هذه اول اطلاله اتمنى ان تحوز على رضاكم

[poem font="Simplified Arabic,4,black,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
يامرحبا بالليل وبتالي الليل=يامرحبا لاقفى النهار وغروبه
نور القمر والليل والجدي وسهيل=ربعن خذو قلبي وفكري سروبه
ربعن الى من النهار انهك الحيل=فكري على طيب الجناين غدوبه
واسج في ليلي ويالله التساهيل=والليل دوبه باول العمر دوبه
يطيش فيني وانا من طيشه اميل=وارقص الى منه رقص من طروبه
ليل(ن)بسقفه وبركونه قناديل=كنه ملك من حول شعب(ن)زهوبه
واهيم في ذيك الليالي المشاعيل=شقر(ن) تسامرني وسمرن حطوبه
ويتنفس شعاع القمر ريحة الهيل=ومن ريقها نشرب ومعذب شروبه
ويفزع لي المعنى كما فزعة الخيل=واروض الكايد واسهّل صعوبه
يالله في رجواك ناس(ن) مقابيل=من بينهم غرو(ن) تسمح دروبه
غرو(ن) ماجاه من الزمن غير تدليل=كنه سطا ع الحسن واخذه نهوبه
لو الحسن رحال بعيونها مقيل=وبخدها ينزل ونوخ ركوبه
تتمخطر بعود(ن) ولكن بها ميل=ميل الغصون اللي لفحها هبوبه
لاهي بروبية ولا م البرازيل=من دمها فجت عروق العروبه
الشعر شلال(ن) تهادى عقب سيل=حزة تكون الشمس ماهي مهيوبه
وبفمها جمر الغضى وريقها النيل=اظمى بشفاته وارتوي من لعوبه
اخذت حلا اجيال(ن) قديمه وهالجيل=بنك الحسن تملك مفاتيح بوبه
ومعلقة عنتر وكم بيت به قيل=يبطون ولا قدرو على وصف ثوبه
يابنت انا في حبكم مثل ماقيل=قربك عقوبه ولا ابتعدتي عقوبه
اما تجين المكحله وانا لك ميل=والا بقينا للعواذل لعوبه
قالت مبي غير السمر والتعاليل=واكون لك بين البني امحبوبه
واسمع قصيدك كل ماصابني ويل=وانا اللي لهم الزمن امخطوبه
يالله يامنزل على عيسى الانجيل=ياعارف(ن) باللي كتب في كتوبه
تجعل علومه بين تسبيح وتهليل=وامن العيون الطايشه لاتصوبه
هذه طعون الليل ياخابر الليل=الذيب يعوي والبشر مادروبه
نور القمر والليل والجدي وسهيل=ربعن على سر الهوى ماحكوبه[/poem]

هلا وغلا


صح لسانك مليون قصيده جميله

اهات متناثرة مرورك على القصيده زاد في جمال ابياتها

شكرا واتمنى ان نكون ممن يثرون هذا المنتدى الشامخ

صح السانك

مشكوره وما قصرتي

يعطيكي العافيه

تقبلي تحياتي