعليها ان تتعود على اطباعه وطالما ارتضت به زوجا او خطيبا فعليها ان تحاول اما تغيير مالايعجبها او قبوله
لان الحياة الزوجيه ليس الحب والكلام المعسول شرطا لاستمرارها فيكفى الاحترام والتفاهم والود وهى اشياتء ان غابت كانت الحياة الزوجية فى مهب الريح
ياعزيزتى كم من فتيات وقعن فريسة للكلام المعسول لمجرد ان خطيبها او زوجها حرمها من ذلك فبحثت عنه بطرق ملتوية
فكانت النهاية ضياع حياتها
الحب الحقيقى ليس كلمة
الحب الحقيقى احساس كل طرف بالاخر ومدى احتياج كل طرف للاخر
ان لم يقل لكِ يوما انه يحبك
فيكفى انك تعرفين انه يحبك
وعليكِ انتِ اسعاده
فذلك عند الله اعظم

تقبلى مرورى
همسة مصرية

**الحــــــربي** · 31-03-2008, 09:58 PM

انا مع راي اختي همسة مصرية بكل كلمة قالتها وقد اشبعتة من وجهة نظري تحليلا 00 وعموما ربما هذا الحوار طارئ اما اذا كان دائما يجب اعادة النظر 00وشكرا اختي هنا خالد وبانتظار الجديد منك 0
تحياتي 000الحربي

ندى الرومانسيه · 01-04-2008, 02:03 AM

اختى هنا
اكيد اللى بيحصل لها كده من حبيبها بتسهر طول الليل وتنام ودموعها مغرقه المخده
بس لو فعلا كان بيحبها ماكانش هيسيب دمعه واحده تنزل من عينيها
ونصيحه تبعد عنه ومن غير ماتزعل منه لانه مايستاهلش حتى انها تفتكر انها كانت تعرفه
ارجو التفكير فى كلامى جايز ينفع

**هنا خالد** · 01-04-2008, 03:40 AM

احب اقدم خالص الشكرلكل اللى ردوا على موضوعى

لؤلؤة السعودية

هيام احمد

saroonaa
همسة مصرية

الحــــــربي

totta_n

اشكركم جداااااااااااااااااااااااااااااا
واودان اوضح لكم اننى سعيدة برايك الذى استنتجت منه اشياء كثيرة
من راى سارونا انه الشخص زعلان عشانى ومش قادر يعبرلى
ومن راى همسه والحربى اكتشفت انه بيحبنى لكنه شخص عملى شويه
مشاعرة متغطيه فى الخفاء
تقبلواااااااااااااااااااا تحياتى
هناخالد



	دردشة شات الحب - شات كتابي - شات صوتي واكبر تجمع خليجي عربي على شبكة الحب