راعي الاوله

بعد أعطر تحيّه

[poem font="Simplified Arabic,7,darkblue,normal,normal" bkcolor="transparent" bkimage="" border="double,6,darkblue" type=2 line=0 align=center use=ex num="0,black"]
بكيت غصبٍ بكيت=من الحبيب اشتكيت

ذكرت روعة طلال=ياسلم الطائره

أخذت حب وعطيت=لكنني مارتويت

اصل المحبه سجال=وعقولنا حايره

مع الحبيب ابتليت=وبنيت في القلب بيت

بناه سيد الجمال=وحماه بالدائره!

ياليت والله ياليت=مع الغرام اختبيت

مناي وأغلى منال=أطير بالطائره

رحت وتركت ونسيت=ماقلت باي ومشيت!

مقبول هذي الفعال=وجروحنا غائره

ياسيّد الإتكيت=على الصدود ارتكيت

الله ماحلى الوصال=واهل الحسد بايره

انعم على ماشتهيت=واجرح على مابغيت

زاد انتظاري وطال=والهم انا اسايره

افرح الى من طريت=اسمي بعد كل بيت!

افخر بنبض المقال=اشواقنا ثايره

نومي سلبت ونفيت=تظهر الى من غفيت

مثل القمر والغزال=وسط الفلا ذايره

عوّد على اللي خذيت=حاله وجسمه بريت

في خير صحّه وحال=وقلوبنا طايره[/poem]

وسلامتكم