منتديات الحب - عرض مشاركة واحدة - مهرجان شبكه الحب لعام 2006 لتسويق واخذ هديه مجانيه

**رمس الرياض** · 11-12-2005, 03:07 PM

سلامن عليكم يا مضارب بني شبكه الحب ،،، من المحب الجديد حتى المحب شخصيه هامه الى الشخصيه مالا نهايه<---( ادري ماهي من شبكه الحب بس جاية على القاف ) !!

المهم ............!!
اليوم ماسكة معي اسولف واقرق قرق فاضي ، لذلك يابعدي اذا مالك خلق تضيع وقتك بشي ما ينفع فضلا لا امرا انقز للموضوع الي بعده ..!! ووعدك الله عند لعبه الحلاق
ههههههههههههههههههههههههههههههه

قبل مدة من المداديت <<< على وزن مرة من المراريت ، قالو لي اهلي بنطلع للسوق وش رايك تودينا ، قلت لهم انا فاضي وش رايكم اروح معكم ، قالو قدام وقلت قدام ولا نامت اعين الجبناء << الصحاف راح معنا للسوق خخخخخخخخخخ

واستلمو مشاهداتي وملاحظاتي في السوق

(اسكت ياطفشااااان خلني اكمل ياحبك للقافه ومقاطع الحكي)

==========================

مدرسات

اول ما وصلنا للسوق نزلت الاهل وسبقوني لمحل على بال ما البق السياره ، ويوم دخلت المحل حصلتهم يقلبون قطعه معجبتهم وقالو لي كاسر البياع تراه يقول ب 400 وعيا ينزل ولا ريال وقلت ازهلوها
صديق كم هذا ؟ قال 350 قلت وش الي 350 يالله نزلي ولا رحنا للمحل الي جنبك قال خلاص 300 قالت لاهلي امشو هذا نصاب ، وقال الهندي خلاص صديق شيل 250 قال اقطع واخس تعطيني ب 200 ولا خلها عندك وقال مافي مشكل شيل
وبعد خروجنا من المحل قالو لي اهلي ذا الهندي حقنه وما عمره نزل لنا شلون نزل لك نص القيمه ، قلت اكيد مهب منزل لكم لانه يعتقد ان كل وحده فيكم مدرسه والمدرسات يا حبت عيني تشوف الشي بـ400 تشتريه ب 450
اخس يارمس مهبل بالهنود

==========================

اخس مهنه بالعالم

اخس مهنه في العالم مهنة بياع ملابس اطفال يا حيل الله يجيك العامل من الصباح يصفف بدل الاطفال ويسفطها ويتكزها على سنجة عشرة وتجيك الست هانم وتقول له هات هذا وهات هذاك وجيب هذا وورني هذاك وجب اشوف ذا لا وع شين ورني الوان ثانيه ولا ذا صغير طلع لي مقاس اكبر وفي النهايه تخليه يطلع كل البدال الي هو مصفف واخرتها تقول له وع بضاعتكم خايسه وتطلع وما اشترت ولا بربع ريال ويرجع يرتب بضاعته من اول وجديد عشان تتكرر المأساة
ترا هذي سوات كوارتز في السوق دائم اعرف نوعياتها

==========================

اليمن الشقيق

ابو يمن وما ادراك ما ابو يمن <<< بعضهم ماهو كلهم يعني لاحد يبلشنا
يمطع لك قسم بالله العظيم ويقسم بمن رفع سبع وطمن سبع ان البضاعه هذي طالعه عليه ب 199 ريال وعشانك بس يالطيب خذها ب 199.5 ويكفينا منك مكسب نص ريال << يا حرام من وين يطلع ايجار المحل
واذا طلعت ودخلت المحل الي جمبه حصلت نفس القطعه ب 60 واذا سئلت بكم طالعه عليهم قالو بـ 50
زي حركات كاتم يحب يغلي سعر الشي وهو نصاب
==========================

بياع باتكس

تدخل المحل وتحس ان فيه احد يتنفس ورا اذنك وتلفت تلقاه البياع نشب بك تروحون يمين يروح معكم يمين تروحون يسار تحصلونه سابقكم يشاورونك اهلك بالبضاعه يجاوب عنك تناظر قطعه بطرف عينك وما تدري الا هو منطلق تقل راديو ويعلمك بصناعتها وسعرها وتاريخها ومتى مصنوعه وكيف مصنوعه وليش مصنوعه ووش اسم ام الي صانعها وكل هذا وانت ما سئلته ومجرد انك ناظرتها مناظر

==========================

بياع القلوب

تدخل المحل وتحصل كفاءه وطنيه زابع امها وصارف ثلاثة ارباع دخل المحل على نشا الغتره ومجرد ما يشوفك يضيق صدره كانه شايف جني وكل ما سئلته عن شي قالك مخلص مخلص مخلص وما يهنا باله الا اذا طلعت من المحل وماهو مهم عنده انه يبيع لكن الاهم انك تطس عشان ياخذ راحته مع زبونات المحل *_^

==========================

لوين رايحين

بالكاد تميز بين بضاعة محلات الملابس النسائيه ومحلات الملابس الداخليه كله ضيق كله قصير كله شفاف كله مشخلع ، واكيد لولا ان فيه احد يشتري ولا كان ما جابو ذي البضايع ، والامور كل مالها في النازل واتسائل لوين رايحين وعند وين واقفين وسلامي الحار لخصوصية مجتمعنا المحافظ

==========================

مارثون

اعتقد لو جابو كارل لويس وسعيد عويطه وكل ابطال الجري والعدو الي فازو بالالعاب الاولومبيه وغير الاولومبيه لما استطاعو منافسه اي امرأه تمشي بالسوق والعجيب انها تمتر السوق رايحه جايه ومعاها اكياس وش كبرها وكل ما مرت عند محل قالت هل من مزيد طاقه عجيبه وكانهم يمشون على بطاريات انرجايزر هم ما يتعبون
سبحان الله مثل بسومه الاموره

==========================

المرأه كالبطه

البطه وهي تطير اذا شافت بط نازل في بحيره نزلت معهم مع ان مالها حاجه بالنزول ولكن بس كذا لعانه وتقليد وكذلك المرأه اذا شافت محل عليه زحمه وحريم داخلين طالعين دخلت مثلهم واشترت من عنده ، بينما المحلات المجاوره قد يكون عندها نفس البضاعه وباسعار اقل ولكنها تقول ولو الناس ابخص ولو ان بضاعته واسعاره ماهي زينه كان ما صار عليه زحمه (شفتو كيف الحريم اذكيا في هالامور )
اتوقع ان سلادينا كذا اذا شافت ههههههههههه نزلت

==========================

ماركات تشنج بنق خرطي

تدخل محل ماركه وتشوف العجايب ، الكل راز خشمه بدأ من السكيورتي الى الكاشير ما تقول الا ذولا يكدون عليك ولا يبيعون عليك ببلاش وتظفظف لك كم غرض من صغرهم تستحي انك تحطهم بكيس وتجي عند الكاشير ويقول لك : ثري ثاوزند فايف هندرد تونتي تو اند ففتي هلله تنطح هلله <<< يا عيال الكلب تو ما احترمتوني وصرت سير بس يوم جت القروش (لابوكم لابو من جابكم ) !!
وتقول يا ولد ميخالف هذي ماركه وتستاهل واذا وصلت للبيت وقعدت تقلب الي انت شاري تحصل مكتوب عليها العباره هذي :
MADE IN CHINA والنعم حمولتن طيبه قال ماركه قال تعيش وتاكل غيرها .............!!
==========================

وبس خلاص @_@

11-12-2005, 03:07 PM	#1 (permalink)
رمس الرياض شخصيه هامه	مهرجان شبكه الحب لعام 2006 لتسويق واخذ هديه مجانيه سلامن عليكم يا مضارب بني شبكه الحب ،،، من المحب الجديد حتى المحب شخصيه هامه الى الشخصيه مالا نهايه<---( ادري ماهي من شبكه الحب بس جاية على القاف ) !! المهم ............!! اليوم ماسكة معي اسولف واقرق قرق فاضي ، لذلك يابعدي اذا مالك خلق تضيع وقتك بشي ما ينفع فضلا لا امرا انقز للموضوع الي بعده ..!! ووعدك الله عند لعبه الحلاق ههههههههههههههههههههههههههههههه قبل مدة من المداديت <<< على وزن مرة من المراريت ، قالو لي اهلي بنطلع للسوق وش رايك تودينا ، قلت لهم انا فاضي وش رايكم اروح معكم ، قالو قدام وقلت قدام ولا نامت اعين الجبناء << الصحاف راح معنا للسوق خخخخخخخخخخ واستلمو مشاهداتي وملاحظاتي في السوق (اسكت ياطفشااااان خلني اكمل ياحبك للقافه ومقاطع الحكي) ========================== مدرسات اول ما وصلنا للسوق نزلت الاهل وسبقوني لمحل على بال ما البق السياره ، ويوم دخلت المحل حصلتهم يقلبون قطعه معجبتهم وقالو لي كاسر البياع تراه يقول ب 400 وعيا ينزل ولا ريال وقلت ازهلوها صديق كم هذا ؟ قال 350 قلت وش الي 350 يالله نزلي ولا رحنا للمحل الي جنبك قال خلاص 300 قالت لاهلي امشو هذا نصاب ، وقال الهندي خلاص صديق شيل 250 قال اقطع واخس تعطيني ب 200 ولا خلها عندك وقال مافي مشكل شيل وبعد خروجنا من المحل قالو لي اهلي ذا الهندي حقنه وما عمره نزل لنا شلون نزل لك نص القيمه ، قلت اكيد مهب منزل لكم لانه يعتقد ان كل وحده فيكم مدرسه والمدرسات يا حبت عيني تشوف الشي بـ400 تشتريه ب 450 اخس يارمس مهبل بالهنود ========================== اخس مهنه بالعالم اخس مهنه في العالم مهنة بياع ملابس اطفال يا حيل الله يجيك العامل من الصباح يصفف بدل الاطفال ويسفطها ويتكزها على سنجة عشرة وتجيك الست هانم وتقول له هات هذا وهات هذاك وجيب هذا وورني هذاك وجب اشوف ذا لا وع شين ورني الوان ثانيه ولا ذا صغير طلع لي مقاس اكبر وفي النهايه تخليه يطلع كل البدال الي هو مصفف واخرتها تقول له وع بضاعتكم خايسه وتطلع وما اشترت ولا بربع ريال ويرجع يرتب بضاعته من اول وجديد عشان تتكرر المأساة ترا هذي سوات كوارتز في السوق دائم اعرف نوعياتها ========================== اليمن الشقيق ابو يمن وما ادراك ما ابو يمن <<< بعضهم ماهو كلهم يعني لاحد يبلشنا يمطع لك قسم بالله العظيم ويقسم بمن رفع سبع وطمن سبع ان البضاعه هذي طالعه عليه ب 199 ريال وعشانك بس يالطيب خذها ب 199.5 ويكفينا منك مكسب نص ريال << يا حرام من وين يطلع ايجار المحل واذا طلعت ودخلت المحل الي جمبه حصلت نفس القطعه ب 60 واذا سئلت بكم طالعه عليهم قالو بـ 50 زي حركات كاتم يحب يغلي سعر الشي وهو نصاب ========================== بياع باتكس تدخل المحل وتحس ان فيه احد يتنفس ورا اذنك وتلفت تلقاه البياع نشب بك تروحون يمين يروح معكم يمين تروحون يسار تحصلونه سابقكم يشاورونك اهلك بالبضاعه يجاوب عنك تناظر قطعه بطرف عينك وما تدري الا هو منطلق تقل راديو ويعلمك بصناعتها وسعرها وتاريخها ومتى مصنوعه وكيف مصنوعه وليش مصنوعه ووش اسم ام الي صانعها وكل هذا وانت ما سئلته ومجرد انك ناظرتها مناظر ========================== بياع القلوب تدخل المحل وتحصل كفاءه وطنيه زابع امها وصارف ثلاثة ارباع دخل المحل على نشا الغتره ومجرد ما يشوفك يضيق صدره كانه شايف جني وكل ما سئلته عن شي قالك مخلص مخلص مخلص وما يهنا باله الا اذا طلعت من المحل وماهو مهم عنده انه يبيع لكن الاهم انك تطس عشان ياخذ راحته مع زبونات المحل *_^ ========================== لوين رايحين بالكاد تميز بين بضاعة محلات الملابس النسائيه ومحلات الملابس الداخليه كله ضيق كله قصير كله شفاف كله مشخلع ، واكيد لولا ان فيه احد يشتري ولا كان ما جابو ذي البضايع ، والامور كل مالها في النازل واتسائل لوين رايحين وعند وين واقفين وسلامي الحار لخصوصية مجتمعنا المحافظ ========================== مارثون اعتقد لو جابو كارل لويس وسعيد عويطه وكل ابطال الجري والعدو الي فازو بالالعاب الاولومبيه وغير الاولومبيه لما استطاعو منافسه اي امرأه تمشي بالسوق والعجيب انها تمتر السوق رايحه جايه ومعاها اكياس وش كبرها وكل ما مرت عند محل قالت هل من مزيد طاقه عجيبه وكانهم يمشون على بطاريات انرجايزر هم ما يتعبون سبحان الله مثل بسومه الاموره ========================== المرأه كالبطه البطه وهي تطير اذا شافت بط نازل في بحيره نزلت معهم مع ان مالها حاجه بالنزول ولكن بس كذا لعانه وتقليد وكذلك المرأه اذا شافت محل عليه زحمه وحريم داخلين طالعين دخلت مثلهم واشترت من عنده ، بينما المحلات المجاوره قد يكون عندها نفس البضاعه وباسعار اقل ولكنها تقول ولو الناس ابخص ولو ان بضاعته واسعاره ماهي زينه كان ما صار عليه زحمه (شفتو كيف الحريم اذكيا في هالامور ) اتوقع ان سلادينا كذا اذا شافت ههههههههههه نزلت ========================== ماركات تشنج بنق خرطي تدخل محل ماركه وتشوف العجايب ، الكل راز خشمه بدأ من السكيورتي الى الكاشير ما تقول الا ذولا يكدون عليك ولا يبيعون عليك ببلاش وتظفظف لك كم غرض من صغرهم تستحي انك تحطهم بكيس وتجي عند الكاشير ويقول لك : ثري ثاوزند فايف هندرد تونتي تو اند ففتي هلله تنطح هلله <<< يا عيال الكلب تو ما احترمتوني وصرت سير بس يوم جت القروش (لابوكم لابو من جابكم ) !! وتقول يا ولد ميخالف هذي ماركه وتستاهل واذا وصلت للبيت وقعدت تقلب الي انت شاري تحصل مكتوب عليها العباره هذي : MADE IN CHINA والنعم حمولتن طيبه قال ماركه قال تعيش وتاكل غيرها .............!! ========================== وبس خلاص @_@ التوقيع: سافروا ولاودعوه.. سيبوني وراحوا ..سيبوني للنوى انكوي في جراحه وينك طولت الغيبة يا صديقي ((عليوي))
غير موجود