السلام عليكم ورحمة الله وبركاته

نبذه عن حياة الشاعر ونسبه هو الشاعر طلال العبدالرحمن هو من امراء وشيوخ قبيلة عنزه العريقه

والمعروفه فقد اطلق كبار شعار الساحه عليه لقب شامخ الشعر عندما بدأ في الكتابه لتميزه

فقد تأثر الشاعر في والده الرجل المعروف الذي طلبه الملك عبدالعزيز رحمه الله من والده امير ولد سليمان

من عنزه ذلك الوقت وهو من مشاهير فرسان القبيله فطلب الملك من والده ان يدع الشيخ عبدالرحمن

يمكث عنده لأنه احب الشيخ عبدالرحمن فوافق والده وبعد فتره جاء الأمير عبدالعزيز بن مساعد رحمه الله

أمير منطقة حائل ذلك الوقت واعجب بالشيخ عبدالرحمن وتعلق به وطلب من الملك عبدالعزيز ان يأخذه

عنده فذهب الشيخ عبدالرحمن مع الأمير وتربى وعاش عنده في قصره الى ان صار عمره 16 عاماً

ومن اصدقاء والد الشاعر الأميرالشاعر محمد الأحمد السديري رحمه الله فقد كان له مواقف ومساجلات

مع الشيخ عبدالرحمن والد الشاعر طلال ولذلك هو مولع بشعر الأمير الراحل محمدالأحمد السديري

وقدعرف عن الشاعر طلال الطيب والكرم والتواضع فهو مشهور بالحكمه رغم صغر سنه

قصائده: هذه قصيده احدثت جدلاً كبيراً في الساحه وكان لها صدى كبيراً بين الأمراء والشيوخ

[poem font="Simplified Arabic,4,darkblue,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
لا يازمانٍ ضاع فيه الرجاجيل =ماعدنا كنا به شيوخ وسباع

عزيز قومٍ عانق الجدي وسهيل=لكن زمانه مال والحظ خداع

أشكي من الضيقه وكثر البهاذيل=وأشكي من العله ولافيه سماع

فيما مضى دنياي جتني تساهيل=بالفعل والسمعه صدى صيتنا ذاع

بسيوفنا اللي فعلها يفصل القيل=تشفق لشرب الدم وللموت جياع

المرهفات المرويات المصاقيل=تارد حياض الموت والعز مطماع

النايفات بعز وقت المشاكيل=ياكم وكم خلت من الروس خضاع

الفاعلات الحاسمات المصاليل=تطرب على قرع القنا دوم بإسراع

الطايلات المرعبات المعاليل=مطوعات اللي من الناس ماطاع

الباترات المرعفات المساليل=كلٍ تغنى بفعلها وذكرها شاع

ياسيوفنا كثرت علي الغرابيل=ماضاع فيك المجد بس الأمل ضاع

أدري على مثلي ياصعب الولاويل=بس القهر مازان حظك ولاانصاع

ماكنت احسب للدهر لو حصل ميل=يقطعك وقتٍ لأبن الأجواد ماطاع

حظي تعثر والرجا بالمقابيل=والعد عد الغير والأرض مرباع[/poem]
فقد قال القصيده السابقه في مسابقة شاعرالمليون ابو ظبي وقال كلمته المشهوره مالي غير ديرة المعازيب

بعد خلاف حصل هناك وعاد الى السعوديه وانشد اكثر من قصيده في الملك والوطن

وايضاً في صاحب السمو الملكي الأمير عبدالعزيز بن فهد بن عبدالعزيز




يتبع

قصيده في الوطن
[poem font="Simplified Arabic,4,darkred,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]

ياموطني فضلك علي لايكافا = نور الهدى حارب بك الجاهليه

في ظل أبومتعب ابد مانخافا = عزن يامال العز من كل غيه

ماهمنا الحساد وأهل السخافا = مادام أبومتعب يقود الرعيه

وسلطان أبو خالد معين الضعافا = يمناه دايم في عطاها جزيه

وسلمان مثل البحر ماله ضفافا = بالطيب تشهد له جميع البريه

يارب يااللي لك عظيم الوصافا = ياعالمٍ مابالصدور الخفيه

ندعيك وأمرك بين نونٍ وكافا = تحفظ ولاة الأمر من كل سيه

بلادنا تنهض بعلم وثقافا = وتبني الرجال أهل العقول الذكيه

هذا حديثي ليس فيه جزافا = بل أنه جزءٍ من الواقعيه

من يسمع بذكر السعودي وشافا = يرفع له اليدين يلقي التحيه[/poem]

وهذه في الأمير عبدالعزيز


[poem font="Simplified Arabic,4,darkblue,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
نصيت راعي الطيب ياماكر الطيب = والحر مثلك بالوزاء ينتخابه

أشره عليك ولو نصيتك ماهو عيب = أنت الأمير وفوق هذا قرابه

نعم الأمير اللي يصون المواجيب = نسل الملوك أهل الشرف والمهابه

حكامنا وأولاد عم ومعازيب = ماخالفوا نهج النبي والصحابه

أنتم ذرانا عن سموم اللواهيب = ذخرٍ لنا وقت الرخا والمجابه

وأنت العديم بنايفات المراقيب = يامر وينهى والجوارح تهابه

رباه أبوه وعلمته التجاريب = ورام المعالي من بداية شبابه

لو أمدحه من تشرق الشمس لتغيب = وين القصيد اللي يليق بجنابه

ياأمير لك عندي معزه وترحيب = وأمدح سموك بالشعر والكتابه

جيتك بجاهي والشعر والمكاتيب = وأرجي من الله ثم منك الأجابه

مثلك يقدر ياعطيب المضاريب = نسل المليك اللي وسيعٍ رحابه

من مثل أبو فيصل بكته الأجانيب = حتى عدوه في مماته رثابه

ياأبو فهد يامسندي لي مطاليب = وفيك الرجاء سيلٍ ومدك سحابه

والضيف لو ماقدروه المعازيب = عيبٍ تنوخ في حماهم ركابه[/poem]

شكرا لكي اختي

يعطيكي العافيه

تقبلي تحياتي

اختي تسليمين على الجهد الرائع

مشكورة على النقل الرائع اختى الكريمة


لا عدمناكِ

دمتِ بخير


تحياتى لكِ و احترامى



أخوكِ