حفيدتي ايك
حبيبي الكون يضحك من تضحكين


شجر وازهار حتى حايط الطين

صدك ايكه وعليها كل الاثمار

تفاح وعنب والخوخ والتيـــــــن

اجت من الفجر اعليكي الاطيار

الك تشدو وتصفك بالجناحيـــن
فراشات اعبرت نهران وحـــدود

من ارض اليمن والشام والصين
اجت تلقي التحيه بشوق مشتاق

وتحط جنحانها لصدرك نياشـــــن
لان انتي الربيع وخضره الكاع

وبحيرات اركصت بيها الدلافين
اشوف وجهك يا ايكه بكل الازهار
قداح وبنفسج جوري يسمين
واشم عطرك عبق صحراء فواح

نوار وبختري والرياحين
عمامك والعشيره بيك يهذون

وخوالك خفم وصارم مجانين
جيران السلف عنك يسئلون
ويقدمولك هدايا بالملايين
هاي انتي بعمر شهريين وشهور

شكولن لو صبح سنتين وسنين
بملاديك اصب الروح اشعار

واسطرها قصايد بالدواوين
فدوه لضحكتك الهاي العيون

فدوه لو حبيت وكمتي تمشين
اصبر الروح عنك من تبعدين

ويفز كلبي لمن جدو تكولين
اجيب الشكولاته والنساتل

وادور على الجديد البالدكاكين
افرحك وافرح انا من تفرحين

ويويله الزعلك ومنه تشكين
ربي يحفضك من كل العيون

واقدم كل سنه لاجلك قرابين
الشاعر عبد المجيد محمد ذياب العيساوي